Chapter (33-2) _ နားလည်မှုလွဲခြင်း
ယခုအချိန်တွင် ရှုန်းယယ်သည် ကျိုးကျီ၏ လက်နှင့်ခြေထောက်များမှ ဒဏ်ရာသေးသေးလေးများ ကိုကြည့်နိုင်သေးသည်။ သူက ကျိုးကျီကို ကောက်ပွေ့ပြီး မျိုးနွယ်စုဆီ တဟုန်ထိုး ပြေးလာခဲ့ သည်။
ကျိုးကျီ၏ အမြန်နှုန်းသည် အလွန်မြန်သည်။ ခဏအကြာ သူသည် ကျိုးကျီနှင့်မျိုးနွယ်စုသို့ ပြန်သယ်လာနိုင်ပြီး အဘဘုန်းတော်ကြီး၏ ဂူသို့ တိုက်ရိုက်သွားခဲ့သည်။
မျိုးနွယ်စုဝင်တွေက သားကောင်များကို ကိုင်နေကြစဉ် အမဲလိုက်အဖွဲ့က ကျိုးကိုပွေ့ကာ ပြေးလာသည်ကိုတွေ့တော့ ဝိုင်းမေးကြသည်။
"ကျိုးကျီ အဆင်ပြေရဲ့လား"
"ကျိုးကျီကို မင်းရဲ့ ကျောပေါ်မှာ ဘာကြောင့် သယ်လာတာလဲ "
"ကျိုးကျီ ဒဏ်ရာရနေလား"
"ကျိုးကျီက လူကောင်းတစ်ယောက်ပါ၊ အဲဒါက ဘယ်မှာထိခိုက်တာလဲ"
...
အစပိုင်းမှာ ကျိုးကျီ ဒဏ်ရာရတာကို လူတိုင်း သံသယ ၀ င်ခဲ့တယ်။ ဒီအချိန်မှာ ရုတ်တရက် တစ်ယောက်ယောက်ကပြောလိုက်တယ်၊
"သူတို့ပြန်လာတော့ ရှုန်းယယ်ကိုယ်မှာ သွေးတွေ ပေနေတယ်။ အဲ့အနံ့က ကျိုးကျီရဲ့ အနံ့နဲ့တူတယ်ကွ... "
ရှုန်းယယ်၏ကိုယ်နံ့က ကျိုးကျီ၏ အလွန်ပြင်းထန်သော သွေးနံ့ကို မဖုံးနိုင်ပေ။
မျိုးနွယ်စုထဲကလူတွေ: "... "
မျိုးနွယ်စုထဲက လူတွေအားလုံးနီးပါးက တိရစ္ဆာန်ပုံစံကိုနိုးထ လာပြီးသည်ဖြစ်တော့ အချို့က အထူးကောင်းမွန်သောနှာခေါင်းရှိသည်။ ၎င်းတို့အနက် အချို့သည် အမြင်အာရုံ ပိုကောင်းလာကြသည်။ အခုတော့ ...
"ရှုန်းယယ် နဲ့ ကျိုးကျီက တောထဲမှာ.. အဟွတ်... အဟွတ်.... "
"ကျိုးကျီနဲ့ရှုန်းယယ်တို့ရဲ့ အနံ့တွေဖြစ်နိုင်လား... "
"ကျိုးရဲ့ ခြေထောက်နဲ့ လက်မောင်းတွေမှာ ထိခိုက်ဒဏ်ရာ အသေးစားတွေက မြေကြီးပေါ်မှာ လူးလိမ့်လို့ မြက်ပင်တွေ ရှသွားတာ ဖြစ်နိုင်တယ် "
"ကျိုးက နေ့တိုင်းမှာ ခန္ဓာကိုယ်ပေါ်မှာ တိရိစ္ဆာန်အရေခွံနဲ့ ဖုံးထားတတ်တာလေ။ ဒါပေမယ့် ဒီနေ့မှာ အရွက်တစ်ရွက်နဲ့ပဲ ဖုံးထားတယ် "
"ရှုန်းယယ် ရဲ့အဝတ်အစားတွေစုတ်ပြဲနေလား"
...
