"Hər vaxtınız şeir" ...

"Zibil"

Başqasıyla yalan bölüş, yalan kəs,
Ətrafında pərvanə tək dolan, kəs.
Hər kimsənsə mənlə tanış olan kəs,
Mən zibiləm! At zibillər içinə!
  
Vuran vurub, yıxan yıxıb ömrümü.
Mən söyürəm baxıb-baxıb ömrümü.
Könül istər seyrə çıxıb ömrümü,
Tüpürəsən gəzib illər içinə.!
  
Yaş olasan gözə dolub, düşəsən
Yarpaq olub amma solub düşəsən.
Rəhmət adlı dua olub düşəsən,
Sığınasan bezib əllər içinə...
  
O pak Allah xəsislər yaradıbdır.
Gör nə qədər iblislər yaradıbdır.
İnsan adlı nəcislər yaradıbdır,
Bağ-bağçada düzüb güllər içinə
 
- Hümbət İsmayılov