Chapter (57) _ ကျိုးကျိုးလေးရဲ့ သရုပ်ဆောင်ခြင်း အတတ်ပညာ
ကျိုးကျီက ရှေးဦးလူသားတွေဟာ တကယ့်ကို ရိုးရှင်းပြီး သူတို့ရဲ့ အတွေးအမြင်တချို့ကို သူတို့မျက်နှာမှာ မြင်နိုင်ပါတယ်။
ရှောင်ရှီး မျိုးနွယ်စုထံ ချဉ်းကပ်လာပြီးနောက် လူအချို့သည် မျိုးနွယ်စု နေအိမ်ထဲမှ ထွက်လာကြပြီး ထိုလူများ၏မျက်နှာထက်တွင် ဖုံးကွယ်၍မရသော လောဘအရိပ်ယောင်တွေ ပြည့်နှက်ကာ သူတို့ သယ်ဆောင်လာသော ကုန်ပစ္စည်းများကို ကြည့်ရှုနေကြသည်။
ဒီလူတွေက တော်တော် စိတ်မသက်မသာ ဖြစ်နေကြ ပေမယ့် ရှုန်းချီ၊ ရှုန်းယယ် နဲ့ တခြားသူတွေ မသိကြသေးပါဘူး။
"ကျွန်ုပ်တို့က ဝက်ဝံကြီး မျိုးနွယ်စုကပါ၊ မင်းတို့ရဲ့ အကြီးအကဲကို ရှာနေတာပါ။ ကျုပ်တို့က အရင်တစ်ခါကလည်း ဒီကို ရောက်ဖူးပါတယ်။"
ရှုန်းချီက ပြောလိုက်သည်။
လူအုပ်ထဲမှ ထွက်လာသူမှာ မုတ်ဆိတ်မွေး နှင့် သန်မာသူဖြစ်သည်။ သူက ရှုန်းချီကို ကြည့်ကာ ရယ်နေသည်။
"ဝက်ဝံကြီးမျိုးနွယ်စုကလား? မင်း ငါနဲ့လိုက်ခဲ့"
ရှုန်းချီက အဲဒီလူကို ခေါ်သွားတဲ့နောက်ကို လိုက်ပြီး အထဲကို ဝင်သွားစဉ် အနောက်က ပြောလိုက်သံ ထွက်လာသည်။
"ငါတို့ ဒီမှာ ရှိတယ်၊ ရှောင်ရှီးမျိုးနွယ်စုရဲ့ အကြီးအကဲက တွေ့ဆုံဖို့ ထွက်လာရမှာ မဟုတ်ဘူးလား?"
ရှုန်းချီက အသံတစ်ခုကြားလိုက်ရလို့ လှည့်ကြည့်လိုက်တော့ ကျိုးကျီ က အဖွဲ့နောက်မှာ ရပ်နေတာကို တွေ့လိုက်ရပြီး မျက်ခုံးတွေ တွန့်ကာ မျက်နှာက မပျော်မရွှင် ဖြစ်နေသည်... ကျိုးကျီက ဘာဖြစ်နေတာလဲ....
ရှုန်းယယ်လည်း အံ့ဩသွားသည်။ ကျိုးကျီက ဒီလိုကိစ္စကို ဝင် မစွတ်ဖက်တတ်ပါဘူး။ သူက အရမ်း နူးညံ့တဲ့သူပါ။ သူက ဒီလိုအသုံးအနှုန်းမျိုး အရင်က တစ်ခါမှ ပြောဆိုတာကို မတွေ့ဖူးဘူး။ တစ်ခုခုမှားနေသလား။
ရှုန်းချီ က ဘာဖြစ်လို့လဲဆိုတာ မေးချင်ပေမယ့် ကျိုးကျီက ရုတ်တရက်ပြောလာလို့ သူ မေးမယ့် စကားလုံးတွေကို မြိုချထားလိုက်ရတယ်။
ကျိုးကျီ က အနည်းငယ် မကျေမနပ်ဖြစ်ပြီး ပြောလိုက်သည်။
"ရှောင်ရှီး မျိုးနွယ်စုက လူတွေ... သိပ်ရိုင်းတယ်?"
