Chapter (74.1) – ဧရာမ ဝက်သိုးကြီး
အလွန်ကြောက်စရာကောင်းသည်ဟု ယူဆရသော ဝက်ဝံကြီးမျိုးနွယ်သည် အမှန်တကယ်တော့ လုံးဝကြောက်စရာမဟုတ်ပေ။
ယခုလေးပင်၊ ဝက်ဝံကြီး ၏ မျိုးနွယ်စုအကြီးအကဲသည် အမဲလိုက်အဖွဲ့မှ လူများကို ထွက်ပြေးရန် အော်ပြောနေသည်။
မကြာသေးမီက ရှုန်းယယ် နှင့် အခြားသူများသည် သူတို့၏ ခန္ဓာကိုယ်အနှံ့ သစ်ပင်က ရသည့် အရည်များကို လိမ်းကျံပြီး ဘာရိုဆောရပ်စ် စားသောက်မည့် သစ်ပင်ပေါ်သို့ တက်ခဲ့ကြသည်။ ထို့နောက်တွင်၊ သူတို့သည် သေးငယ်ပြီး အုပ်စု တစ်စုတည်း အဖြစ် မစုဝေးကြသောကြောင့် ဖြစ်နိုင်သည်၊ ဘာရိုဆောရပ်စ်က သူတို့၏တည်ရှိမှုကို အမှန်တကယ် လျစ်လျူရှုခဲ့သည်...
သူတို့ကို လျစ်လျူရှုထားသော်လည်း ဘာရိုဆောရပ်စ်၏ကြီးမားသောဦးခေါင်းသည် သူတို့ဘေးရှိသစ်ပင်များ၏အရွက်များနှင့် အကိုင်းအခက်များကို ကိုက်ဖြတ်ကာ ထူထဲသော အကိုင်းအခက်များကို ကိုက်ဝါးကာ စားသောက်နေပုံကို အနီးကပ်မြင်ရတာက အရမ်းကြောက်စရာကောင်းလှသည်။
ရှုန်းယယ် သည် ပင်စည်ကို လက်တစ်ဖက်ဖြင့် ပတ်ထားပြီး ဘာရိုဆောရပ်စ်၏ပါးစပ်ထဲကို အဆိပ်ဖြင့် ထုပ်ထားသော အရွက်များကို ပစ်ချရန် ဘာရိုဆောရပ်စ် ဂရုမစိုက်သည့်အချိန်တွင် အခွင့်ကောင်းယူလိုက်သည်။
ဘာရိုဆောရပ်စ်သည် သစ်ပင်ပေါ်ရှိ အရွက်အများစုကို ဖယ်ရှားပြီး နောက်တစ်ခုသို့ မရွေ့မီ စားသောက်နေသည့် အရွက်များကို မြိုချလိုက်သောကြောင့် အဆိပ်ပါသည့် အရွက်တွေ ပါးစပ်ထဲ ဝင်သွားသည်ကို လုံးဝ သတိမထားမိခဲ့ပေ။
အဆိပ်က အလုပ်မဖြစ်ဘူးလား?
ရှုန်းယယ် က အံ့ဩသွားသော်လည်း နောက်သစ်ပင်ရှိ အခြားသော မျိုးနွယ်စုထဲက လူတွေက ဘာရိုဆောရပ်စ်ရဲ့ပါးပစ်ထဲကို သူတို့လက်ထဲက အဆိပ်သုတ်ထားသည့်အရွက်တွေဖြင့် ပစ်ပစ်ထည့်နေကြသည်။
သို့သော်လည်း ဘာရိုဆောရပ်စ် ထံမှ တုံ့ပြန်မှု မရှိသေးပေ။
ရှုန်းယယ် သည် သစ်ပင်ပေါ်မှဆင်းကာ မြေပြင်ပေါ်ရှိလူများနှင့်တွေ့ဆုံကာ ဆွေးနွေးခဲ့သည်။
ရှုန်းဟောင်က အံ့ဩသွားပြီး မေးလိုက်သည်။
" ရှုန်းယယ် ဒီအဆိပ်က တကယ်အလုပ်လုပ်တယ်ဆိုတာ သေချာလား? ဘာရိုဆောရပ်စ်က ဘယ်လိုဖြစ်ပြီး မမှုတဲ့ပုံပေါက်နေတာလဲ..သူက လုံးဝ နေကောင်းနေပုံရတယ်။"
"ကျွန်တော်လည်း မသိဘူး။ အရင်က အမဲလိုက်ဖို့ သုံးတုန်းက အရမ်းထိရောက်တယ်..."
