هذا الرجل... ابوك 💚💙
🎆⭐الحلقة الرابعة عشر : القسم 4 ⭐🎆
💙💚💜
ضربت الفاز المزينة الطاولة وكسرتها " حلي الباب ...ورجعلي صاكي ...اعطيني تاليفوني ...نحكي معاك راو "
باقي يخزرلها وعامل بون كيف ، طفى سيڨاروه و حط يدو وراء راسو وساق فوق ساق تقول يتفرج في فيلم ،زاد نرفزها " ياخا مريض انت !؟...ياسيد..هكا موش باش تنجم توصل لشي معايا ....انا ...راني عندي شكون ...عندي حد في حياتي ...مانيش كيف ماتتخايل انت ...وغير هذا نحبو وهو يحبني "
ضحك عليها ، يعني مالقات كيف تسلكها حبت توصلو ايلي عندها شكون " ماكش مصدقني ...باهي ...تو تعرف مالا ...ياولدي خرجني من هوني "
صونى تاليفونها في صاكها جرات باش تخطفو منو لكن هو سبق يدو ومنعها ، جبدو وشاف النومرو ايلي طالب لقاها مقيدتو "حبيبي " تقلب وجهو وخزرلها ...يعني بالرسمي عندها شكون ماهيش تكذب باش يسيبها ،قعدت تدز فيه وتتفارع معاه باش تاخذو ....شافتو يمدهولها ، ماصدقتش من الاول وقعدت مترددة ،شاورلها بصبعو " هز ...حبيبك يطلب "
رمشت متوترة وهي تهز " الو ....اهلا احمد....لاباس ...لا ...كملت العشاء ...و ...هاني مروحة مع البنات ...ماقعدليش بارشا و...نوصل "
زم شفايفو وخذى سيڨارو ع الطاولة ،خزرلها ونفخ الدخان في وجها "حلي الباب ..."
خذى رايها ومشى ناحية الباب وحلو على كبرو ورجع تبلنجا ع الكاناباي ، قعدت متمسمرة وموش فاهمة اش صارلو تقلب فرد المرة ...كان جات تعرف راهي قتلو من الاول عندها شكون ...هزت صاكها وخرجت تجري ...يمشيش يرجع في كلامو ...لازم تهرب وتضمن روحها قبل كل شي .
قعد كابس ع التاليفون بغش واضح ، حمار وجهو و بانو عروقو ، مع البنات !؟ توا في التصاور شفتك مع حد آخر انا مانعرفش صيلتو بيك ...لكن...مالازمش نتسرع .
فيسع مالقات تاكسي وطلبت منو يوصلها فيسع ، شنوة باش تقولو ...لازم تخبي ها الحكاية والا باش تلقى روحها بين احمد والمجنون هذاكا ...بلعت ريقها وغمضت عينها وهي تتنفس بانتظام ...فجعة عمرها كلاتها وهو يخطفها والناس ماتحركتلها حتى شعرة ....وقت وصلت لقات أحمظ مازال بدبشو ،هي دخلت وهو لقفها ...ماحبش يبين غشو هاكي علاه تبسم وسألها وهو يطبع بوسة على خدها " صفا الجو...تعدت عشوية باهية مع البنات "
تمنى من قلبو تقلو لا ...راهو صارت حكايات اخرى فسدت البروڨرام ...لكن عي تبسمت " صفا ع الاخير "
زم شفايفو " انا ....ماشي ندوش ..."
"ايه باهي شيري ...صحة بالمسبق ..." سألتو مستغربة وقت لقاتو يثبت فيها غير العادة " شفمة !؟ "
ضحك وعمل روحو عادي ع الاخير " لا شي "
خلاتو لين دخل الدوش و ترمات ع الفرش ....يا والله نهار ...الحمد الله تعدى .
❇نهاية الحلقة الرابعة عشر ❇
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