ရှုန်းချီ နဲ့ ဆားလဲလှယ်ဖို့လာတဲ့ အဖွဲ့သားတွေအားလုံးက ယဉ်ကျေးသိမ်မွေ့တဲ့ မျက်နှာတွေနဲ့ ကြည့်နေခဲ့ကြပြီး ကျိုးကျီက တင်းမာစွာပြောနေခဲ့တယ်။
ဆန့်ကျင်ဘက်မှာရှိတဲ့လူက ဒီတစ်ခါတော့ ကျိုးကျီ ကို ကြည့်လိုက်တယ်။
ကျိုးကျီနဲ့ လူတစ်စုကို သူမြင်ပြီး နောက် သူတို့က ဆားနှင့် အခြားအရာများကို လဲလှယ်ရန်လာသည့် ဝက်ဝံကြီးမျိုးနွယ်ဝင်တွေဖြစ်ကြောင်း သိပြီးနောက် ကုန်ပစ္စည်းတွေကို သိမ်းပိုက်ထားဖို့ ကြံစည်နေပြီဖြစ်ပါတယ်။
သူတို့က ရှောင်ရှီးမျိုးနွယ်စုက မဟုတ်ပဲ ကျားကြီးမျိုးနွယ်က လူတွေဖြစ်တယ်။
ကျားကြီးအဖွဲ့က လူအင်အား ၂၀၀၀ လောက်ရှိသော ကြီးမားသော မျိုးနွယ်စုဖြစ်သည်။ လူဦးရေ ၁,၀၀၀ ပြည့်သွားသောအခါတွင် စားနပ်ရိက္ခာ မလုံလောက်သောကြောင့် မျိုးနွယ်စုရှိ လူအများအပြားကို မထောက်ပံ့နိုင်ခဲ့ကြပေ။ ဒါကိုဖြေရှင်းဖို့ နည်းလမ်းနှစ်ခုရှိတယ်။
တစ်နည်းက သူတို့ ကျားကြီး လူမျိုးစုများကို ခွဲခြားပြီး အခြားနေရာများတွင် နေထိုင်ရန် လူတွေ ခွဲကာလွှတ်လိုက်ရန် ဖြစ်သည်။ နောက်တနည်းကတော့ မျိုးနွယ်စုတခုလုံးစုပေါင်းကာ အခြားနေရာကို ပြောင်းရွှေ့နေထိုင်ဖို့ဖြစ်တယ်။
သူတို့က နောက်ဆုံးတစ်ခုကို ရွေးတယ်။
အစတုန်းကတော့ မျိုးနွယ်စုတွေ ရှင်သန်ဖို့ အစာအလုံအလောက်ရှိတဲ့ နေရာကို ရှာချင်ပေမယ့် မျိုးနွယ်စု လူပေါင်း တစ်ထောင်လောက် နေထိုင်နိုင်တဲ့ နေရာကို ရှာတွေ့ဖို့ ခဲယဉ်းပါတယ် - သူတို့ဟာ လအနည်းငယ်သာ နေထိုင်နိုင်ပြီး ဘယ်မှာပဲဖြစ်ဖြစ်၊ လျှောက်သွားကြပြီး ထိုအရပ်၌ သားကောင်ရှိသမျှတို့ကို ပြောင်သွားအောင် ရှာဖွေကာ ဖမ်းစားကြလိမ့်မည်။
သူတို့သည် အချိန်တိုင်း ရွှေ့ပြောင်းနေထိုင်နေကြသည်။ သူတို့ ရွှေ့ပြောင်းနေထိုင်ရာလမ်းတွင် အခြားမျိုးနွယ်စုက လူ အများအပြားသေဆုံးသွားမည်ဖြစ်သည်။
ထိုအချိန်တွင် သူတို့သည် အခြားမျိုးနွယ်စုများ၏ နယ်မြေထဲသို့ အမှတ်မထင် ဝင်ရောက်လာခဲ့သည်။
မူလ နေထိုင်ကြသည့် မျိုးနွယ်စုရှိလူများသည် ကျားကြီးမျိုးနွယ်စုဝင်များအား မောင်းထုတ်လိုကြပြီး ဒါကြောင့် သူတို့လည်း ဒေါသထွက်ကာ ထိုဒေသရှိ မူလနေထိုင်နေကြသည့် မျိုးနွယ်စုကို ဖျက်ဆီးပစ်ကြသည်။
ဒီလိုလုပ်ပြီးနောက် ကျားကြီးမျိုးနွယ်စုဝင်တွေက သူတို့ရဲ့ဘဝနေထိုင်မှုက ပိုကောင်းလာကြောင်း ရုတ်တရက် တွေ့ရှိခဲ့ကြတယ်။