ရှုန်းယယ် လည်း ထူးဆန်းနေသည်ကို တွေ့ရှိခဲ့သည်။
ရှုန်းဟော် - "ငါတို့ အဲဒါကို အဆိပ်ပိုကျွေးရမလား"
"စောင့်ပြီး အရင်ကြည့်ရအောင်။" ရှုန်းယယ် က ပြောသည်။ အကယ်၍ ဤအဆိပ်သည် အမှန်တကယ် ထိရောက်မှု မရှိခဲ့ပါက၊ သူတို့က ဒီဘာရိုဆောရပ်စ်ကို ကိုင်တွယ်ရန် အခြားနည်းလမ်းကို ရှာဖွေရပေလိမ့်မည်။
ဒီအကြောင်းကို သူ တွေးနေချိန်မှာပဲ ဘာရိုဆောရပ်စ်က ရုတ်တရက် ဟိန်းဟောက်ပြီး သစ်ပင်တစ်ပင်ပေါ်ကို ပြုတ်ကျသွားကာ သူ့ ကြီးမားတဲ့ အမြီးက ဖိမိလို့ သစ်ပင်ကြီးက လဲသွားတယ်။
သစ်ပင်ကြီးသည် ဝက်ဝံကြီး၏ လူများဆီသို့ ပြိုလဲလာသဖြင့် သူတို့ အားလုံး ပြန့်ကျဲပြီး ထွက်ပြေးခဲ့ကြရတယ်။
ပြေးရင်းနဲ့ ရှုန်းယယ် က အော်ပြောခဲ့သည်။
"ကျိုးကျီ ရဲ့ အဆိပ်က ကျိန်းသေ ထိရောက်တယ်ဆိုတာ ငါ သိတယ်!"
ရုှုန်းဟော် : "ပြောမနေနဲ့။ မြန်မြန်ပြေး!"
ဘာရိုဆောရပ်စ် သည် အဆိပ်ခတ်ခံရပြီးနောက် အနည်းငယ် ရူးသွပ်သွားခဲ့သည်။ သူတို့ အမြန်မပြေးရင် တစ်ဖက် အကောင်ကြီးက နင်းမိလို့ သူတို့ အသက်လေး သေသွားနိုင်တယ်။
အော်သံကြားလိုက်ရချိန် သစ်ပင်တချို့ ထပ်မံလဲကျသွားတယ်။ ရှုန်းယယ် နှင့် အခြားလူများ သည် ပို၍ပင် လျင်မြန်စွာ ပြေးကြသည်။
ဘာရိုဆောရပ်စ် ကဲ့သို့သော ဧရာမ ဒိုင်နိုဆောကြီးရဲ့ အလေးချိန်က တန် ၂၀ မှ ၃၀ ရှိသဖြင့် ထိုဒိုင်နိုဆောများက မြေပြင်ပေါ်တွင် နာကျင်စွာ လှိမ့်ချလိုက်သောအခါ လှုပ်ရှားမှုသည် အလွန်ကြီးမားလှသည်၊
သားရဲဆိုတာ သားရဲပါပဲ။ သူတို့ရဲ့ အာရုံများ စူးရှပြီး အဝေးမှ လှုပ်ရှားမှုများကို ရှင်းရှင်းလင်းလင်း သိမြင်နိုင်သည်။ ထို့ကြောင့်၊ ပတ်ဝန်းကျင်ရှိ သားရဲလူသား အားလုံးနီးပါးသည် ထိုလှုပ်ရှားမှုကို တွေ့ရှိခဲ့ကြသည်။
ဝက်ဝံကြီးမျိုးနွယ်နှင့် ခပ်လှမ်းလှမ်းဝေးသော တောင်ကုန်းတစ်ခုပေါ်တွင် လူတစ်စုထိုင်ကာ အသားကင်ကာ စားနေကြသည်။
