Övladın qəlbinə kədər tökəndə,
Ordan axan yaşlar sizə damırmı?
Özgənin övladın misal çəkəndə,
Sizin vicdanınız sızıldamırmı?
Nədir bu yadlara, özgəyə həvəs?
Həmin gül bu doğma bağda bitirsə.
Sizə xoş gələrdi övladınız bəs,
Özgə valideyni misal gətirsə?...
Cəhdi bəyənmirsiz? Səyi çatışmır?...
Səbəb soruşuram mən hamınızdan!
Mən sizə deyimmi nəyi çatışmır?
Yoxsuldur o sizin inamınızdan...
Odur ki, övladın bilin qədrini.
Böyüdüb sevməmək haqqınız yoxdur!
Ona güvənməyib, qırıb qəddini,
Sonra bəyənməmək haqqınız yoxdur!
- Şair Hümbət İsmayılov
YOU ARE READING
"Hər vaxtınız şeir" ...
PoetryHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
