Bu dünyadan axacaqsan hopmasan
Hopmayana axıb getmək lap asan
Gəlişinin səbəbini tapmasan
Gediş sənə ölüm kimi görünər
Can gərək canlılıq səbəbin qana
Yoxsa heç yaramaz bu can insana
Mənasını dərk etməyən bir cana
Yaşamaq da zülm kimi görünər
Düşüncələr məhkum olan diyarda
Mizan da pozular, doğru meyar da
Ağıl ipi saxlanarsa əyyarda¹
Cəhalət də elm kimi görünər
Özüylə döyüşdə xeyli sərt olan
Bir döyüş ki qalibiyyət şərt olan
Özünə uduzub sonra pərt olan
Hümbət sizə həlim kimi görünər.
- Hümbət İsmayılov
Əyyar¹ - Hiyləgər
VOUS LISEZ
"Hər vaxtınız şeir" ...
PoésieHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
