"Hər vaxtınız şeir" ...

"Dörd bəndlik həyat"

Tərifi var, rişxəndi var.
Amması var, hərçəndi var.
Həyatın da dörd bəndi var:
Doğum, sevinc, kədər, ölüm.
 
Dastan olar qanımla sirr.
Gələr dörd bir yanımla kir.
Mən getmərəm onunla bir,
Mənlə birgə gedər ölüm!

Bir gecəyəm, orda Ay yox.
Mən bir iləm, yaz yox, yay yox.
Xəsisəm, heç kəsə pay yox,
Yalnız mənə qədər ölüm!
 
Sən dua et, mən bilərəm,
Yuxuya get, mən gələrəm.
Şeir ölməz! Mən ölərəm,
Qoy olmasın hədər ölüm...
 
- Hümbət İsmayılov

Şəkillərin həyat tapdığı ünvan : NigarSadiq