"Hər vaxtınız şeir" ...

"Bədbinlər yurdu"

Bədbinlər yurdunun ölümdür yarı.
Burda dəyərlərin qəmdi meyarı.
Ümidsiz sanmayın siz bu diyarı,
İnanın! Burda heç xəyal qırılmır.
  
Başın qarışmasın, yaxına gəl bir.
Gəl, gör ki üzlər tək ürəklər gülmür.
Xəyal yoxdur deyə qırıla bilmir,
Çünki, burda daha xəyal qurulmur.
 
Yoldaş soruşulmaz bir dul adamdan,
Ya da ki azadlıq, bir qul adamdan...
Heç pul istənərmi yoxsul adamdan?
Eyni onun kimi, xəyal sorulmur...
 
Nə edək? Bədbinlik xoşdur bu anda.
Biz də istəməzdik, olur olanda.
Bir vaxt belə idi, biz yorulanda,
Baxıb görürdük ki xəyal yorulmur...
 
- Hümbət İsmayılov
 
Möhtəşəm şəkillərin və mənaların ünvanı : NigarSadiq