Yazacam halını zəmanənin də
Dağılan, məhv olan viranənin də.
Gözün aydın ey Fizuli sənin də!
Salam verdim, rüşvət sanıb aldılar...
Elə ki sevgiylə hirsimi yendim,
Bir an qürur duydum, bir an sevindim.
Mədəni mühitdə mədəni dindim
Başa düşmədilər, donub qaldılar.
Gördüm ki cahillik ətrafı sarıb,
Həm də həyasızlıq həddinə varıb...
Mərhəmət səddini qırıb, sındırıb,
Qəlbimə kini də yonub saldılar.
Boş başlar bu dolu ürəkdə yaram.
Yazmasam hər nəfəs olacaq haram.
İndi bir ümidlə şeir yazıram,
Bəlkə həmin başlar qanıb doldular...
- Hümbət İsmayılov
KAMU SEDANG MEMBACA
"Hər vaxtınız şeir" ...
PuisiHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
