🌹✴✴🌹
✴✴#بعد_سنة ✴✴
نزهة قدام المرايا تتفقد في روبتها ...وتولين تريڨللها في شعرها ...وجناة وراهم تلبس في الطالون متاعها ...دخلت سيلين تجري وشدت في روبة امها " ماااا...اضفرلي شعري ..."
جاوبتها وهي مركزة في شعر نزهة " برا لميمة جناة ...."
وقفت جناة وشاورتلها بصبعها "دقيقة رويحتي ندخل للتوالات ونرجعلك ..."
تكلمت نزهة "ايجا تو نضفرلك "
همزتها تولين رزتها " شد بلاصتك انت وريض ..."خزرت لبنتها " ماما ...برا حذى عبود و اركان ...حتى شعرك مسيب مااحلاه ..."
نفخت سيلين وتنفضت باحتجاج " انتوما النساء تنسو رواحكم قدام المرايا "
خرجت متغششة و نزهة وتولين خزرو لبعضهم موش مصدقين ...الكلمة كلمة اركان ديما يقولها لتولين وهي لقطتها وخذات صنعتو ...هبطت تجري في الدروج وطول مشات للجنينة وين طاولة طويلة وعريضة منصوبة مزينة بالورد والكراسي مغلفين بضخامة وفيانة دليل ايلي فمة مناسبة حلوة ...شافت عبد الجليل جراتلو "عبوووود..."
لقفها بفرحة " روح عبود" باسها البوسة لولة " حبوبة جدها " باسها البوسة الثانية " ماابن ها الريحة "
ضحكت بدلال خلت قلبو يزيد يذوب بمعزتها " عبود...اضفرلي شعري "
مط شفايفو " نضفرلك...شعرك...؟!...اي...انا ...بعمري ما ظفرت شعر مرا راو ..."
هبتلت شفايفها موش عاجبها واول مارات اركان تبسمت والحكاية ضربت في مخها ...هبطها عبد الجليل وقت فرفطتت عندو وتبعها بعينيه وهي تجري لاركان ايلي كان يثبت في اوراق وقدامو فريد المحامي يتشفڨ للبلكونة متاع البيت ايلي المفروض فيها النساء ،سكر اركان الدوسي ومدهولو " بخصوص خدامة ناز ايلي قعدو بطالة وزعهم على المعامل و مشروع تولين الجديد متاع الازياء ..."
همهم فريد وعينو مازالت ع البلكونة ...ضربو اركان على صدرو " هاااهي ...ها فريد...تبزنس على نسيبتي ؟! "
تربث فريد " فا...فاش تحكي ...نسيبتك...ماو صداقها ليوم ..."
لعب بحواجبو "هاذيكا نسيبتي الاولى...صداقها على نسيبي الاول ...و نسيبتي الثانية ...هاو خالطلها التور ...يا نسيبي الثاني ..."
جبدتو سيلين من سروالو قصت عليهم سيرة النسب " باااااااا "
هز اركان حاجبو وهو يثبت فيها "اشكي يا بنت مرتتتتتي " قالها بنفس طريقة تولين ايلي تقول بيها كلمة راااجلي
شاورتلو لراسها "اضفرلي شعري ..."
هز ذراعاتو "اه...مالا نضفرو شعر للا سلووونة ...نخدمو حجامة كان لزم "
بخفة لملها شعرها وعمللها ضفيرة ع الاجناب بطريقة منظمة ومرتبة خلت فريد حال فمو " ياخا تعرف تضفر الشعر "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