ဒီမျိုးနွယ်စုမှာ ရုပ်ရည်ချောမောတဲ့ အမျိုးသား၊ အမျိုးသမီးငယ်တွေကို ကျားကြီးမျိုးနွယ်စုမှ အကုန် ကျွန်ပြုကာ ထိုလူတွေ သိမ်းဆည်းထားသော အစားအစာများကို အားလုံးသိမ်းပိုက်ကာ စားသောက်နိုင်သည်။ သူတို့သည် ဤမျိုးနွယ်စု၏ နယ်မြေတွင်လည်း အမဲလိုက်နိုင်သည်။
တစ်နှစ်အကြာတွင် မျိုးနွယ်စုတွေ တည်ရှိနေသည့် နယ်မြေကို လိုက်ရှာကာ နေထိုင်ကြပြီး ထိုဒေသက အစာအလုံ အလောက်မရှိတော့တဲ့အခါ ကျားကြီးမျိုးနွယ်စုက ထွက်သွားပြီး အားလုံးက နောက်ထပ်မျိုးနွယ်တွေကို လိုက်ရှာဖို့ အတူတူသွားဖို့ ဆုံးဖြတ်လိုက်ကြတယ်။
သူတို့အားလုံးက တခြားမျိုးနွယ်စုတွေကို ကျူးကျော်ပြီး လျှောက်သွားကာ လုယက်စားသောက် နေထိုင်ခဲ့ ကြတယ်။
သူတို့တိုက်ခိုက်တဲ့ မျိုးနွယ်အားလုံးကို မသတ်ပဲ သန်မာတဲ့သူတွေနဲ့ တွေ့တဲ့အခါ ထိုလူတွေကို သူတို့ မျိုးနွယ်စုထဲ သွပ်သွင်းလိုက်ကြသည်။ တချို့လူတွေက သူတို့နဲ့ပူးပေါင်းဖို့ ဆန္ဒမရှိရင် သနားညှာတာခြင်းမရှိ သတ်ပစ်ကြသည်။ နှစ်ပေါင်းများစွာကြာပြီးနောက်၊ သူတို့မျိုးနွယ်စုတွင် ကျားကြီး မျိုးနွယ်စုက လူနှစ်ထောင် အမှန်တကယ်ရှိနေပြီဖြစ်သည်။
ယမန်နှစ် ဆောင်းရာသီမတိုင်မီတွင် ၎င်းတို့သည် ချင်းစန် မျိုးနွယ်စုကို တိုက်ခိုက်ပြီး ထိုမျိုးနွယ်စုကို သိမ်းပိုက်နိုင်ခဲ့သည်။
သူတို့သည် ဆားလဲလှယ်သည့် လမ်းကြောင်းများနှင့် ဆားအများအပြားပိုင်ဆိုင်ထားသည့် ချင်းစန်း မျိုးနွယ်စုထံမှ အစားအသောက်နှင့် ပိုင်ဆိုင်မှုအများအပြားရရှိခဲ့သည်။ သူတို့ လိုချင်ရင် ဆားကို အနီးနားက မျိုးနွယ်စုတွေကနေ အများကြီး လဲလှယ်ရရှိနိုင်သည်။
ဒါပေမယ့် အနီးနားက မျိုးနွယ်စုတွေက ဆားလိုအပ်ချက် အတူတူပါပဲ။ လဲလှယ်စရာတွေ အများကြီးရှိလို့ လူများများစားစားနေလို့မရဘူး၊ ဒါကြောင့် ဒီစီးပွားရေးလုပ်ဖို့ ကျားကြီး မျိုးနွယ်စုက လုံးဝ မစီစဉ်ထားဘူး။
သူတို့က ချင်းစန်း မျိုးနွယ်စုတဝိုက်ရှိ မျိုးနွယ်စုအားလုံးကို ဖြိုခွင်းပစ်ချင်ကြသည်။
ချင်းစန်း လူမျိုးစုတည်ရှိရာနေရာသည် စိမ်းလန်းစိုပြေသောသစ်ပင်များနှင့် သားကောင်များစွာရှိသောနေရာဖြစ်သည်။ အနီးနားရှိ မျိုးနွယ်စုများစွာနှင့် အတူတကွ ဤနေရာတွင် နှစ်အတော်ကြာ နေထိုင်နိုင်ခဲ့ကြသည်ဟု ခံစားမိကြသည်။
ကျားကြီးမျိုးနွယ်က အခြားလူမျိုးတကာကို ရန်စကာ အနိုင်ကျင့်သိမ်းပိုက်တာက အကျင့်ဖြစ်နေလေပြီ။
