İnsan gərək məqsəd qoya.
Pillə-pillə addımlaya.
Başlamadıq əlifbaya,
Nə mən "A" - sız, nə sən "A" - sız.
Daim öyrən, öyrət, yarat.
Hər gün bilginə bilgi qat.
Bilmədən yaşanan həyat
Nə mənasız.. Nə mənasız...!
"Ya bu düzdür, ya o düzdür."
Bu boş fikir, axmaq sözdür.
Doğru təkdir! Seçimsizdir.
Haqqı bilər bilən "ya"-sız...
Olmasa da qulaq asan,
Mən də olmayacam susan!
Anlaşılmağı saymasan
Yazdıqlarım təmənnasız.
- Hümbət İsmayılov
YOU ARE READING
"Hər vaxtınız şeir" ...
PoetryHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
