Extra – 2.2 - ဝက်ဝံကြီးအနွယ်ကို အနိုင်လာကျင့်တဲ့ တောင်တန်းဝံပုလွေ အုပ်စု
"အရှင် ၊ အရှင်တို့ ဘယ်ရောက်နေတာလဲ"
သားရဲနတ်ဘုရား ဗိမာန်တော်ရှိ ဘုန်းတော်ကြီးတွေ သူတို့ ပြန်လာတော့ မေးခဲ့သည်။
" လမ်းလျှောက်ထွက် နေတာ " ကျိုးကျီ က ပြောလိုက်သည်။
"အရှင် လူတွေကို ကူညီပေးဖို့ ခေါ်ခဲ့သင့်တာလေ။ အရှင် နဲ့ အရှင့် အိမ်ထောင်ဖက်က ဒီလိုမျိုးတွေကို ဘယ်လိုလုပ်ပြီး ကိုယ်တိုင် သယ်လာတာလဲ။"
ဒီလူက ကျိုးကျီ နဲ့ ရှုန်းယယ် ရဲ့လက်ထဲက နေကြာခေါင်းတွေကိုကြည့်ရင်း သူ အရမ်းစိတ်မကောင်းဖြစ်ပုံရတယ်။
ကျိုးကျီ : "......"
"ဒီပန်းမှာ အစေ့တွေရှိတယ်။ အဲဒါတွေကို ဖယ်ထုတ်ပြီး အခွံနဲ့တကွ အိုးတစ်လုံးထဲမှာ မွှေပြီး လှော်ကြည့်လို့ရတယ်။"
ကျိုးကျီ က သူတို့ကို တနေကုန် စိုက်ကြည့်နေတာကို ရပ်လိုက်ဖို့ နေကြာပန်းအုံတွေကို တခါတည်း ပေးလိုက်တယ်။
"ဟုတ်ကဲ့ပါ အရှင် !" ဘုန်းတော်ကြီးတွေ ကို နောက်ဆုံးတွင် ကျိုးကျီ ထံမှ လုပ်စရာ တစ်ခုခု ပေးခံခဲ့ပြီး နေကြာပန်းများကို ကိုင်ဆောင်ကာ ပျော်ရွှင်စွာ ထွက်ခွာသွားခဲ့သည်။
ကျိုးကျီ သည် နေ့လယ်စာပြင်ဆင်နေချိန် မြစ်တစ်ဖက်မှ တစ်ဖက်သို့ကူးခတ်ပြီးနောက် ဟိုင်ဖုန်း သည် သူ၏ပါးစပ်ကိုကျယ်ကျယ်ဖွင့်ကာ ငါးများစွာကို ပါးစပ်ထဲ ထည့်လိုက်ကာ ကမ်းပေါ် ထွေးတင်လိုက်သည်။ ဒီငါးတချို့က ခုန်ပြီး လှုပ်ရှားနေတုန်းဖြစ်သည်... ကျိုးကျီ အနည်းငယ်ကို ကောက်ယူပြီး ငါးဟင်း ချက်စားဖို့ ဆုံးဖြတ်လိုက်တယ်။
ပေါင်းထားတဲ့ငါးက အရိုးရှင်းဆုံးဖြစ်ပြီး ငါးချဉ်ကလည်းလုပ်ရတာ မခက်ပါဘူး... ဘယ်လိုပဲဖြစ်ဖြစ် ငါးကို သန့်ရှင်းအောင် ကူညီပေးတဲ့လူတွေရှိတာကြောင့် ကျိုးကျီ က လက်ချောင်းအရွယ်လောက်ရှိတဲ့ ငါးအချို့ကို ကောက်ယူပြီး အူတွေ ထုတ်ကာ အကြေးခွံ ထုတ်ခိုင်းလိုက်တယ်။ ထို့နောက် ဆားအနည်းငယ်ထည့်ကာ ဆီဖြည့်ထားသော အိုးတစ်လုံးထဲတွင် ကြော်ပါ။
ဒီနည်းဖြင့်ကြော်ထားသောငါးက အထူးသဖြင့် ကြွပ်ကြွပ်ရွရွ ဖြစ်နေ သောကြောင့် ငါးကြော်ကို အရိုးများ ထွေးစရာမလိုဘဲ ဝါးစားနိုင်သည်။ ငါးကြောက် ကြွပ်ကြွပ်လေးက အရမ်းအရသာရှိတယ်။
ကျိုးကျီ က ငါးသေးသေးတစ်ပန်းကန်ကို ကြော်ပြီး နောက်ဆုံးတော့ အရသာက တကယ်ကောင်းတာကို တွေ့လိုက်ရတယ်။ ထို့နောက် ရှုန်းယယ် ကိုစားရန် ပန်းကန်တစ်ဝက်ပေးလိုက်သည်။
ရှုန်းယယ် အထူးကျေနပ်သွားသည်။
"ဒီဆီဟာ တကယ်ကောင်းတယ်။ အရင်က အရမ်းအရသာမရှိခဲ့တဲ့ အစားအစာတွေ အများကြီးကို ဆီနဲ့ကြော်ပြီးရင် တကယ်အရသာရှိလာမှာပဲ!"