ရှုန်းယယ်နှင့် ကျိုးကျီတို့သည် မျိုးနွယ်စုမှ လူများက သူတို့ ထင်ရာမြင်ရာတွေးပြီး အဲ့ဒီအရာကို အတည်ပြု နေကြသည်ကို မသိပေ။ မျိုးနွယ်စုထဲမှာ အားလုံးက ဒီအကြောင်းဆွေးနွေးပြီး အရမ်းပြင်းထန်လာခဲ့သည်။
မဟုတ်ရင် သူတို့က ဘယ်လိုပုံစံမျိုးဖြစ်မလဲ မဟုတ်ဘူးလား။
ရှုန်းယယ်ရဲ့ကျောပေါ်မှာ ပျော့ခွေပြီး ပါလာတဲ့ ကျိုးကျီကတော့ ရှုန်းယယ်က သူ့ခွန်အားကို မထိန်းနိုင်လို့ ခုလို ဖြစ်သွားသည်ဟု တထစ်ချထင်လိုက်ကြသည်။
ဒါနဲ့ဆွေးနွေးမှုတစ်ခု ရှိလာခဲ့သည်။ အမျိုးသမီးတစ် ဦး ကက ရုတ်တရက်ဝင်ပြောခဲ့သည်။
"ရှုန်းယယ် နဲ့ အတူနေတာက ဘယ်လိုနေလဲ မသိဘူး ... အရမ်း အရမ်းကောင်းလောက်မယ် ထင်တယ် "
ချက်ချင်းဆိုသလိုဘဲ လူတစ်ယောက်က ဝင်ကြွားလိုက်သည်။
"တကယ်တော့ ငါက အိပ်ယာထဲမှာ အရမ်းအစွမ်းထက်တယ်၊ မင်း ငါနဲ့စမ်းချင်လား။ "
မျိုးနွယ်စုထဲက လူတွေပြုံးပြီး သူတို့ အလုပ်ကို သွားလုပ်လိုက်ကြသည်။
ဒီအချိန်မှာ မာလု ကိုဖမ်းမိခဲ့တဲ့ ရှုန်းဟော်တို့ အဖွဲ့ကပြန်ရောက်လာခဲ့သည်။
မျိုးနွယ်စုတွင် အသားတွေကို ကိုင်နေသည့် မြင်ကွင်းကိုမြင်သောအခါ ရှုန်းဟော် အရမ်း ပျော်သွားသည်။
"ရှုန်းယယ် ဘယ်မှာလဲ။ သူ့အဖွဲ့က သားကောင်တော်တော်များများကို ဖမ်းမိခဲ့တာလား "
ရှုန်းဟော်က ရှုန်းယယ်အကြောင်းကို မေးနေတာကို သူတို့ကြားလိုက်တဲ့အခါ တစ်ယောက်ယောက်က ချက်ချင်းပြောခဲ့တယ်
"ခေါင်းဆောင် ...ရှုန်းယယ်က ကျိုးကျီကို ဒဏ်ရာ ရအောင် လုပ်ခဲ့မိတယ်။ အခု ရှုန်းယယ်က ကျိုးကျီကို ဘုန်းတော်ကြီးဆီ ခေါ်သွားခဲ့တယ် "
ထိုလူပြောသောအခါ ဘာကိုဆိုလိုတယ်ဆိုတာ နားလည်လိုက်သဖြင့် ရှုန်းဟော် မျက်မှောင်ကြုတ်ပြီးကြည့်လိုက်သည်။
ပတ်ဝန်းကျင်မှ လူများက အလုအယက်ဖြင့် အစောပိုင်းသူတို့မြင်ခဲ့သည်ကို ဝိုင်းပြောပြခဲ့သည်။
မျိုးနွယ်စုထဲမှာ လူများနှင့် အတူပြန်လာသည့် ရှီလီက ဒီသတင်းကိုကြားတော့ ရုတ်တရက် အံ့သြသွားပြီး အလန့်တကြားမေးခဲ့သည်။
"မင်း ဘာပြောလိုက်တယ်..."
🎄🎄🎄🎄🎄🎄
YOU ARE READING
ကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed)
Adventureကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed) Genre _ Adventure , Comedy , Fantasy, Historical ,Romance ,Slice of Life ,Yaoi မေး- မင်း နှစ်သက် သဘောကျတဲ့သူက သစ္စာမရှိတော့တဲ့အခါ မင်း ဘာလုပ်သင့်လဲ။ ဖြေ - နောက်တစ်ယောက်ရှာပါ။ ဒီတစ်ခါတ...