ထို့ကြောင့်၊ ဝက်ဝံကြီးမျိုးနွယ်က ဆားလဲလှယ်ရန် ရောက်လာသောအခါ သူတို့ကို စတင်ပြီး ရန်စ တိုက်ခိုက် လိုက်ကြသည်။
သို့သော် ပြင်ဆင်မှု မလုပ်ရသေးခင် နောက်ဆုံးတွင် ဝက်ဝံကြီး အများစုသည် ထွက်ပြေးသွားကြသည်။
ဒါပေမယ့် ဒါက ဘာမှမဟုတ်ပါဘူး၊ သူတို့က နောက်ပိုင်းမှာ ဝက်ဝံကြီးမျိုးနွယ်စုရှိရာကို သွားရောက် တိုက်ခိုက်လိမ့်မယ်။ ဟုတ်ပါတယ်၊ ဝက်ဝံကြီးမျိုးနွယ်က နည်းနည်းဝေးတဲ့အတွက် ချင်းစန်း မျိုးနွယ်တစ်ဝိုက်မှာ ရှောင်ရှီးမျိုးနွယ်ကို ပထမဆုံး ကျူးကျော်ဝင်ရောက်ခဲ့ကြတယ်။
ဝက်ဝံကြီး မျိုးနွယ်စုတွင် လူရာနှင့်ချီ ရှိသည်ဟု ဆိုကြပြီး သိမ်းပိုက်ထားသော ဒေသတွင် သားကောင်များ အလွန်ပေါများနေသေးသည်ဟု ဆိုသည်။ ကျားကြီးမျိုးနွယ် မှလူများသည် ဝက်ဝံကြီးမျိုးနွယ်စုကို တိုက်ခိုက်ရန်ယခုဆောင်းရာသီအထိ စောင့်ဆိုင်းဖို့ စီစဉ်နေကြသည်။
ချင်းစန်း မျိုးနွယ်စုမှ လူများထံမှ ဝက်ဝံကြီး မျိုးနွယ်အကြောင်းကို သိရှိခဲ့ကြပြီးနောက် ဝက်ဝံကြီးမျိုးနွယ်စုတွင် တိုက်ခိုက်ရေးစွမ်းအားမြင့်မားပြီး အများစုမှာ ဝက်ဝံများဖြစ်ကြသည်... ဆောင်းရာသီတွင် ဝက်ဝံတွေက ဆောင်းခိုကာ အိပ်စက်ကြသဖြင့် တိုက်ခိုက်ရေးစွမ်းအား မမြင့်မားကြပေ။
ဝက်ဝံကြီးမျိုးနွယ်စုက လူတွေက ကျားကြီးမျိုးနွယ်စုအကြောင်းကို မသိကြပေ။ ဒါပေမယ့် ကျားကြီးဘက်က လူတွေက ဝက်ဝံကြီးမျိုးနွယ်စုအကြောင်းကို နားလည်နေကြပြီး အခုအဖွဲ့ကို ဦးဆောင်သူကလည်း ဝက်ဝံကြီးအဖွဲ့အကြောင်းကို ကောင်းကောင်းသိသူများထဲမှ တစ်ဦးဖြစ်သည်။
ဒါပေမယ့် ဒီတစ်ကြိမ်မှာတော့ ကျိုးကျီက မာနကြီးစွာဖြင့် သူတို့ကို ကြည့်ပြီး ရိုင်းစိုင်းတယ်လို့စွပ်စွဲတာကို တွေ့တော့ သူထင်ထားတာနဲ့ ကွဲပြားသွားတယ်လို့ ခံစားလိုက်ရသည်။
မုတ်ဆိတ်နှင့်လူကို ဟူထျောက် လို့ခေါ်တယ်။ ပထမတော့ သူက ကျိုးကျီရဲ့အပြောအဆိုကြောင့် မကျေနပ်ပေမယ့် ကျိုးကျီရဲ့ချောမောလှပတဲ့ရုပ်သွင်ကိုတွေ့ပြီးရင် သူ့နှလုံးသားတွေ ယိမ်းယိုင်သွားတယ်။
ဝက်ဝံကြီးမျိုးနွယ်က လူတွေက ကျားကြီး မျိုးနွယ်များနှင့်လုံးဝမတူကြပေ။. သူတို့က ခရီးပြင်းနှင်လာတာ လွန်ခဲ့သည့်ရက်အနည်းငယ်က မိုးရွာခဲ့လို့ ဝက်ဝံကြီး အဖွဲ့ရှိလူများသည် အလွန်သန့်ရှင်းစင် ကြယ်နေ ကြသည်။ ဒါက သူတို့ အကြီးအကဲထက်တောင် ပိုသန့်ရှင်းနေတယ်။
ဒီလူက တိရိစ္ဆာန်အရေနဲ့လုပ်ထားတဲ့အဝတ်အစားတွေကို ဝတ်ထားတုန်းပဲ... မဟုတ်ဘူး၊ ဒီလူက ဝတ်ရုံကို ဝတ်ဆင်ထားရုံသာက မကဘဲ သူ့ပတ်ဝန်းကျင်ကလူလည်း အဝတ်တွေ ဝတ်ထားတယ်။