အရင်တုန်းကတော့ ဒီငါးလေးတွေက ကျောက်အိုးထဲမှာ ပြုတ်တဲ့အခါ ခြောက်သွေ့ပြီး အရသာကင်းမဲ့ကုန်တယ်။ ဂရုမစိုက်ဘဲ ကင်ထားလျှင် မီးလောင်ကျွမ်းပြီး အကြွင်းအကျန်များ ဖြစ်သွားကာ စားကောင်းအောင်လုပ်မယ့် နည်းလမ်းကောင်းကို သူ ဘယ်သောအခါမှ မတွေးခဲ့မိပေ။
"တကယ် အရသာကောင်းတယ်။"
ကျိုးကျီ က ပြောသည်။ ဒယ်အိုးထဲမှာ ဆီအနည်းငယ်ကျန်နေသေးတာကို မြင်တော့ သူက ပိုကြီးတဲ့ငါးကို ကောက်ယူပြီး ကြော်ဖို့ ဒယ်အိုးထဲမှာ ထည့်လိုက်တယ်။
သူတို့ပတ်ဝန်းကျင်က လူတွေက သူတို့ လုပ်တာကို မြင်တော့ ထိုအစားစာကို စားဖို့ တောင့်တကြပေမယ့် သားရဲနတ်ဘုရား ပြုလုပ်ထားတဲ့ အစာကို ဝက်ဝံဘုရင်ကသာ စားနိုင်ပါလိမ့်မယ်။
သားရဲလူသား ကုန်းမြေမှလူများသည် ကျိုးကျီလုပ်တာကို တိတ်တိတ်ဆိတ်ဆိတ်သာ ကြည့်ရှုနိုင်ကြသည်။ ဝက်ဝံကြီး မျိုးနွယ်စုက လူတွေဟာ ပိုပြီး အေးဆေးတည်ငြိမ်နေကြ တယ်။ တစ်စုံတစ်ဦးကလည်း ပြောလိုက်သေးသည်။
"အရင်က အရှင်က ငါတို့အတွက် တစ်အိုးလုပ်ပေးတယ်။ အဲ့ဒီဟင်းက တကယ့်ကို အရသာရှိလိုက်တာ!"
"အဲဒါက သားရဲ နတ်ဘုရား ကောင်းချီးပေးတဲ့ ဟော့ပေါ့ပဲ။ ငါတို့ဘဝတွေ ပိုပိုကောင်း လာတာက အံ့သြစရာမဟုတ်ဘူး!"
"အရင်က အရှင် လုပ်ပေးခဲ့တဲ့ တခြားအရာတွေကို ငါတို့ စားဖူးတယ်ကွ.... ဟီး...ဟီး..."
......