ဒီအဖွဲ့ထဲက အားလုံးက အရပ်ရှည်ပေမယ့် တယောက်က ကျန်တဲ့အပေါ်မှာ ပေါ်လွင်နေသေးပြီး အရပ်က နှစ်မီတာကျော်တယ်။ ယောကျာ်းသားရဲလူသားများသည် ယေဘူယျအားဖြင့် အရပ်အမြင့် တစ်မီတာခြောက်ဆယ်မှ တစ်မီတာကိုးဆယ်ကြားရှိကြပြီး ထိုမျှမြင့်မားသောလူတွေက ရှားပါးလှသည်။ ဒီလူက သူ့မျက်နှာမှာ အမာရွတ်တွေ ရှိပြီး အတော်လေးကို ခက်ထန်သည့် ပုံပေါက်သည်။
"သခင်ကြီး.....အသားနည်းနည်းစားပါ"
အရပ်တရာ့ရှစ်ဆယ် စင်တီမီတာ ဝန်းကျင်ရှိ လူတစ်ဦးသည် စကားပြောနေစဉ် အသားကင်တစ်ပိုင်းကို ထို အမျိုးသားအား ပေးအပ်ခဲ့သည်။ သူ့တွင် ပြီးပြည့်စုံစွာ တည်ဆောက်ထားသော ခန္ဓာကိုယ်ရှိသော်လည်း အခြားအရပ်ရှည်ပြီး ကြွက်သားများဖြင့် သန်မာသည့် ထိုအမျိုးသားရှေ့တွင် ရပ်လိုက်သောအခါတွင် ပုတို၍ သာမန်ဆန်သည့် ပုံပေါက်နေသည်။
အရပ်နှစ်မီတာကျော်ရှိတဲ့ ဧရာမယောကျာ်းကြီးက အသားကိုလက်ခံပြီး စားလိုက်သည်။
"ငါ့ကို မျိုးနွယ်စုအကြီးအကဲလို့ မခေါ်နဲ့တော့။ ငါက မျိုးနွယ်ထဲက နှင်ထုတ်ခံရပြီးတဲ့သူ ဖြစ်နေပြီး ငါက အကြီးအကဲ မဖြစ်တာ ကြာပြီ!"
"ခင်ဗျားက အမျိုးနွယ်ထဲက နှင်ထုတ်ခံရရင်တောင် ခင်ဗျား ငယ်ငယ်ကတည်းကနေ အခုထိ အကြီးအကဲဖြစ်နေတုန်းပဲ။"
အဲဒီလူက ပြောတယ်။
"မင်းတို့ ငယ်ငယ်တုန်းက ငါက အကြီးအကဲဖြစ်ခဲ့ရုံနဲ့တော့ ဒါက ဘာအဓိပ္ပာယ်ရှိမှာလဲ။ ငါ့ကိုသတ်ဖို့ သက်သက်သူတို့က နှင်ထုတ်ခဲ့တာ မင်း မသိဘူးလား။ အခု မင်းတို့က ငါ့နောက်ကို လိုက်နေတာ မင်းတို့ အားလုံး အသက် မသေဖို့ သတိထားရမယ်!"
ထိုလူ့ဘီလူးကြီးကဲ့သို့ သန်မာထွားကျိုင်းသည့် အမျိုးသားသည် ရုတ်တရက် ထရပ်ကာ သူတို့ဖမ်းမိခဲ့သော သားကောင်များထဲမှ တစ်ကောင်ကို သူ့ရဲ့ ခြေထောက်နဲ့ ကန်ပြီး တွန်းထုတ်လိုက်သည်။
"သခင်ကြီး..ခင်ဗျားရဲ့ ခြေထောက်..."
ထိုလူက စကားစပြောရင်း စိတ်ပူသွားသည်။ ဒီလူက ဆန့်ထားတဲ့ ခြေထောက်က ဒဏ်ရာရသွားတာ ထင်ရှားနေသည်။
"သေစမ်းကွာ.... မင်းတို့က ငါ့နောက်ကို လိုက်နေတာ အသက်သေရမှာ မကြောက်ဘူးလား!"
