🎋الحلقـــ25ــة : القســـ2ــــم🎋
♥❇♥
تمايلت بخفة وانوثة وهي تدخل للصالون... مرتاحة البال و مطمانة مادام الضيف موش احمد... ومادام حد اخر فهي عندها القدرة تتعامل معاه...لكن بزهرها ...ايلي كان يستنى فيها يستحق انها تخاف زادا ويستاهل تكون اكثر قوة ...تصدمت كيف لقاتو ناظم ...ماتخيلتش تشوفو في دارها بعد اربعة سنين ...واصلا شنوة مجيبو لفم وفي هاك الوقت ايلي اركان موش موجود فيه ؟! نرمالمون وقت خدمة ولازم يكون في ناز موش عندها هي ...
وقف من بلاصتو وقت جات عينو عليها ،خزرلها من فوق للوطة "عندنا بارشا على ها الوجيه "
كتفت ذراعاتها وتصنعت البرود " ان شاء الله خير سي ناظم "
تبسم وهو يهز حاجب بحاجب وعينيها تلمع بكلام خوفها"خير ....خير اذا بعدت على احمد "
نفخت موش عاجبها كلامو...يظهرلي عيلة بالرجب قررت تستقبلها كل مرة بواحد...لوات فمها وقوست حواجبها "انا بعيدة عليه...ياريت ها الكلام تقولو لخوك...هو ايلي صدم عليا وعمل شوهة قدام باب داري "
اختصر المسافة ايلي بيناتهم وقعد مثبت طول في عينيها قاصد يخليها تدخل بعضها "علاه رجعت بعد ها السنين ...يعني ماكفاكش ايلي عملتو رجعت باش تكملو !؟ "
تبسمت بتمسخير " علاه ...عملتك حاجة قبل انا ..."
ناظم بجدية " انت ماتنجم تعملي شي ...اما عملت لاحمد ...انت يالا شويت قلب خويا ،دمرتو ، استغليتو ...ومن بعد طيشتو ....اختارت الفلوس وباريس عليه ...وتوا راجعة ...بعد ما الجرح بدا يبرا ...علاش ها الانانية ...زعمة خاطر كوتك طاحت ومانجمتش تنجح من غيرو ؟!"
هو زادا مصدق كذبة انها خانت احمد ...وهي لازم ماتبكيش وتواجه واقعها بقوة " كل حد في ها الدنيا عندو شيطان في جيبو ...وانا ها الشيطان خدمني بارشا...الله غالب جات في خوك الضربة ...ماكارهوش حب العارضة ايلي زهرت معاها ...كارك من الاول فيقتو بلعبتي....انا ...قدام حلمتي مستعدة نعفس على الناس الكل "
خزرلها يتفحص في بدنها وفي عينو خزرة متاع حڨرة " بربي وين وصلتك حلمتك....وصلت للعالمية ..تشهرت...!...هاك ذبت كيف الشمعة ....وخيرت عيشة الدار كيف اي مرا تنظف وتربي في الصغار "
بها الكلمات حط يدو ع الجرح ايلي ينبض وجيعة ...صحيح....حلمتها تقلبت لخيبتها وماوصلتها كان لطريق معبي شوك واخرتو مسدودة ...تأففت وحبت تنهي ها النقاش ايلي بدى ياخو في منحى آخر "سي ناظم المطلوب يعيشك...لخص... مانحبش راجلي كي يجي ... يراك هوني "
ضحك باستهزاء" رااااجلي....ايلي خنت احمد معاه...؟...باهي يالا ....نقلك المختصر.... ابعد على احمد "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Historia Corta★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
