Gördük xeyli hiylə, kələk
Dedik güvənməyək gərək
Elə ondan-bundan kömək
Uman yerdə axşamladıq
Kədər qonaq gəldi bizə
Ağır yükü saldı dizə
Xoş arzular qəlbimizə
Daman yerdə axşamladıq.
Başa gəldi nələr-nələr
Küskün ürək hüzur dilər.
Göylərdə heç vermədilər
Aman, yerdə axşamladıq.
Düşündükcə özümüzü
İtirdik hər düzümüzü
Həqiqətə gözümüzü
Yuman yerdə axşamladıq.
Sonda yara oldu bu can
Axdı-axdı,durmadı qan
Yaxşı gəlmişdik buracan
Yaman yerdə axşamladıq.
- Hümbət İsmayılov
ESTÁS LEYENDO
"Hər vaxtınız şeir" ...
PoesíaHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
