Chapter ( 147 ) _ ရန်ပွဲရှာခြင်း
"ကြံ့သားရဲဘုရင်ရဲ့ဖခင် ကွယ်လွန်သွားတာ ကြာပြီဆိုတာကို မှတ်မိတယ်။"
မျောက်ဝံ သားရဲဘုရင် က ပြောလိုက်တယ်။ သူက ကြံ့ သားရဲဘုရင် နှင့် ကောင်းမွန်သော ဆက်ဆံရေးရှိပြီး သူ့မိသားစုအကြောင်း အချို့ကို သိနေသည်။
"ဝက်ဝံကြီး မျိုးနွယ်က အဲဒီလူက ဘယ်သူလဲလို့ ငါ တွေးနေမိတယ်။" ကျား သားရဲဘုရင် က ဆက်ပြောသည်။
"အဲဒီဝက်ဝံကြီးမျိုးနွယ်က တကယ့်ကို စိတ်ဝင်စားဖို့ကောင်းတယ်။ သူတို့အမျိုးထဲက သားရဲဘုရင်ကိုတောင် နှင်ထုတ်ကြတယ်။"
"သူတို့က သားရဲဘုရင်ကို နှိမ့်ချနေတာလား။ သူတို့က နည်းနည်း မာနကြီးတာပဲ!"
"ကြံ့သားရဲဘုရင်က ဒီဝက်ဝံကြီးမျိုးနွယ်နဲ့ ပတ်သက်ပြီး ထူးခြားတဲ့ တစ်ခုခုတော့ ရှိနိုင်တယ်"
သားရဲဘုရင် တို့သည် ဈေးသို့သွားစဉ် အချင်းချင်း စကားစမြည်ပြောကြသည်။ ဝက်ဝံကြီး မျိုးနွယ် အကြောင်း ဆွေးနွေးခြင်းမှလွဲ၍ ရှီလီအကြောင်းကိုလည်း ပြောဆိုနေကြသည်။
"ရှီလီက ငယ်ငယ်လေးနဲ့ သားရဲဘုရင်ဖြစ်လာခဲ့တယ်။ သူက အားမာန်အပြည့်နဲ့ သတ္တိရှိရှိ တိုက်ခိုက်နိုင်လိမ့်မယ်လို့ ထင်ခဲ့တယ်။ မထင်မှတ်ပဲ..."
ကျား သားရဲဘုရင် ရှီလီအကြောင်းပြောသောအခါ အနည်းငယ် အရှက်ရ သလိုဖြစ်သွားသည်။ ရှီလီလို သားရဲဘုရင်ကလေးဟာ ငယ်ရွယ်ပြီး အားမာန်အပြည့်နဲ့ တိုက်ခိုက်ချင်လိမ့်မယ်လို့ အားလုံးက ထင်ခဲ့ကြပေမယ့် မထင်မှတ်ဘဲ၊ ဒီလိုမဖြစ်ခဲ့ပါဘူး။
အရင်ကတော့ ကြံ့ သားရဲဘုရင် က သူ့သားကို ထွက်မရှာခင်က ရှီလီကို တစ်ကြိမ်လောက် စိန်ခေါ်ခဲ့ဖူးတယ်။ မနေ့က သူနဲ့ ထပ်ပြီး ထိပ်တိုက်တွေ့ ခဲ့ပေမယ့် ရှီလီက သူ့ရှေ့မှာ နှစ်ကြိမ်ပြန်ဆုတ်သွားခဲ့တယ်။ သူ့လို လူငယ် တစ်ယောက်ဟာ ဒီလူကြီးတွေထက် သူ့အသက်ကို ပိုမြတ်နိုးတာ နည်းနည်း ရှက်စရာကောင်းတယ်။
အခြားလူများ အားလုံးက ကျားသားရဲဘုရင်ရဲ့ စကားကို သဘောတူကြောင်း ခေါင်းညိတ်လိုက် ကြသည်။ သားရဲဘုရင် အရေအတွက်သည် အလွန်အကန့် အသတ်ရှိပြီး လူတိုင်းရဲ့ ခွန်အားမှာလည်း အလားတူဖြစ်သည်။ တစ်ယောက်နဲ့ တစ်ယောက် ပြိုင်ဆိုင်ကြပေမယ့် အားလုံးက ဆက်ဆံရေးကောင်းတယ်။ မူလက သားရဲဘုရင် အသစ်ပေါ်လာသောအခါတွင် သူတို့သည် လူသစ်ကို သိချင်ခဲ့ ကြသော်လည်း နောက်ဆုံးတွင် ရှီလီ သည် အလွန်မောက်မာပြီး သားရဲနတ်ဘုရား ကျောင်းတော် ကိုပဲ မျက်နှာသာပေးကာ သူတို့ရှေ့တွင်ပင် မာန်တက်စွာ နေခဲ့သည်။
YOU ARE READING
ကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed)
Adventureကျောက်ခေတ်ခင်ပွန်း ပျိုးထောင်ခြင်းမှတ်တမ်း(Book-1) (completed) Genre _ Adventure , Comedy , Fantasy, Historical ,Romance ,Slice of Life ,Yaoi မေး- မင်း နှစ်သက် သဘောကျတဲ့သူက သစ္စာမရှိတော့တဲ့အခါ မင်း ဘာလုပ်သင့်လဲ။ ဖြေ - နောက်တစ်ယောက်ရှာပါ။ ဒီတစ်ခါတ...