ဧရာမ လူထွားကြီးက သူ့လက်ထဲမှာ အသားကင်ကို လက်စသတ်ကာ မေးလိုက်သည်။
သူနှင့်အတူရှိသူများ၏မျက်နှာများတွင် တင်းမာသောအမူအရာများရှိနေသော်လည်း ရုတ်တရက် လူထွားကြီးက ဟိန်းဟောက်ကာ သူ၏တိရစ္ဆာန်ပုံစံသို့ ပြောင်းလဲကာ ထွက်ပြေးသွားခဲ့သည်။
သူ၏တိရစ္ဆာန်ပုံစံမှာ ဧရာမ ဒေအိုဒွန် ဖြစ်သည်။ ထိုဝက်မျိုးကို ဧရာမဝက်ဟုလည်း လူသိများသည်။ ဒါပေ့ါ....သူ့ကို 'ဝက်ကြီး' လို့ ခေါ်ပေမယ့် 'အရွယ်အစားကြီးတဲ့ ဝက်' ဆိုတဲ့ စကားနဲ့ လုံးဝ မသက်ဆိုင်ပါဘူး။ ဒေအိုဒွန်က ပုံမှန် တောဝက် တွေနဲ့ အတော်လေးကို ကွဲပြားပါတယ်။
ဒီလို တိရစ္ဆာန်မျိုးသည် အလွန်ရက်စက်သော သားရိုင်းများဖြစ်သည်။ သူတို့၏ခန္ဓာကိုယ်များသည် ၃ မီတာမှ လေးမီတာအထိ ရှည်လျားပြီး သူတို့၏ ခန္ဓာကိုယ်အလေးချိန်သည် ကီလိုဂရမ်ငါးရာ အထိ ကြီးထွားနိုင်သည်။ သူတို့၏ ပါးစပ်များသည် အလွန်ကြီးမားပြီး သာမန် သားရဲတိရစ္ဆာန်များ၏ ဦးခေါင်းများကို အလွယ်တကူ ကိုက် ဖြတ်နိုင်သည်။
ပြီးတော့ သူတို့ရှေ့က လူကြီးရဲ့ သားရဲပုံစံက သာမန်ဒေအိုဒွန် ( daeodon) ထက်တောင် ပိုကြီးတယ်... သူကတော့ အလယ်အလတ်အဆင့် သားရဲလူသားစစ်သည်တော် ဖြစ်ပြီး သူ့ခန္ဓာကိုယ်က ပုံမှန် ဒေအိုဒွန်တစ်ကောင်ထက် နှစ်ဆပိုမိုကြီးထွားသည်။ ထို့ကြောင့် သူ၏ခန္ဓာကိုယ်အလေးချိန်သည် တစ်တန်ခွဲ အထိ ရှိလာခဲ့ပြီဖြစ်သည်။
ထိုအခိုက်အတန့်လေးအတွင်း ဒေအိုဒွန်ကြီး ပြေးထွက်လာသောအခါတွင် သူ၏ခြေထောက်တစ်ဖက်သည် ထူးဆန်းသော ပုံစံဖြင့် ကွေးညွတ်သွားသည်ကို တွေ့မြင်နိုင်သည်။ ဒါတောင် သူက အရမ်း မြန်မြန်ပြေးနိုင်သေးတယ်။ သူ့နောက်ကလူတွေက သူ့နောက်ကိုလိုက်ဖို့ တိရစ္ဆာန်ပုံစံပြောင်းသွားပေမယ့် သူ့ကို အမှီ မလိုက်နိုင်သေးဘူး။ သူ့အဖွဲ့ သူတို့ ခေါင်းဆောင်ကို့လိုက်ရှာနေချိန်မှာ အဝေးက ကြီးမားတဲ့ အနှောက်အယှက်တစ်ခုက သူတို့ ရဲ့ စိတ်အာရုံကို ဖမ်းစားသွားတယ်။
ဧရာမ ဒေအိုဒွန်ကြီးသည် အနှောက်အယှက်ဖြစ်ရာ အရပ်ဆီသို့ လှမ်းကြည့်ပြီးနောက် သူ့ခြေထောက်များကို ထိုနေရာသို့ ဦးတည်သွားခဲ့သည်။
သူ့နောက်ကို လိုက်လာသူအချို့မှာ တိရစ္ဆာန်ပုံစံ ဒေအိုဒွန်များဖြစ်သော်လည်း အခြားပုံစံရှိသူများလည်း ရှိသည်။ ဒီမြင်ကွင်းကို တွေ့တော့ သူတို့ရဲ့ အမူအရာတွေ ပြောင်းလဲသွားပြီး သူ့နောက်ကို ဆက်လိုက်သွားကြတယ်။
သူတို့ဟာ တကျူးမျိုးနွယ်စု (ဧရာမတောဝက်ကြီးမျိုးနွယ်)မှ လူတွေဖြစ်သည်။
တကျူးမျိုးနွယ် သည် အလွန်အစွမ်းထက်သော တိုက်ပွဲဝင်သည့် မျိုးနွယ်စုကြီးဖြစ်သည်။ မကောင်းတာတစ်ခုပဲ ရှိတယ်-- အဲ့ဒါကတော့ သူတို့ရဲ့ မျိုးနွယ်စုမှာ လူတွေအများကြီးရှိတယ်။ အများကြီးမှ အများကြီးပဲ....