သူတို့ရဲ့ ကျားကြီးမျိုးနွယ်သည် မျိုးနွယ်စုများစွာကို ကျူးကျော်ဝင်ရောက်ခဲ့ပြီး ဒီဒေသတလျှောက်က သတင်းကို ကောင်းစွာသိရှိခဲ့သည်။ စွန့်ပစ်ထားသော တောအုပ်အပြင်ဘက်တွင် အခြားသော မျိုးနွယ်စုကြီးများ ရှိနေကြောင်း သိရှိရပါသည်။ တိရစ္ဆာန်အရေခွံနဲ့လုပ်ထားတဲ့အဝတ်အစားတွေကို ဟိုကလူတွေက အဝတ်အစားတွေ ဝတ်ထားတယ်လို့ ကြားဖူးတယ်။ အခု သူ့ရှေ့က လူလည်း အဝတ်စားဝတ်ထားတာပဲ မဟုတ်လား။
အဲဒီတုန်းက သူတို့ရဲ့ ခေါင်းဆောင်က တခြားမျိုးနွယ်စုတွေကနေ အဝတ်စားတစ်စုံကို ရခဲ့တယ်။ သူတို့တွင် အလွန်ကြည့်ကောင်းသော ဒီလိုအဝတ်အစားမျိုး အများကြီး မရှိသော်လည်း ဘိုးဘေးတွေနဲ့ သားရဲနတ်ဘုရားကို ပူဇော်သည့် ပွဲတွင်သာ ထိုအဝတ်ကို ထုတ်ကာ ဝတ်ဆင်ခဲ့သည်။
အခုလူနှစ်ယောက်ဝတ်ထားတဲ့အဝတ်အစားတွေကိုကြည့်ပြီး ဒီလူကို ဖမ်းနိုင်ရင် သူတို့ လိုအပ်သည့် အဝတ်ကို ချုပ်ပေးဖို့ ခိုင်းစေနိုင်လိမ့်မည်။
"မင်း ဘယ်လိုထင်ပါလဲ?"
ကျိုးကျီက ဟစ်အော်ပြီး ရှေ့ကို ထွက်လာတဲ့အခါ ဝက်ဝံ ပုံသဏ္ဍာန်နှင့် ရှုန်းယယ်လည်း သူ့နောက်ကို ချက်ချင်းလိုက်ခဲ့သည်။
ဟူထျောက်က ကျိုးကျီ ကို အနည်းငယ် စိတ်ဆိုးသွားသော်လည်း စကားပြန်မပြောရဲပေ။
ချင်းစန်း လူမျိုးစုမှ လူများက ဝက်ဝံကြီးမျိုးနွယ်က လူေျွှွက သာမန်အနွယ် ဖြစ်သည်ဟု ပြောခဲ့သော်လည်း သာမန်မျိုးနွယ်စုတွင် ထိုသို့သောအဝတ်အစားများ မည်သို့ရှိနိုင်မည်နည်း။ သူတို့ရဲ့ အကြီးအကဲဝတ်ထက် ဘယ်ဟာက ပိုအရေးကြီးမှာလဲ။ သူတို့ အကြီးကဲကို အဝတ်စား ဆက်သနိုင်ဖို့ ပိုအရေးကြီးတယ်လေ။
ဘယ်လိုပဲဖြစ်ဖြစ် ဒီလူကို အရင် ဦးစွာဖမ်းပြီးမှ ကျန်တာကို ဆက် ပြောရမယ်
ဟူထျောက် - "ငါတို့ အကြီးကဲက အခု ဒီမှာ မရှိဘူး၊ မင်း အလျင်လိုနေတာလား။"
အပြင်က လူတွေကို ဖယ်ထုတ်ဖို့က လွယ်ကူပါတယ်။ ဒီလူတွေက မျိုးနွယ်စုထဲရောက်လာပြီဆိုတော့ ထွက်ပြေးဖို့ မလွယ်တော့ဘူးလေ။
"ငါက ညစ်ပတ်တဲ့နေရာ မသွားချင်ဘူး၊ ဖိနပ်တွေ စွန်းထင်းကုန်လိမ့်မယ်။"
ကျိုးကျီက သူ့အတွက် ဖိနပ်တစ်ရံပဲ လုပ်ခဲ့တယ်၊ ဖိနပ်ကို ယက်လုပ်ထားတဲ့ အမျှင်တွေက ဖြူဖွေးနေဆဲဖြစ်သည်။
ဟူထျောက်သည် ကျိုးကျီ ၏ဖိနပ်ကို သတိပြုမိပြီး ပို၍ပင် အံ့သြသွားခဲ့သည်။
"ရှုန်းယယ်... မင်းက ငါ့အတွက် အနားယူဖို့ သန့်ရှင်းတဲ့နေရာကို ရှာလိုက်ဦး..."