သားရဲနတ်ဘုရား ကျောင်းတော်က လူတွေက ဒီစကားကို ကြားတော့ ဝက်ဝံကြီး မျိုးနွယ်က လူတွေကို အားကျ မနာလိုစွာ ကြည့်လိုက်ကြသည်။ သူုတို့တွေ စားသောက်နေချိန်မှာ ဆူညံနေကြသည်။ ထိုစဉ် သစ်သားချောင်း အပိုင်းစကို ကိုင်ဆောင်ထားသော လူတစ်စုပေါ် လာခဲ့သည်။ နှစ်ဖက်စလုံးက တစ်ယောက်ကို တစ်ယောက်ကြည့်ကြပြီး နောက်လူအုပ်စုက လှည့်ပြီး ပြေးကြသည်။
ဒီလူတွေဟာ အနီးနားက မျိုးနွယ်စုငယ်လေးတွေပါ။ သူတို့သည် စားစရာ စုဆောင်းခြင်းနှင့် အမဲလိုက်ခြင်းပေါ်မူတည်ပြီး အသက်မွေးကြပေမယ့် တစ်ခါတစ်ရံတွင် သူတို့သည် မြစ်တစ်ဖက်ကမ်းမှ ကူးလာသောလူများကို လုယက်ခြင်းဖြင့် 'အပိုဝင်ငွေအနည်းငယ်' ရရှိကြသည်။
ယေဘူယျကို ဖြင့်၊ အကြိမ်တိုင်း ထိုသို့လာရောက်သူ အရေအတွက်မှာ အတော်လေး အကန့်အသတ်ရှိပြီး၊ သူတို့ မျိုးနွယ်စုက လုယက်ခြင်းကို ကျော်ဖြတ်သွားနိုင်သူတွေ ရှိပေမယ့် ထိုလူတွေက ဒဏ်ရာ ရရှိသွားမည်ဖြစ်သည်။ တခါတရံတွင် သူတို့သည် လုယက်ရုံသာမက လူများကိုပါ ခိုးယူကာ ပြန်ခေါ်လာခဲ့သည်။ ဒါမှ သူတို့ရဲ့ မျိုးနွယ်စု ကို လူအင်အားပိုတောင့်တင်းလာစေလိမ့်မယ်။
ယနေ့တော့ တစ်စုံတစ်ယောက်သည် မြစ်ကို ဖြတ်ကူးလာသည်ကို သိလိုက်ရသော အခါတွင် ထိုလူများကို လုယက်ဖို့ သူတို့ အုပ်စု စုရုံးပြီး ပြေးလာခဲ့ကြသော်လည်း ယခုတော့...
မြစ်ကိုဖြတ်ကူးခဲ့တဲ့ ဒီလူအုပ်စုက သူတို့ထက်စာရင် လူအင်အား ပိုများပြီး အများစုက အဝတ်အစားတွေ ဝတ်ထားကြတယ်။ ဒါတင်မကသေးဘဲ၊ သူတို့ခန္ဓာကိုယ်မှာ ဒဏ်ရာတွေ မရှိသလို သွေးနံ့လည်း မရှိဘူး...
'ရန်စဖို့ မလွယ်ကူတဲ့လူတွေ' ဟူသော စကားလုံးတွေက ဒီအဖွဲ့ရှိ လူတိုင်း၏ မျက်နှာပေါ်တွင် ရေးထားသလို ထင်ရှားနေသည်။
ကျိုးကျီတို့ အုပ်စုကို ဓါးပြတိုက်ဖို့လာတဲ့ ဒီလူမျိုးစုငယ်လေးက ဘယ်လို ဘေးကင်းစွာ လွတ်မြောက်နိုင်မလဲ။ ကျိုးကျီ က အမိန့်ပေးလိုက်သည်။
"သူတို့ကို ဖမ်းလိုက်ပါ။ ငါတို့ဘယ်ရောက်နေလဲ သူတို့ကိုမေးပြီးရင် ဒီလိုလုပ်ရဲတဲ့အတွက် သင်ခန်းစာပေးရမယ်။"
"ဟုတ်ကဲ့ပါ အရှင် !" လူတချို့က သူ့ကို ဖြေလိုက်သည်။
နောက်ဆုံးတွင်၊ သူတို့ကို ခိုးယူရန် ကြိုးပမ်းသော လူတစ်စုသည် ခိုးယူရာတွင် မအောင်မြင်ရုံသာမကဘဲ သူတို့ကို ဖမ်းမိသွားခဲ့သည်။ သူတို့ မစ်ရှင်ကျရှုံးရုံသာမက အဖမ်းပါ ခံလိုက်ရသေးသည်။ ပစ်မှတ်ရွေးတာ မှားသွားတဲ့ ဆိုးကျိုးပဲလေ....
