هذا الرجل ابوك💚💙
🎆⭐الحلقة الثالثة عشر : القسم 4 ⭐🎆
💚💛💜
✴✴✴✴✴✴
متأكدة انو كل وحدة معاها فم قاعدة تثبت فيها تحت حس مس ومتأكدة زادا انو بارشا حديث قاعد يتقال وراء ظهرها ...وبارشا منهم حسدوها ع الزهر ايلي لعب معاها وخلى اكثر راجل مرغوب منهم يرغب فيها هي بالذات ، وقفت وشافت روحها في المرايا ، الروب مزيانة زادتها فيانة ، دخلت ريما وهي ترفس وحدها ، خزرولها الكل ومتوقعين مشكلة كبيرة باش تاقع ،ضيقت عينيها بخباثة وخذات كاس عصير كان ع الطاولة قريب منها ...كزت سنونها وكبتو على تولين ،شهقت جيهان " ريما !...شنوة ايلي عملتو ...الروب هلكتها "
صاحت ريما " انت وحدة ماتسواش "
مطت تولين شفايفها وهي تمسح في الروب " ريما ....عزيزتي ...تعرف انو عادة خايبة هاذي ...كيف انت ريقك شايح ...شربتو كاس العصير في عوض تكبو ...ع الروبة "
"شكونك انت ....باش تحل فمك و تكلمني ..جاية من حفرة يا مڨملة و تلعب في عينيك قدام احمد فماش ما يتلفتلك ..."
"يظهرلي ...تلفتلي وفات ...ووصلنا لمرحلة شدان ليدين واكثر "
الشي معادش تنجمو ترمات عليها باش تنتشلها شعرها لكن تولين شدتها من يدها ودزتها جابتها مفروشة على كانابي بحذاهم " رد بالك تقرب مني ريما ...لحمي مر ...والحفرة ايلي جاية منها علمتني نضرب ونعض ...والقننو ايلي كيفك بسهولة نعجنها "
تدخلت جيهان وهي تبعد فيها " توبين امشي ...شنوة ها الفضايح ايلي تعملو فيها ...صغار ياخا "
قامت ريما و همت باش تعاود تتهجم عليها مرة اخرى لكن البنات تدخلو و وقفو بيناتهم "والله ...يا تولين ...من ها اللحظة الا مانذوقك الويل ...مانخليك تبكي دم بلاش راحة ...بيناتنا الايام "
تولين بكل برودة دم " اذا نجمت ...مرحبا ...رغم انو متأكدة انك موش باش توصل لشي "
جيهان وهي تصيح " ايا فك عليا انتوما الزوز...هوني خدمة ...فضو مشاكلكم بعيد ...عندنا عرض ولازم نحضرولو ...موش واقفين تتخابطو كيف الصغار ...يلا كل وحدة تشد بلاصتها ...ريما ...امشي للوج الاخرى ...تولين تحرك بدل عليا ها الروبة وابعثها ينظفوها ...امشي للمودال الاخر ...وانتوما البنات ايا افرق عليا ها الحضبة "
ريما وهي تڨحر لتولين "تشبع بيها الخدمة ...فماش ما تهز شبعتها وتخرج من خمج حومتها ...وحدة جيعانة كيفها باش تكبش بيدها وساقها ..."
جيهان " شنوة ريما توا...ماو قلنا وفى "
نطرت شعرها وراها وخرجت تمتم "انت متاعي انا احمد...ليا انا ...قلبك ماهوش باش يدق لغيىري "
ضربت الحيط بصاكها وهي تصيح " ماهووووش باش يدق "
خزرلها واحد من الموظفين كان متعدي بصدفة وهو باهت فيها ...ياخا جنت والا شنوة حكايتها ، شعلت فيه " فاش تتفرج...يلا اقلب عليا منظر ..."
سكت و كمل طريقو وهو يلعن فيها دخلاني ...عدت يدها على شعرها وصوابعها يرعشو من العصب "توا وقت تخديم مخ يا ريما ...كل شي لازمو ذكاء موش صياح و عرك....كيف ماهي حفرت تحت حس مس انا لازم نعمل كيفها ....مانيش باش نخليها تتهنى بيه ...يكفي انو زينب معايا وواقفة في صفي ...وناظم نعرف نقطة ضعفو ...وتولين ....فمة شكون ينجم يدخل الشك لقلبها "
✴✴✴✴✴✴✴✴✴
⭐⭐نهاية الحلقة الثالثة عشر ⭐⭐
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