ကျိုးကျီက ဟူထျောက်ကို လျစ်လျူရှုပြီး ရှုန်းယယ် ကို မှီလိုက်သည်။
ထိုအချိန်တွင်၊ ရှုန်းယယ် သည် ကျိုးကျီနှင့် ဟူထျောက် ပြဿနာတက်နေမှန်းသိသော်လည်း သူ ဘာ မှပြန်မပြောပေ။ ၊ သူသည် တိရစ္ဆာန်အရေခွံပြားများကို အလျင်အမြန်ယူကာ ကျိုးကျီ အေးအေးသက်သာ ထိုင်နိုင်ရန် ကုလားထိုင်ပေါ်တွင် တင်လိုက်သည်။
သူတို့ဆီမှာ တိရစ္ဆာန်အရေခွံများ အများအပြားရှိသည်၊ ရှားပါးတဲ့အရာမဟုတ်ပေ။
ကုလားထိုင်ကို ခင်းဖို့အတွက်... ဒါကိုသုံးဖို့ ကျိုးကျီက သူ့ကို လုပ်ခိုင်းထားတာဖြစ်သည်။ သူ လမ်းပေါ်မှာ ဝက်ဝံပုံစံနှင့် ခရီးသွားတဲ့အခါ နျုံအာ်က ဒီအခင်းကို သယ်ပေးရသည်။
စခန်းချပြီးသောအခါ နျုံအာဆီက ပြန်ယူပြီး ကျိုးကျီကို ခင်းပေးသည်။ တစ်ခါတလေ တောထဲမှာနေပြီး အိပ်နေတဲ့ တဲထဲကို ဒီသားရေကို ခင်းပေးဖို့ ယူလာပေးတယ်။
သို့သော် ဟူထျောက်က ဒါတွေကို မသိဘူး။ ဒီလူတွေဟာ တိရိစ္ဆာန်အရေခွံနဲ့ ဖိနပ်တွေချုပ်တဲ့နေရာမှာပဲ သုံးတယ်လို့ သူထင်ပြီး သူတို့ကို ကြည့်နေတယ်။
"မင်း ကျောပေးပြီး ဘာလုပ်နေတာလဲ၊ အထုပ်ပိုးတွေကို ချလိုက်ရအောင်၊ ပြီးရင် ဒါတွေကို ဆားနဲ့လဲဖို့လုပ်လိုက်တော့ "
ကျိုးကျီက ပြောလိုက်သည်။
စိတ်စွမ်းအားဖြင့် ဒီနေရာတစ်ခုလုံးကို စစ်ဆေးပြီးသွားသည့် ကျိုးကျီက ဒီနေရာမှာ လူ တစ်ရာကျော်ရှိပြီး သူတို့ထဲမှ သုံးဦးသည် ခွန်အားအရာတွင် ရှုန်းယယ် ၊ ရှုန်းချီနှင့် အခြားသူများလည်း အားကောင်းသည်။
ဆားအဖွဲ့တွင် လူငါးဆယ်သာ ပါရှိသည်။
ဒီအချိန်ကနေ ထွက်ပြေးတာက လူတချို့ပဲ လွတ်မြောက်နိုင်ပေမယ့် လူတိုင်း မလွတ်မြောက်နိုင်ကြပါဘူး။ သေချာပါတယ်၊ သူက ခုခံထားပေးရင် ဆားအဖွဲ့ကို မထိမခိုက်စေပဲ ထွက်ပြေးအောင် လုပ်နိုင်လိမ့်မည်။
ဒါပေမယ့် ဒီလူတွေ နောက်ကွယ်မှာ ရှိနေတဲ့သူက ဘယ်သူလဲ။ မူလကိုယ်ရဲ့ အဖေလို သန်မာတဲ့ သားရဲဘုရင်တစ်ယောက်ရှိနေတာလား။
နောက်ပြီး သူလည်း ဒီအဖွဲ့ရဲ့ သတင်းတွေ သိချင်သည် ..။