ထိုသူတွေကို မေးပြီးနောက် သူတို့က မည်သည့်နေရာတွင် ရှိနေသည်ကို ခန့်မှန်းသိ ရှိနိုင်သောကြောင့် ဝက်ဝံကြီးမျိုးနွယ်ဆီသို့ သူတို့ ဦးတည်သွားကြသည်။
ဒီခရီးတွင် ရှုန်းယယ်ကို ပွေ့ချီပြီး ကျီစားခြင်းမှလွဲ၍ ကျိုးကျီ မှာ အခြားလုပ်စရာများ ရှိသေးသည်—–အဲ့ဒါက နေကြာစေ့လှော်ကို စားနေခြင်းဖြစ်သည်။
သားရဲလူသား ကုန်းမြေမှလူများ လှော်ထားသော နေကြာစေ့များသည် ယခင်ဘဝက သူ စားခဲ့သော အရသာအမျိုးမျိုးရှိ နေကြာစေ့များလောက် အရသာ မရှိသော်လည်း စားလို့ဖြစ်နေသေးလို့ ကျိုးကျီ က နေကြာစေ့လှော်တွေကို အရမ်း နှစ်သက်သည်။
ခရီးတွင် မိုးရွာသောနေ့များကို ကြုံတွေ့ရပေမယ့် သူ့စွမ်းအင်ကို စိတ်ဆန္ဒရှိသလို စတင်အသုံးပြု နိုင်နေပြီဖြစ်သော ကျိုးကျီ အတွက်တော့ ဒါက ပြဿနာမဟုတ်ပေ ။
ကျိုးကျီ သည် သူ၏ပက်လက်ကုလားထိုင်ပေါ်ကို မိုးရေလုံးဝ မဝင်နိုင်အောင် စိတ်စွမ်းအားဖြင့် ကာရံလိုက်သည်။ သူ့ထိုင်ခုံအသစ်က တော်တော်ကြီးတာကြောင့် ရှုန်းယယ်ကို သူနဲ့အတူထိုင်ဖို့ခေါ်ပြီး သူ့ကိုနည်းနည်းကျီစယ်ဖို့အခွင့်အရေးကို အသုံးချနိုင်သေးသည်။
ရှုန်းယယ် : "......"
ကျိုးကျီ နဲ့ အချိန်ပိုကြာပြီးနောက် တခုခုတော့ လွဲနေပြီလို့ ရှုန်းယယ် ခံစားလိုက်ရတယ်။ အခု သူ ဘာပဲမြင်နေပါစေ၊ ကျိုးကျီ က သူ့ကို စကားပြောတဲ့အခါ ပိုလို့တောင် ပရောပရီ လုပ်နေပြီး စဉ်းစားလေ သံသယဖြစ်လေပဲ... အရင်က ကျိုးကျီက ခုလိုမျိုး စနောက်ကျီစယ်တာမျိုး သိပ်မှ မလုပ်တတ်ပေပဲ။
ဟူး....ကောင်းပါပြီ၊ တကယ်တော့ ကျိုးကျီ ရဲ့ နောက်ပြောင်ကျီစယ်တာကို သူတော်တော် နှစ်သက်နေပြီး ညဘက်မှာ လုပ်ခဲ့တဲ့ 'ပြင်းပြသည့်လေ့ကျင့်ခန်း' ကို တော့ သိပ်မကြိုက်ဘူး...
