"Hər vaxtınız şeir" ...

Gözəl (Ona son arzu)

Gəl götür sevdanı, bölürəm ürəkdən tən
Silinə bilərsənmi səncə ürəkdən sən?
Sənə son duam var edirəm ürəkdən mən
Məni incitdiyin qədər xoşbəxt ol gözəl

Artıq ağ günlər sənindir, zülmət mənimdir
Minnət mənim, nifrət mənim, sənət mənimdir.
Gedirsən, yollar sənindir həsrət mənimdir,
Mənə acı həsrət, sənə yaxşı yol gözəl

Özgənin qoluna girib gedən zaman sən,
Bil ki qollarım olacaq həyatdan küsən.
Bir də nikahın var, ora qol çəkəcəksən,
Qəlb ağrıdacaq görəsən hansı qol gözəl

Şeir xeyir olmur, ikimiz indi şərik.
Eybi yoxdur indi olarıq dərdlə şərik
Bir dərdin olsa xəbər elə, dərdləşərik,
Bilirsən ki dərdlər olur məndə bol, gözəl!

- Hümbət İsmayılov
Hissləri ifadə edə bilən şəkillərin müəllifi : NigarSadiq