သူတို့... သူတိုရဲ့ လူဦးရေက အရမ်းတိုးတက်ခဲ့တယ်။
တကျူး ၏ လက်ရှိ မျိုးနွယ်စု အကြီးအကဲတွင် သားသမီး တစ်ရာကျော်ရှိသည်။ ထိုဧရာမ လူကြီးသည် အကြီးကဲ၏ သားသမီး ရာဂဏန်းတွင် အကြီးဆုံးသားဖြစ်သည်။ သူ့အမည်မှာ ကျူးကျန် ဖြစ်ပြီး ယခင်က တကျုးမျိုးနွယ် ၏ မျိုးနွယ်စု အကြီးအကဲငယ် တစ်ဦး ဖြစ်ခဲ့ဖူးသည်။
ဒီခေါင်းဆောင်ဟာ တိုက်ခိုက်ရေးစွမ်းရည် အလွန်မြင့်မားပြီး သူ့ရဲ့ အထူးဝါသနာက တိုက်ခိုက်ရတာကို နှစ်သက်တာကလွဲလို့ တခြား ချို့ယွင်းချက် မရှိပါဘူး...၊ သူက တိုက်ခိုက်ရတာကို နှစ်သက်တယ်ဆိုတဲ့အချက်က တခြားသူတွေရဲ့အမြင်မှာ အားနည်းချက်လို့ မယူဆနိုင်ပါဘူး-- သူက ဒိုင်နိုဆောများကို တိုက်ခိုက်ရန် အမြဲသွားခဲ့ပြီး သားကောင်များစွာကို အမြဲတမ်း ပြန်ယူဆောင်လာနိုင်သည်။
အစပိုင်းတွင် လက်ရှိ လူမျိုးစုအကြီးအကဲသည် သူ့သားကို အလွန်ချစ်မြတ်နိုးသည်။ သို့သော်လည်း နောက်ပိုင်းတွင် သူသည် အခြားအမျိုးသမီးများမှ ထွန်းကားလာကာ သူ၏အခြားသားငယ်များ ကြီးပြင်းလာသောအခါတွင် သူတို့အားလုံးက သူ့ကို သဘောကျအောင် ချော့မော့တတ်လာကြသည်။ နောက်ဆုံးတော့ ခေါင်းဆောင်ကြီးက သူ့သားအကြီးဆုံးကို မကြိုက်တော့ဘူး။
မကြာသေးမီက ကျုးကျန်း သည် အမဲလိုက်ထွက်ခဲ့ပြီး ဒိုင်နိုဆောများကြောင့် ထိခိုက်ဒဏ်ရာရသွားခဲ့သည်။ ဒါတင်မကဘဲ သူ့အရိုးတွေထိ ဒဏ်ရာက နက်ရှိုင်းလာပြီး တကျူးမျိုးနွယ်စု ရဲ့ အကြီးအကဲက ကျုးကျန်း ကို ပုတ်ခတ်ပြောဆိုကာ ကျူးကျန်းကို မျိုးနွယ်ထဲက နှင်ထုတ်ပြီး တောရိုင်းမြေထဲကို အတင်းအကြပ် မောင်းထုတ်ဖို့ အကြောင်းပြချက်ရှာခဲ့သည်။
သားရဲတိရစ္ဆာန်အချို့သည် တောရိုင်းတော၏တစ်ဖက်ခြမ်းတွင် နေထိုင်ကြသော်လည်း ထိုနေရာသည် မြစ်ကြီးတစ်စင်း ရှိနေပြီး သားရဲတိရစ္ဆာန်များနေထိုင်ရာ အဓိကနေရာနှင့် ဝေးကွာနေခဲ့သည်။ သူတို့နယ်မြေကို လှည့်ကြည့်တဲ့အခါ ထိုဒေသတွင် သားရဲဘုရင်တွေ မရှိတဲ့အပြင် ဒိုင်နိုဆောကြီးတွေ မကြာခဏ ကြုံတွေ့ခဲ့ရရုံသာမက မြစ်တစ်ဖက်ကမ်းက သားရဲမျိုးနွယ်စုတွေမှာ ဘုန်းကြီးတောင် မရှိပေ၊ ဒါ့အပြင် လယ်ယာလုပ်နည်းကို မသိတာလောက်အောင် ခေတ်နောက်ကျကျန်ရစ်သည့် ဒေသဖြစ်နေခဲ့သည်။
ဟုတ်တယ်။ အရေးကြီးဆုံးက မြစ်တစ်စီး ကန့်လန့်ဖြတ် တားဆီးနေတာပဲ..