လူတိုင်းသည် လမ်းလျှောက်ခဲ့ကြပြီး နောက်ဆုံးတွင် ဝက်ဝံကြီးမျိုးနွယ်၏နယ်မြေအနီးသို့ ရောက်လာကြသည်။
ထိုအချိန်တွင်၊ ဝက်ဝံကြီး မျိုးနွယ် ၏ ဘုန်းတော်ကြီးသည် အခြားမျိုးနွယ်မှလူများကို ဧည့်ခံ တွေ့ဆုံနေသည်။ ဆားအဖွဲ့မှ ထွက်ခွာသွားပြီးနောက် ဘုန်းတော်ကြီးသည် သူတို့ကို အန္တရာယ်မရှိစေရန်နှင့် အမြန်ပြန်လာနိုင်စေရန် နေ့စဉ်ဆုတောင်းပေးခဲ့သည်။ သူ နေ့တိုင်း စောင့်ဆိုင်းခဲ့ပေမယ့် ဆားအဖွဲ့ရဲ့ ထက်ဝက်သာ ပြန်လာခဲ့သည်။
ကျိုးကျီ နဲ့ ရှုန်းယယ် က သားရဲဘုရင်တွေ ဖြစ်လာခဲ့တာလား။ ပြီးတော့ သားရဲလူသား ကုန်းမြေကို သွားကြည့်ဖို့ စိတ်ကူးခဲ့ကြတာလား။
ဘုန်းကြီးသည် ဒီအရာကို မယုံနိုင်အောင် ခံစားနေရပြီး ကြားရသမျှတိုင်းက ဇာတ်လမ်း တစ်ခုကဲ့သို့ ဖြစ်နေသည်ဟု ဘုန်းတော်ကြီးက ထင်နေခဲ့သည်။ ရှုန်းယယ် နဲ့ ကျိုးကျီ သေသွားပြီလားလို့ သူ မတွေးဘဲ မနေနိုင်ဖြစ်နေခဲ့သဖြင့် ပြန်လာတဲ့ လူတွေက သူ့ကို ဝမ်းမနည်းရအောင် ဒီစကားပဲ လုပ်ကြံပြောခဲ့လေသလား...
သို့သော် ကျိုးကျီ သည် သားရဲနတ်ဘုရား၏တမန်တော် ဖြစ်သည်။ သူဘယ်လို သေနိုင်မလဲ။
ဘယ်လိုတွေးတွေး နေ့တိုင်း ဘုန်းကြီးက စိုးရိမ်ပြီး ဆံပင်တွေ ပိုဆုံးရှုံးလာခဲ့တယ်။ ကြာရင် တစ်ခေါင်းလုံး ပြောင်တော့မည်။ သူ့လို ဆံပင်ကျွတ်တဲ့ တခြားသူကတော့ ရှုန်းဟော်ပါ။
ရှုန်းယယ် ထွက်သွားပြီးနောက် ရှုန်းဟော်သည် မျိုးနွယ်စုအကြီးအကဲအဖြစ် တစ်ဖန် ပြန်တာဝန်ယူ ခဲ့သည်။ ဒီအရာအတွက် သူ အလွန်ကျေနပ်ပြီး ဘဝကို အလွန်ပျော်ရွှင်ခဲ့စွာ ဖြတ်သန်းခဲ့သည်—တကယ်တော့ သူက ဘုန်းကြီးမဖြစ်ချင်ခဲ့ဘူးလေ။
သို့သော် မကြာမီပင် ဝမ်းမြောက်တဲ့အချိန်တွေ ကုန်ဆုံးခဲ့ရသည်။
ဘုန်းတော်ကြီးက သူ့အတွက် အရည်ချင်းပြည့်ဝတဲ့ ဘုန်းတော်ကြီး အဖြစ်လေ့ကျင့်ပေးဖို့ ဆုံးဖြတ်ထားပြီး၊ သူသည် ခေတ္တ အကြီးအကဲ ဖြစ်လာလျှင်ပင် ဘုန်းတော်ကြီးက သူ့ကို စာခေါ် ကျက်ခိုင်းဆဲ ဖြစ်သည်။ ထို့ကြောင့်... သူသည် မျိုးနွယ်စုအကြီးအကဲတစ်ဦး၏ အလုပ်ကို လုပ်ရုံသာမက ဘုန်းကြီးဖြစ်ဖို့လည်း သင်ယူခဲ့ရသေးသည်။
ရှုန်းဟော်က ဒါက အရမ်းကြောက်စရာကောင်းတယ်လို့ ခံစားနေရတယ်။ သူ ခံနိုင်ရည်မရှိတော့လို့ မကြာခင် ခေါင်းတွေ ထူပူပြီး ပေါက်ကွဲတော့မယ့်ပုံပါပဲ။ ဒါပေမယ့် မပေါက်ကွဲခင်မှာတောင် ဆံပင်တွေ ကျွတ်လာတယ်...
