🍓الحلقــ38ـة القسـ2ــم 🍓
✴🌹✴
بحلقت فيه موش مصدقها انو نجم يتهمها "احمد...بجدك شاك فيا ؟! "
صاح بكل جوارحو "وعلاش مانشكش ...جديد عليك الحكاية...موش حاولت تقتلها وهي في كرش امها "
دخلت بعضها وصدمها كي طلع يعرف كل شي ...وايلي زاد عليها هو صدمة ناظم دوب ماسمع الحكاية ، تنفض أحمد قدام سكوتها "تكلم...شبيك سكتت...اخزرلي ...قول لا ...انفي ..." رجها من ذراعها " يااامي ...تكلم "
جبدو ناظم بعدو عليها"شنوة ايلي تحكي فيه ...ياخا امك قتالة ارواح "
مازالت عينو مرشوقة عليها"جاوبو...قلو لا تره...هيااا ..."خزر لخوه " امك ياسي ناظم ...حبت تطيح سيلين وهي في كرش تولين ...شربتها سم من السموم خلاتها تنزف لين قريب تموت "
هز ناظم حواجبو شاكك "أمي !؟؟؟ معقووول "
خذات كفو وحاولت تهديه "احمد...يعيش ولدي... انت ماتعرفش الحكاية كاملة "
دزها من غير مايشعر "اما حكاية..." بدنها الضعيف و قوة ولدها خلوها تطيح لوطة وتجي مفروشة ، ماهموش فيها ولا انتبه انو طيحها ،كان يغلي من العصب "اما رواية ...كنت في بالك انو تولين حبلة وخبيت عليا...كنت تعرف انو روحي فيها وبعدتها عليا...كنت في بالك انها ماخانتنيش ...وكذبت عليا ...علاااش يامي حرمتني منها...علاش يتمت بنتي بالحيااااااء...."
دافعت على روحها "لا يا احمد...موش هذا قصدي"
"مالا شنوة قصدك ...حبيت الجرح يكون خفافي ياخا زلقت من يدك السكينة وغاااصت بين ضلوعي...يامي انت وريما غلطوني فيهاااا...ياااامي انا وصلت عملت فيها ايلي مايعملوش الحيوان ...يااامي بنتي تولدت وكبرت بلا بيا ...ياااامي بنتي ماتعرفنيش ...ناقف قدامها وماتراااانيش يااااامي...تخيلني انا ناقف قدامك ومانعرفكش ...بنتي تعيط لغيري بابا ...يامي شويييتني... انت يامي ...فنيتني "
سالت دموعو من غير مايرفلو جفن ،خرج صوتو مبحوح بالكاد مسموع " انت دمرتني وحطمتني "
الوجيعة ايلي نخرت ضلوعو مالقالهاش كلمة توصفها ،حط كفو على صدرو ورعشت شفايفو " انت يامي ذبحتني ...هناااا"
صاح بمرارة " لهنااااا...لهنااااا ذبحتني "
الوجيعة ماكانتش كان في صدرو ..حست بيها تفتت ضلوعها وتقتل انفاسها ...بكات وهي تشد في ساقو وتترجاه "...ماتعملش هكا ....يعيش ولدي ...قتلك مجبووورة ...تجبرت ...ماكنتش نعرف انها بنت عمك...تبعت شكي وتعميت ..." وقفت وواجهتو " ايه تعمييييت...امك عمياء صمياء...وايه ...شربتها سم يطيحلها صغيرها ...وماااطاحش ...وايييه ...تفاهمت انا وريما باش نبعدوك على تولين ...وايييه ...وقت جاتني تشكيلي انك اغتصبتها وضربتها ...ماوقفتش معاها...اما عندي سبب ...وقت جبتاهلي وقتلي تحبها وقفت معاها...وانا اول العباد ايلي قبلت بيها وحطيتها العارضة الرئيسية متاعي...لكن قبل ماتظهر نزهة...قبل مانعرف انها بنت صاحبة بوك القديمة...مرا مطلقة عندها كان بنية...اصغر منك ...والفاضل وقت قابلها تربث وماعرفش اش يعمل قدامهم...فهمت ايلي هي بنتو...شكيت انها اختك...يا ربي ...كيفاش تجي اختك تحبل منك...هاكي علاه حبيت نقتل الصغير ...وعملت كل شي باش نبعدها عليييك ..."
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Cerita Pendek★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