တောရိုင်းတောသို့ နှင်ထုတ်ခံခဲ့ရသူတိုင်းကို သစ်သားလှေဖြင့် တဖက်ကမ်းကို ပို့ဆောင်ခဲ့သည်။ သူတို့ကံကောင်းရင် တစ်ဖက်ကမ်းကို ရောက်သွားနိုင်ပေမယ့် ကံမကောင်းရင်... သူတို့အားလုံး မြစ်ထဲမှာ သေကြလိမ့်မယ်။
အမှန်မှာ၊ တစ်ဖက်ကမ်းသို့ ရောက်ကာ အသက်ရှင်ကြတာထက် မြစ်ထဲ၌ သေဆုံးကြသူ ပိုများသည်။
ကျုးကျန်း သည် လှေပေါ် လိုက်ပါလာစဉ် ဒဏ်ရာရပြီး သတိလစ်နေသေးသည် ။ သူ့လက်အောက်ငယ်သားတချို့က သူ့နောက်ကို လိုက်ဖို့ စိတ်ပိုင်းဖြတ်ထားတဲ့ သူ့နောက်ကို လိုက်လာခဲ့တယ်... နောက်ဆုံးတော့ ကျုးကျန်း က တစ်ဖက်ကမ်းကို အသက်ပြန်ရှင်လျက် ရောက်လာနိုင်ခဲ့ပေမယ့် သူ့နောက်လိုက်လာတဲ့ ထူးဆန်းတဲ့ လက်အောက်ငယ်သား ခုနစ်ဆယ် ဒါမှမဟုတ် ရှစ်ဆယ်ထဲက တစ်ဒါဇင်လောက်ပဲ ကျန်တော့တယ်။
သူတို့သည် ဒီတောရိုင်းမြေထဲတွင် လှည့်လည်သွားလာနေသည်မှာ ကြာခဲ့ပြီ။ လမ်း ခရီးတွင် အခြားမျိုးနွယ်စုများနှင့် တွေ့ကြုံခဲ့ရသော်လည်း မျိုးနွယ်စုတစ်ခုလုံး၏ တိုက်ခိုက်ရေးစွမ်းအားသည် ထိုလူနည်းစုနှင့်ပင် မနှိုင်းယှဉ်နိုင်သည့်အပြင် ထိုမျိုးနွယ်စုများ၏ ဘဝနေထိုင်မှုမှာ အလွန်ခက်ခဲလှသည်။ ထို့ကြောင့် သူတို့သည် ထိုနေရာတွင်မနေရန် ရွေးချယ်ခဲ့ပြီး ထိုအစား ရှေ့ကိုဆက်သွားခဲ့သည်။
ယခုတော့ အဝေးမှ နှောင့်ယှက်မှုတစ်ခုကို တွေ့လိုက်ရသည်။ ...
ကျုးကျန်း နောက်ကလိုက်လာတဲ့ လူတွေက အရမ်းစိုးရိမ်နေကြတယ်။ သူတို့၏ အကြီးအကဲငယ်သည် တိုက်ခိုက်ခြင်းကို အထူးနှစ်သက်ကြောင်း အားလုံးသိကြသည်။ အခု ဟိုမှာ ဒီလို ရှုပ်ယှက်ခတ်နေတော့ သူလည်း အပြေးအလွှား ဝင်ဖို့ ဖြစ်နိုင်တယ်။ ဒါပေမယ့် သူ့ဒဏ်ရာက မသက်သာသေးဘူး။ အဆိုးတွေကြုံလာရင် ဘာလုပ်ကြမလဲ။
ဒါပေမယ့် သူတို့ အားလုံးက ခေါင်းဆောင်ငယ် ကျူးကျန်း နောက်ကို ဆက်လိုက်ဖို့ကလွဲလို့ ရွေးချယ်စရာမရှိတော့ဘူး။