ဝက်ဝံအညိုကြီးက ရာသီဥတုပူလာသောအခါ အမွေးတွေ ကျွတ်လာလေ့ရှိသည်။ သို့သော် ယခုနှစ်တွင် သူသည် ခါတိုင်းထက် ပိုများပြားသော သားမွေးများကို ကျွတ်ခဲ့ရုံသာမက ပြန်ပေါက်လာသည့် သားမွေးပမာဏလည်း များစွာ လျော့ကျ သွားခဲ့သည်။ ရှုန်းဟော်သည် ခေါင်းပြောင်ဝက်ဝံဖြစ်လာမည်ကို ကြောက်ရွံ့နေမိသည်။
ထိုအချိန်တွင် အခြားသော မျိုးနွယ်စုများမှ လူများသည် သူတို့၏ မျိုးနွယ်စုဆီသို့ ရောက်ရှိလာကြသည်။
အဲဒီတုန်းကတော့ ဆားရောင်းဝယ်ရေးလုပ်ဖို့ ချင်းစန်းမျိုးနွယ်ဆီကို သွားခဲ့တဲ့ ဝက်ဝံကြီး မျိုးနွယ်ကလွဲလို့ တခြားမျိုးနွယ်စုတွေ သူတို့ဆီ လာခဲ့တာ ရှိခဲ့ဖူးသည်။ ကျားကြီးမျိုးနွယ်က ချင်းစန်းမျိုးနွယ်ကို ဖျက်ဆီးပြီး အခြားသူများနှင့် ဆား ရောင်းဝယ်ခြင်း မပြုတော့လို့ မျိုးနွယ်စုငယ်များက ဆားပြတ်လပ်သည့် ပြဿနာကို ကြုံခဲ့ရသည်။
ယခုနှစ်တွင် သူတို့သည် ဆားရောင်းဝယ်ရန် လူများကို စေလွှတ်လိုက်သော်လည်း ဆားမရသဖြင့် နောက်ဆုံး ဆားရနိုင်မယ့် ဝက်ဝံကြီးမျိုးနွယ်အကြောင်း ကြားသိခဲ့ရသည်။ နောက်ဆုံးတွင် သီးခြားမျိုးနွယ်စုနှစ်ခုမှ လူများစုပေါင်းပြီး ဝက်ဝံကြီး မျိုးနွယ်သို့ ဆားလဲရန် ရောက်ရှိခဲ့သည်။ ဝက်ဝံကြီး မျိုးနွယ်စုသည် ဆားများစွာရှိခဲ့ပြီး နောက်ဆုံးတွင် သူတို့ဆီက ဆားအနည်းငယ်ကို ပြန်လည်ဝယ်ယူချင်ခဲ့သည်။
ဒီလူမျိုးစုနှစ်စုဟာ ဝက်ဝံကြီး မျိုးနွယ် နှင့် ဆားလဲလှယ် ရောင်းဝယ်ပြီး ဝက်ဝံကြီး မျိုးနွယ်က ဘယ်လို ချမ်းသာသည်ကို မြင်ပြီးနောက် သူတို့ပြန်သွားသောအခါတွင် ထို အကြောင်းကို မပြောပဲ မနေနိုင်ကြပေ။ အဲဒီနောက်မှာတော့ ဝက်ဝံကြီး မျိုးနွယ် အကြောင်း ကို အခြားသော မျိုးနွယ်စုတွေ သိလာကြတယ်။
ယနေ့၊ သူတို့က ဝက်ဝံကြီး မျိုးနွယ် သို့ရောက်ရှိလာသော အခြားမျိုးနွယ်စုမှ လူများဖြစ်သည်။ ဒီတစ်ခေါက်လာခဲ့တဲ့အဖွဲ့မှာ လူငါးဆယ်လောက်ပါဝင်ပြီး ဒီအဖွဲ့ရဲ့အမာခံကတော့ ထွားကြိုင်းတဲ့ အသားမည်းမည်း နဲ့ အသက်နှစ်ဆယ်အရွယ် လူငယ်တစ်ယောက်ဖြစ်သည်။ သူသည် ဝက်ဝံကြီးမျိုးနွယ်သို့ ရောက်သည်နှင့် အခြေနေကို ကြည့်ကာ ပြောလိုက်သည်။
"ဝက်ဝံကြီးတွေက အရမ်း ချမ်းသာတယ်လို့ သူတို့ ပြောကြတယ် မဟုတ်လား။ ဒါပေမယ့် ကြည့်ရတာ သိပ်ချမ်းသာမယ့်ပုံလည်း မပေါ်ဘူး။"
အသားမည်းသော လူငယ်သည် အလွန်တုံးအပြီး ဝက်ဝံကြီးမျိုးနွယ်ကို နှိမ့်ချသည့်ဟန်ဖြင့် ပြုမူနေတော့ သည်။
ဒီလူ... ကြည့်ရတာ မရိုးရှင်းဘူး!
