Zehinlərin pərdə salıb üstünə
Nə lazımsa onu çəkərək önə.
Kukla kimi oynadılır hər yönə
On barmaqda on ölkənin ipi var
İt də hürər əksik etməsən payın,
Hər hürəni haqlı sayıb coşmayın!
Lovğalanıb danışırsa arxayın,
Bu səhnədir, o ötkəmin ipi var.
Biri torpaq ilə əldə tutulur.
Birinin dininə böhtan atılır.
Sərvəti talanır, millət satılır,
Azad deyil, hər bölgənin ipi var.
Onlar fitnə yayır, qazanc güdürlər.
İnsanlar bir-birin belə didirlər.
Kimə yönələcək?Seçim edirlər,
Həm sevginin həm öfkənin ipi var.
- Hümbət İsmayılov
YOU ARE READING
"Hər vaxtınız şeir" ...
PoetryHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