ကျိုးကျီ သည် သတင်းစုံစမ်းရန် မျိုးနွယ်စုအတွင်းရှိ အခြေအနေကို စောင့်ကြည့်ရန် သူ၏ စိတ်စွမ်းအားကို အသုံးပြုကာ တစ်ချိန်တည်းတွင် နျုံအာ သယ်လာသည့် အထုပ်ကို ချည်ထားသည့် ကြိုးနှင့် မာလုရဲ့ အခွံကို ထုပ်ပိုးထားသည့် ကြိုးတွေကို စိတ်စွမ်းအားကိုသုံးပြီး တိတ်တဆိတ် ဖြတ်လိုက်သည်။
ဒီဟာတွေကို မိုးစိုမှစိုးလို့ သူတို့က ဒိုင်နိုဆောသားရေတွေနဲ့ထုပ်ပိုးပြီး ကြိုးနဲ့ချည်ထားတာ ဖြစ်သည်။စိတ်စွမ်းအားနဲ့ ဖြတ်လိုက်ချိန် ကြိုးတွေပြတ်ကျကာ ပါသည့်အရာတွေ ပြုတ်ကျကုန်သည်။
ဟူထျောက် က တကယ်ကို အံ့သြသွားတယ်။
သူ ဘာကို မြင်လိုက်တာလဲ။
မာလု ၏ရင်ဘတ်က အခွံနှင့် ဒိုင်နိုဆော၏ ဦးခေါင်းက မာကျောသည့် အရိုး၊ ဧရာမမိကျောင်း၏အရေပြား... အခုလာတဲ့လူတွေက ဒီသားကောင်တွေကို သတ်ဖြတ်နိုင်ကြတာလား..... ကျားကြီးမျိုးနွယ်က လူတွေတောင် ဒီ သားကောင်တွေကို ရန်စရန်ကြောက်နေကြတယ် မဟုတ်လား။
ဝက်ဝံကြီးမျိုးနွယ်မှာ အများကြီး ရနိုင်သလား။
အရင်တခါ ဆားနဲ့လဲလှယ်ဖို့ ဝက်ဝံကြီး မျိုးနွယ်စုက လာခဲ့တုန်းက ဒီဟာတွေကို မယူခဲ့ကြဘူး။
ဒီဝက်ဝံကြီးမျိုးနွယ်က သူတို့သိတာထက် ပိုအစွမ်းထက်နေသလား။
"မင်းမှာ ဆားအများကြီးမရှိဘူးလို့ ငါတို့ ကြားတယ်။ အဲဒါတွေကို လဲပေးနိုင်ရဲ့လား။ မဟုတ်ရင် တခြားအရာတွေ ရှိသေးတယ်။"
ကျိုးကျီက ကုလားထိုင်မှာ ထိုင်ပြီး ဆက်ပြောလိုက်သည်။
"ဒါက တကယ်ကို ဒုက္ခပါပဲ၊ ဒီလိုမျိုး လူနည်းနည်းလေးနဲ့ပဲ ငါ့ အဖေက ဒါတွေကိ သယ်လာခိုင်းပြီး ဆားလာလဲခိုင်းတယ်။ .."
ရှုန်းချီ နဲ့ တခြားသူတွေက ကြောင်သွားကြတယ်။ ကျိုးကျီက ဘာပြောနေတာလဲ။ သူ့အဖေက ရှီလီကို ခေါ်သွားခဲ့ပြီ မဟုတ်လား။ ကျိုးကျီရဲ့ အဖေက ဒီကို မလာခိုင်းခဲ့ဘူး မဟုတ်လား။
ကျိုးကျီ သည် သူ၏စိတ်စွမ်းအားဖြင့် ကျားကြီးမျိုးနွယ်၏အခြေအနေကို စောင့်ကြည့်နေပြီး ဟူထျောက် သည် ဝက်ဝံကြီးမျိုးနွယ်၏အခြေအနေကို မေးမြန်းချင်နေသည်ကို ရိပ်မိသည်...
