"Hər vaxtınız şeir" ...

"Sağlığına qismət"

Sənə dönmüş ürəyimi,
Yanıb sönmüş ürəyimi
Götür ölmüş ürəyimi,
Sağlığına qismət olsun!
 
Bölüb etmişəm tən onu,
Güllər ilə gülşən onu
Yaxşı bilmişəm mən onu,
İstəmirəm həsrət olsun.
 
Yoxsa mən də gedə billəm...
Sənə nə var sağam, ölləm?
Üzdə günəş kimi gülləm,
Ürəkdə lap zülmət olsun.
 
Görün necə maraqlıdır
Bu söz iki qıraqlıdır.
Hörmət hörmətə bağlıdır,
Olmaz açıq hörmət olsun...
 
- Hümbət İsmayılov