ကျူးကျန်းက ပြေးတာ အရမ်းမြန်တယ်။ သူ ရောက်လာပြီးနောက်မှာ အနှောင့်အယှက်က သူ ထင်ထားသလို ရန်ဖြစ်တဲ့လူတွေကြောင့် မဟုတ်ဘူးဆိုတာကို သူ သိလိုက်တယ်။ ယင်းအစား၊ မြေပြင်ပေါ်တွင် အရူးအမူး လှည့်ပတ်နေသော ဘာရိုဆောရပ်စ် တစ်ကောင် ရှိနေသည်။
အဲ့ဒါက အလွန်ကြီးမားသော ဘာရိုဆောရပ်စ် တစ်ကောင်ဖြစ်နေသည်။ ကျုးကျန်းက ပြေးလာပြီး ထိုဘာရိုဆောရပ်စ်ရဲ့ လည်ပင်းကို ကိုက်ခဲ လိုက်သည်။
ဘာရိုဆောရပ်စ်သည် မူလက အဆိပ်သင့်ပြီး သေဆုံးဆုံးလုနီးပါး ဖြစ်နေပြီ။ အခု အကိုက်ခံရတော့ တဆတ်ဆတ်တုန်ပြီး တစ်ခါတည်း အသက်ထွက်သွားခဲ့သည်။
တစ်ချိန်တည်းမှာပင် 'တိုက်ပွဲအခြေအနေ' ကို စောင့်ကြည့်ရန် သစ်ပင်ပေါ်တက်ခဲ့သော မောဝ်ဟွက ထိုနေရာကို လှမ်းကြည့်လိုက်ရာ ဘာရိုဆောရပ်စပ်သည် ဖရိုဖရဲ လှုပ်လှုပ်ရွရွဖြင့် သွားလာနေသည့် လူစုကို တိုက်နေသည်ကို တွေ့လိုက်ရသဖြင့် ထိတ်လန့်သွားသည်။
ယခင်က ဘာရိုဆောရပ်စ်သည် သူ့ဘာသာသူ အေးဆေးစွာ သွားလာနေသည်ကိုသာ မြင်ဖူးပြီး ခုလို စိတ်ရိုင်းပေါက်တာ မတွေ့ဖူးလို့ ဘာရိုဆောရပ်စ်က မကောင်းသောအရာကို စားမိပြီဟု ထင်ခဲ့မိသည်။ ထိုအချိန်တွင် သူသည် ဝက်ဝံ မျိုးနွယ်စုက အမှန်တကယ် အသုံးမဝင်ဘူးလို့ သူ တွေးနေသော်လည်း ကြီးမားသော တိရစ္ဆာန်ပုံစံရှိသော လူတစ်ယောက်သည် ရုတ်တရက်ပေါ်လာပြီး ဘာရိုဆောရပ်စ် ၏လည်ပင်းကို ကိုက်လိုက်သည်။
"ငါတို့အရင်ပြန်ကြမယ်!" မောဝ်ဟွ က သူ့ဘေးနားက တခြားသူတွေကို ပြောလိုက်သည်။
ဒီဝက်ဝံကြီးမျိုးနွယ်ဟာ သူတို့ရဲ့မျိုးနွယ်ထဲမှာ တကယ်ကို အစွမ်းထက်တဲ့သူတစ်ယောက်ရှိတယ်။ သူ ဒီသတင်းကို အကြီးကဲဟူထျန်းဆီကို မြန်မြန်သွားပြောရမယ်။ ဒီလိုတွေးပြီး မောဝ်ဟွက သူ့လူများကို အမြန်ခေါ်သွားခဲ့သည်။
ထိုအချိန်တွင်၊ ရှုန်းယယ် သည် သူ့အဖွဲ့ကို ဦးဆောင်ပြီး ကျုးကျန်း ရှိရာသို့ လာနေပြီ ဖြစ်သည်။
သူတို့ရဲ့ သားကောင်က အဆိပ်မိပြီး သေသွားပုံရပေမယ့် တစ်စုံတစ်ယောက်က ရုတ်တရက် ဝင်လာပြီး ပြင်းပြင်းထန်ထန် ကိုက်လိုက်သည်...