ဘုန်းကြီးက ဒီလူတွေကို မစော်ကားဝံ့ပေမယ့် ဒီလူက ကျိုးကျီထက် ပိုဆိုးပြီး ရှုန်းယယ် နဲ့တောင် ယှဉ်လို့မရပါဘူး။ ဒီလူငယ်ကို ချီးကျူးစရာ ဘာတစ်ခုမှ မတွေ့ခဲ့ရပေမယ့် သူက ထိန်းထိန်းသိမ်းသိမ်းပဲ ပြောလိုက်သည်။
"တကယ်တော့ ငါတို့က ချမ်းသာတယ်လို့ မယူဆနိုင်ပါဘူး"
ပိန်ပိန်ပါးပါး လူငယ်က ဆက်ပြောလိုက်သေးသည်။
"မင်းတို့က ကိုယ့်ကိုယ်ကိုယ်တော့ သိသေးတာပဲ... အိုး မှန်တယ်။ မင်း ဘာလို့ ဒီလောက်ရက်စက်ရတာလဲ။ ငါတို့က တောင်တန်းဝံပုလွေမျိုးနွယ်ထဲက ဖြစ်ပေမယ့် ငါတို့ ရောက်တဲ့အခါ မင်းရဲ့မျိုးနွယ်တစ်ခုလုံးက ငါတို့ကို လာတွေ့ပြီး နူတ်ဆက်ဖို့ မင်း မစီစဉ်ထားဘူးလား"
ဘုန်းတော်ကြီး- "......"
ဘုန်းကြီးအနေနဲ့ သူတို့ကို နှုတ်ဆက်ဖို့ ထွက်လာတာ မလုံလောက်ဘူးလား။ ဒီတောင်တန်းဝံပုလွေမျိုးနွယ်စုက ဘယ်ကလဲ။ တစ်ကယ်တော့ သူတို့ မျိုးနွယ်စု တစ်ခုလုံးကို ခေါ်ပြီး လာနူတ်ဆက်စေချင်တာလား?!
"ကျုပ်တို့ တောင်တန်းဝံပုလွေ မျိုးနွယ်က အရမ်း အစွမ်းထက်တဲ့ မျိုးနွယ်စုဖြစ်တယ်။ ငါ့အဖေက မင်းတို့ မျိုးနွယ်တစ်ခုလုံးကို သူ့တစ်ယောက်တည်းနဲ့ သတ်နိုင်တဲ့သူတစ်ယောက်ပဲ!"
အသား ညိုမည်းနေသော ဖက်တီးက ဆက်ပြောလိုက်သေးသည် ။
ဆားရောင်းဝယ်ရန်အတွက် ကျိုးကျီ နှင့် တစ်ချိန်က ရှောင်ရှီးမျိုးနွယ် သို့သွားခဲ့သော ဝက်ဝံကြီး မျိုးနွယ်မှလူများ- "......"
ဒီအသံကို ငါတို့ နည်းနည်း ရင်းနှီးနေသလိုပဲ....အမ်... ကျိုးကျီ က ဒီလိုမျိုးပြောဖူး ခဲ့တဲ့ ပုံပဲ?
