🍁الحلقــ24ــــة : القســ1ـــم🍁
✳♥✳
"توووولين ....توووولين استنى ..."
نادتلها نزهة وهي تزرب باش تخلط وراها ...وقفت تستنى فيها وحاولت ماتخزرلهاش في عينيها لكن امها تعرفها مليح وتفهمها خصوصي كيف تبدا منرفزة وعندها كلام باش تحكيه " قتلك استناني نحط الكرهبة في الڨاراج ...لحظة من الزمان ...شبيك مشيت "
خزرت لسيلين ولقات باش تتسبب " هاك تشوف فيها وجها شاحب و حالتها حليلة ونخاف يصيرلها كريز جديدة "
مسدت نزهة شعر سيلين " اممم...اما موش هذا ايلي في مخك ...وموش هذا ايلي تحب تقولو...ياخا انا غالطة كي طلبت الشرطة...اذا ماحطينالهوش حد من الاول باش يتمادى وضربة اثنين هاد علينا ...وموش غريب يقلك باش نهز بنتي ..."
ضحكت بمرارة " تسخايلني ساخفة عليه والا ماخذة في خاطري منك خاطر شكيت بيه ؟! ...." عضت شفايفها ولعبت بشعر بنتها " سيلا ...بنوتي ...برا العب في الجنينة ...انا وماما نزهة شنحكاو شوية "
سمعت كلامها ومشات تتكعبر فرحانة وماعلى بالها بايلي صار ... خلتهم راس راس والظاهر انو تولين موش منجمة تتحكم في غشها وبالسيف حاولت تحكي برياض مع امها " قلي لوقتاش شتقعد مخبية عليا ...وقتاش باش يسهل ربي وتحكيلي وتصارحني ...هاك تعرف امي وكيف ما قلت لاحمد اصلي معروف ومعلوم ....علاش ماتقليش عليه...موش من حقي؟!....امي انا سكتت ها السنين ...خاطر لاهية في هموم اخرى غير ها الهم وماعودتش سألتك ...سكتت ها السنين وقلت تو وحدها تقلي شكون انا ...ماحبيتش علاقتنا تزيد تفسد مرة اخرى بسبب ها الحكاية ....حاولت نلقى تفسير ونبررلك سكوتك ...اما مالقيتش حاجة تقنع ...قلي امي ...انا جيت في الحرام ...موش هكا ؟!...جيت في غلطة؟! ...لا الام قبلتني ولا البو .؟!...ماو هذا ايلي خايفة عليا نسمعو ...."
قاعدة تخزرلها بكل برود ومخليتها تحكي كيف ماتحب " جيت لها الدنيا بفضيحة؟! ...باهي فهمت ...ياللا قابلة باصلي كيف ماكان وكان ...اما ...نحب نعرفهم شكون ...ياخا ايلي طالبتو صعيب ؟!...نحب نعرف امي ...وبابا..." بللت شفايفها ايلي جفو " هيا قلي ...انت تعرفهم...ماتقليش لا وتنكر وتعملي سبة ....انا متأكدة انك تعرفهم ...وباقية مخبية عليا ..." رجتها وهي تترجى بصوت لين " يعيشك يا امي ...قلي ...علاش تخلي الناس تحقرني وتعايرني ...احمد ماهيش اول مرة يعايرني باصلي ...حتى اركان. ..ديما يخزرلي بخزرة ناقصة يرى فيا وحدة ماتسواش وكيف مايقولو قطعة حبل جابها واد ...والله ها الشي يقهرني ويذبحني ...ياخا ترضالي هاالاهانات ؟!"
تنهدت نزهة "قتلك من قبل ...وهاني باش نعاودلك ...موش من مصلحتك تعرف امك شكون ولا كيفاش جيت لها الدنيا ....اذا عرفتها انت اول وحدة تتوجع ...يزي يا تولين ...ما تبربشش في الماضي...اتلهى ببنتك وراجلك ويزي من ها التخمام ...علاش تحل في جروحك بيدك .."
صاحت بقلة صبر " حرااااام عليييك راااو ...مستخسرة فيا حتى نعرف حقيقتي !!"
عقدت حواجبها مستغربة "حراااام ؟! ..." زفرت الهواء وحاولت تخلي نبرتها عادية وهادية قد ماتنجم "يعيييش بنتي ...ها الموضوع معادش تجبدو...خليه في ستر ربي ...انا خايفة عليك ...ايلي صارلك موش شوية... ماتزيدش على روحك حمل جديد ...اذا عرفت امك توا ...باش تحل باب بلاء كبير عليك وعليا وعلى بنتك ..."
صرت سنونها " باهي....تو نسكت ...ومعادش نسأل ...ومانحلش فمي وخلي نبقى رخيصة تحت الساقين "
تادت لبنتها " سيلييييين ...هيا ماما شنمشو لبابا "
نزهة" وه ...وين ماشية ومنين طلعت المشية لبوها هاذي!؟ "
تولين "لداري امي ...نسيت ايلي انا ضيفة هوني ..."
كتفت نزهة ذراعاتها وخزرتلها من فوق للوطة " انت كل ما تتغشش مني تهرب لحد "
وساعت عينين تولين " امي !؟...ياخا تفكر فيا فيلي صار من اربعة سنين والا قاصدة تجرحني بها الكلام !؟ "
غمضت عينها بقلة صبر ودخلت مرفقها في ذراع بنتها " لا هذا ولا هذا ..."ضربتها على راسها " افطر الساعة ...ودوش شعرك مزيت حالة ...ومن بعد تو نوصلك لدارك ...ولراجلك " تمتمت "ايلي يسمع يقول عصافر الحب ماتنجموش تبعدو على بعضكم "
عضت تولين شفايفها بغل وڨحرتلها باحتجاج ،قصت عليهم سيلين وهي تنڨز وتلهث "بالحق ماشين لباااااا...ياااااااا "
هزت نزهة حاجب بحاجب " هاااه ...حتى ها الفزغولة مزروبة على راجل امها ...ودار راجل امها "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Historia Corta★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