ရှုန်းယယ်: "မင်းက ဘယ်သူလဲ"
ကျုးကျန်း က သူ့ကို လျစ်လျူရှုလိုက်သည်။ သူသည် အကွာအဝေးတစ်ခုသို့ ပြေးသွားကာ သူ၏မူလက ဒဏ်ရာရနေသော ခြေထောက်သည် ထိန်းထားနိုင်သဖြင့် နာကျင်သွားကာ ကျူးကျန်းလည်း ဘာရိုဆောရပ်စ်၏ လည်ပင်းကို တစ်ဖန်ကိုက်လိုက်သည်။
"ဒီ ဘာရိုဆောရပ်စ်က ငါတို့သားကောင်ပဲ။"
ရှုန်းယယ်က မျက်မှောင်ကြုတ်လိုက်သည်။ ဒီလူဟာ သူတို့ရဲ့ သားကောင်ကို ခိုးယူဖို့ မကြံစည်သင့်ဘူးလား မဟုတ်လား။ အတိအကျပြောရမယ်ဆိုရင် သူက ဘယ်ကလာတာလဲ။
ကျုးကျန်း သည် သူ၏ မြင့်မားသောအရပ်မှ ရှုန်းယယ်ကို ငုံ့ကြည့်ပြီးနောက် လှည့်ထွက်သွားသည်။
ကျုးကျန်း သည် သူတို့၏သားကောင်ကို လုယူရန် ရည်ရွယ်ချက်မရှိသည်ကို မြင်လိုက်ရသဖြင့် ရှုန်းယယ် စိတ်လျှော့လိုက်သည်။
ဒီလူ ဘယ်က လာမှန်း မသိပေမယ့် ဒီလူက အရမ်း သန်မာပြီး သူတို့ သူ့ကို ကိုင်တွယ် နိုင်တော့မှာ မဟုတ်ဘူးဆိုတာ သေချာတယ်။ အဲလိုလူနဲ့ မရင်ဆိုင်ရရင် အကောင်းဆုံးပါပဲ။
သူ တွေးထားသလိုပဲ ရှုန်းယယ်က အဲဒီလူ လဲကျသွားတာကို မြင်လိုက်ရတယ်။ သူသည် အလိုအလျောက် လူသားအသွင်သို့ ပြန်ပြောင်းသွားသဖြင့် သူ၏ တိရစ္ဆာန်ပုံစံ ပျောက်ကွယ်သွားသည်။
ရှုန်းယယ်: "......"
ရှုန်းဟော် လည်း စိတ်ရှုပ်သွားပြီး "ဒီလူ ဘာဖြစ်နေတာလဲ" ဟု မေးလိုက်သည်။
အစောပိုင်းက ဘာရိုဆောရပ်စ်ရဲ့ လည်ပင်းကို ပြတ်လုနီးပါး ကိုက်လုနီးပါးဖြစ်ခဲ့သော်လည်း ယခုမူ သူရုတ်တရက် ပြိုလဲကျသွားပြီလား။
"ကျိုးကျီ က အဆိပ်ရှိတဲ့ သားကောင်ကို မကိုက်ဖို့ ပြောခဲ့တယ်။ ငါ အဆိပ်မိသွားနိုင်တယ်လို့ သူကပြောတယ်..."
ရှုန်းယယ်က ပြောသည် ။
ရှုန်းဟော် နှင့် အခြားသူများ : "......"
ဒီတော့ ဒီလူဟာ ဘာရိုဆောရပ်စ်ကို ကိုက်ဖို့ ပြေးသွားပြီး အခု အဆိပ်သင့်သွားပြီလား ?
ရှုန်းယယ်က - "ကျွန်တော် သူ့ကိုပြန်ခေါ်သွားပြီး ကျိုးကျီကိုကြည့်ခိုင်းလိုက်မယ် "
ဒီလူသည် အလွန်အစွမ်းထက်သော်လည်း သူ၏တိရစ္ဆာန်ပုံစံသည် ကျား မဟုတ်သောကြောင့် သူသည် ကျားကြီးမျိုးနွယ် မှ လူမဖြစ်နိုင်လောက်ပေ။ သူက ဖြတ်သွားခိုက် လမ်းကြုံတဲ့သူ ဖြစ်ကောင်းဖြစ်နိုင်သည်... သူတို့က သူ့ကို ဒီလို အဆိပ်ခတ်ပြီး သေစေလို့ မဖြစ်ဘူး။
တကယ်လို့ သူသည် ကျားကြီးမျိုးနွယ် မှဖြစ်လျှင်ပင်၊ ထိုအခြေအနေတွင်၊ သူ့ကို စစ်ဆေးမေးမြန်းရန်အတွက် မျိုးနွယ်သို့ ပြန်ခေါ်လာပါက ပိုလို့တောင် ကောင်းသေးသည်။
ထိုအရာကို စိတ်ထဲတွင်တွေးမိပြီး ရှုန်းယယ်က ပိုက်ကွန်ကြီးကို ထုတ်လိုက်ပြီး ထိုလူကို ပိုက်ကွန်ဖြင့် လွှမ်းခြုံကာ ထမ်းပိုးပြီး မျိုးနွယ်စုဆီသို့ ပြန်ပြေးသွားခဲ့သည်။
****-****
YOU ARE READING
ကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed)
Adventureကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed) Genre _ Adventure , Comedy , Fantasy, Historical ,Romance ,Slice of Life ,Yaoi မေး- မင်း နှစ်သက် သဘောကျတဲ့သူက သစ္စာမရှိတော့တဲ့အခါ မင်း ဘာလုပ်သင့်လဲ။ ဖြေ - နောက်တစ်ယောက်ရှာပါ။ ဒီတစ်ခါတ...