သို့သော်လည်း ကျိုးကျီ က ထိုစကားကို ပြန်ပြောသောအခါတွင် သူသည် အထူး ယုံကြည်စိတ်ချသည့် ဟန်အမူယာရှိပြီး သူတို့က ကျိုးကျီကို မယုံနိုင်လောက်အောင် ဖြစ်ခဲ့ရသည်။ ဒါပေမယ့် ကျိုးကျီရဲ့ပုံစံက ဖြူဖွေးသန့်ရှင်းကာ အလုပ်ကြမ်း လုပ်သည့်ရုပ် မပေါက်လို့ တဖက်လူက ကျိုးကျီပြောတာကို တကယ်ယုံကြည်ခဲ့သည်။
ကျိုးကျီ နှင့် နှိုင်းယှဉ်ကြည့်လျှင် ဒီ အသားအရေ ညိုမဲပြီး ဆူဖြိုးသည့် လူငယ်က ညစ်ပတ်ပြီး အလုပ်ကြမ်းများ လုပ်လေ့ရှိပုံရသည်။
"ဟုတ်လား?" ဘုန်းကြီးက ခြောက်ကပ်ကပ် အသံနဲ့ မေးတယ်။.
"ဟုတ်တယ်.... ဒါအမှန်ပဲ။ ငါ့အဖေက အဆင့်မြင့် သားရဲစစ်သည်တော် ပါ။ မင်းတို့ အနွယ်မှာ အဆင့်အတန်းမြင့်တဲ့ သားရဲစစ်သည်တာ်တွေ မရှိဘူး မဟုတ်လား?"
မည်းမှောင်သော အသားအရည်ရှိသော ဖက်တီးက ဆက်လက်၍ ဝံ့ကြွားစွာ ပြောနေခဲ့သည်။
"ဒါပေမယ့် မင်းတို့က မြေအိုးလုပ်တာ တော်တော်ကောင်းပါတယ်။ ငါ့ အဖေက မင်းတို့ စွမ်းရည်ကို အရမ်းတန်ဖိုးထားတယ်၊ မင်းရဲ့မြေအိုးနဲ့ ဆားတစ်ချို့ကို ငါတို့ကို လွှဲပေးသရွေ့ ငါတို့ရဲ့အကာအကွယ်အောက်မှာ မင်းတို့ကို လာခွင့်ပေးမယ်"
ဘုန်းကြီး- "မင်းရဲ့အမျိုးက ဘယ်မှာနေတာလဲ"
"ရက်နှစ်ဆယ်ခရီးဝေးတဲ့ မြောက်ဘက်အရပ်မှာ နေတယ်"
အသား ညိုမည်းနေတဲ့ အဆီတွေနဲ့ ဖက်တီးကောင်က ပြန်ဖြေတယ်။
ဝက်ဝံကြီး မျိုးနွယ် နဲ့ ရက်နှစ်ဆယ်ဝေးတဲ့ မျိုးနွယ်စုတစ်ခုဟာ ဝက်ဝံကြီး မျိုးနွယ် ကို ကာကွယ်နိုင်ပါ့မလား။ ဘုန်းကြီးသည် စကားဆိုစရာ မရှိအောင်ဖြစ်နေမိသည်။ ဒါပေမယ့် ဒီလူအုပ်စုသည် အလွန်အားကောင်းပုံရပြီး သူတို့ကို မစော်ကားဝံ့ပေ။
သူတို့ ဘာလုပ်ရမလဲဆိုတာ ငြင်းခုံနေတုန်း အပြင်ကနေ တစ်စုံတစ်ယောက် ရုတ်တရက်ဝင်လာတယ်။
"ဘုန်တော်ကြီး၊ ရှုန်းယယ် နဲ့ ကျိုးကျီ နဲ့ တခြားသူတွေ ပြန်လာပြီ!"
*******-********
YOU ARE READING
ကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed)
Adventureကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed) Genre _ Adventure , Comedy , Fantasy, Historical ,Romance ,Slice of Life ,Yaoi မေး- မင်း နှစ်သက် သဘောကျတဲ့သူက သစ္စာမရှိတော့တဲ့အခါ မင်း ဘာလုပ်သင့်လဲ။ ဖြေ - နောက်တစ်ယောက်ရှာပါ။ ဒီတစ်ခါတ...
