🎭الحلقة الواحدة والعشرون : القسـ2ــم 🎭
✳✳🐋✳✳
بعد ما تعشو وسهرو مع بعضهم شوية ... وصل اركان ضيفو للباب ،ودعو و تهنى عليه شد الطريق مروح و طلع لبيتو ،وقيت نوم بحكم غدوة مسافر ... في ثنيتو نحى الفاست متاعو وحل بوتونوات شوميزتو الاولانين ...دور بوانياي الباب وحلو ...عقد حواجبو مستغرب وقت قابلتو تولين تلمد في لعب بنتها من على فرشو ،ضحك باستهزاء" شنوة ...لقيتني مزيان بارشا الليلة وقررت تعرض عليا خدماتك "
كلامو ماسط ويوجع ، هو حاسبها وحدة تبيع في بدنها واتبع في شهوتها وهي مالازمش تسكت على ها الاهانة ...وقفت مقابلتو وضيقت عينيها " خسارة حتى الليلة مانجمتش نراك مزيان ...لازمك تزيد تخدم اكثر و اكثر... باش تنجم تظهر قدامي "
بعدتو من قدامها بصبعها بكل محقرانية باش تزيد تغزلو و مشات ناحية الباب خارجة .
صحيح...هي بعمرها لا راتو مزيان ...وكيما قالت مانجمتش تشوفو قدامها من اصلو ....حتى وهي معاه فرد دار وتحت سقف واحد ...كان حاجة اقل من الثانوية في حياتها ...لكن ...الى متى ...صبر ...صبر ...صبر...لين الصبر مل ...وباقي ماتبدل فيها شي ...الوقت ماقربهمش ،ع العكس بعدهم ...ورسم بيناتهم حدود ...وهو قرر يملكها ...ويفرض حبو عليها ...كيما فرضت عليه ابوة لصغير موش منو ...
"توووولين "
من غير لا تكلف روحها مشقة وتدورلو "شنوة تحب؟! "
كانت قريبة لدرجة ما استحقش يزيد يقربلها اكثر ، مد ذراعو لوسطها وجبدها ليه لين لصق ظهرها في صدرو ،شهقت برعب وتخلخلت مفاصلها وهي بين يديه " أركاااان...ابعـ....ـد "
جمدت على بلاصتها وعكشت اطرافها و ما نجمتش تتحرك حتى ربع خطوة وتبعد..
مخو ولى مغيب وقلبو هو ايلي قرر يحكم ،حط دڨنونتو على رقبتها و خذى نفس طوييييل من ريحة رقبتها ايلي تغلغلت في عروقو ومشات معاها في مجرى الدم ، حاوط وسطها وكبس مليح عليه بتملك واضح "مانيش باش نبعد...من اليوم باش نكون هكا معاك ...سوى رضيت والا مارضيتش "
قلبها الميت من سنين رجع دق ...موش بمحبة اركان ...لكن بنارها القديمة ...دق بوجعاتها وفكرها بخيبة عمرها ...لمسات الحب في يوم من الايام هزوها للهاوية ...لحد هاك اللحظة تعاني منها ...أهاتها المكتومة بيد احمد ايلي منعتها باش تقلو لا وسكرت عليها النفس...بلحمها ايلي تنهش غصب بعد ماعطاتو في الحرام...قرب اركان شعل في جاشها نار كبيرة ...نفخ وسط الجمر ولهب داخلها ...
سكونها وسكوتها شجعو يقدم معاها اكثر ...تلمس وسطها وغلغل صوابعو بين لحمها و شق الروبة ايلي مغطي كرشها ...
لا اراديا مشى كفها لظهر يدو وضغطت عليها،خرج صوتها مبحوح ودموعها طاحت "لا أركان لاااااا..."
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Storie brevi★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