ဟူထျောက်: "မင်းမှာ ဘာရှိသေးလဲ။"
"မြေဥတွေ"
ကျိုးကျီက ရှုန်းယယ် ကို မြေဥ တွေကို ထုတ်ပြခိုင်းလိုက်သည် ။
ရှုန်းချီ က ဘုန်းတော်ကြီး ရွေးထည့်ပေးလိုက်တဲ့ မြေကြီးဥ အကြီးကြီးကို ထုတ်ယူလိုက်တယ်။ ဆားများများရနိုင်ဖို့ သူတို့ဆီက အကောင်းဆုံးအရာတွေကို ထည့်ပေးလိုက်တာဖြစ်သည်။
ဟူထျောက်က အံ့သြသွားပြန်သည်။
ကျားကြီးမျိုးနွယ်က မြေဥလည်း စားတယ်၊ ဒါပေမယ့် ဒီလောက်ကြီးတဲ့ မြေဥကို သူ တစ်ခါမှ မမြင်ဖူးဘူး။
ဝက်ဝံကြီး မျိုးနွယ်က ဘယ်က လာတာလဲ။
ဝက်ဝံကြီးမျိုးနွယ်က အမှန်တကယ် အလွန်ချမ်းသာနေသလား။
"ဆားနဲ့လဲလှယ်မှာလား" ဟူထျောက် က မေးလိုက်တယ်။
"ဆားနဲ့လဲရုံတင်မဟုတ်ဘူး။ ငါ့ အဖေက ခိုင်းလိုက်သေးတယ်။အခြေအနေကြည့်ဖို့ ချင်းစန်း မျိုးနွယ်စုကို သွားရဦးမယ်။ ကျားကြီးမျိုးနွယ်က ငါတို့မျိုးနွယ်ထဲက လူတွေကို သတ်လိုက်တာကိုသိလို့ ငါ့အဖေက သူတို့ကို ဖျက်ဆီးပစ်ချင်ခဲ့တာ။"
ကျိုးကျီက တည်တည်ငြိမ်ငြိမ် မျက်နှာထားဖြင့် ပြောလိုက်သည်။အသေးအဖွဲကိစ္စလေးလို ပြောလိုက်ပေမယ့် ကျားကြီးမျိုးနွယ်က လူတွေကို လန့်သွားစေခဲ့သည်။
အတွင်းလူများ၏ ပြောဆိုမှုများကို နားထောင်ရင်း သူ့ရှေ့တွင် သူ၏ စိတ်စွမ်းအားများကို လွှမ်းခြုံထားသည်။ သူတို့ရောက်ပြီးနောက်မှာတော့ ဒီမျိုးနွယ်စုထဲက လူတွေဟာ ဆွေးနွေးကြပြီး ဝက်ဝံကြီးမျိုးနွယ်ကို ဖျက်ဆီးပစ်မယ်လို့ ပြောနေကြတယ်။
ကျိုးကျီ က ဒီလူတွေကို အကြောက်တရားဝင်လာအောင် ကျားကြီးမျိုးနွယ်ကို ဖျက်ဆီးပစ်မယ်လို့ ရိုးရှင်းစွာ ပြောခဲ့တာ ဖြစ်တယ်။
ဟူထျောက်က ဒါကို ကြားတော့ သူ့မျက်နှာက မည်းမှောင်သွားတယ်။
ရှုန်းချီက အံ့အားသင့်ပြီး ဝမ်းသာသွားသည်-
"တကယ်လား?"
ကျိုးကျီ ရဲ့အဖေက ကျားကြီးမျိုးနွယ်ကို ဖျက်ဆီးချင်နေတာလား။ ဒါက ကောင်းတဲ့အရာပဲ!
ကျိုးကျီ: "..........."
တခြားလူကို လိမ်ရတာ အခူ ကိုယ့်လူတွေကပါ ယုံနေတယ်...
***-****
YOU ARE READING
ကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed)
Adventureကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed) Genre _ Adventure , Comedy , Fantasy, Historical ,Romance ,Slice of Life ,Yaoi မေး- မင်း နှစ်သက် သဘောကျတဲ့သူက သစ္စာမရှိတော့တဲ့အခါ မင်း ဘာလုပ်သင့်လဲ။ ဖြေ - နောက်တစ်ယောက်ရှာပါ။ ဒီတစ်ခါတ...