هذا الرجل ....ابوك💚💙
🎆⭐الحلقة الرابعة عشر : القسم 2 ⭐🎆
💙💚
دارت ع اليمين ، ع اليسار ..رقدت على كرشها وعلى ظهرها ...شي ما نجمتش ترقد ،طيشت الملحفة و مشات حلت الباب ...شنوة مشكلتها تو هي ...الاكيد هي غايرة اما موش كي الصغار هكا ...وزيد...المغبون راهو راقد اكاكا وتصبح كرومتو توجع وبدنو مدڨدڨ، هزت مخدتو و ملحفة نظيفة وقت تأكدت انو الحس بات والف بالمية رقد ، تختلت بمشيتها باش ماتفيقهوش ،لقاتو ممدود على فوتاي و مغمض عينو ،ظاهر في سابع نومة ...وقفت لحظات تتأمل فيه وهو راقد من بعد غطتو ، وقت جات تجبد في المخدة من تحت راسو باش تعوضها بالاخرى ، حل عينو ،فجعها لين شهقت وطاحت بحذاه ،ضحك وهو يرجع يقعد " عرفت روحي مانهونش عليك "
عقدت حواجبها " صار كنت تمثل وماكش راقد "
غزلها وهو يحرك في حواجبو " ايه ...وانا انجم نرقد من غيرك ..." جبدها عندو وهي تتملص ،قعدها على ركايبو ،مد يدو لشعرها وشمو " ها الريحة البنية معادش منجم نرقد بعيد عليها ...عزيزتي ...مافماش علاش تحط ريما في بالك ...انا حاجتي بيد انت ونحبك انت والبيقة طز "
هبطت راسها وهي اتمتم " انا ساكتة وماجبدتش حتى مرة موضوع ريما هذا " هزت عينيها فيه " شنوة حكايتها وعلاه موش مسيبتك ...انت ماكنتش معاها "
"انا بعمري ماكنت مع اي مرا ..انت اول وحدة تدخل حياتي ..واخر وحدة ...ريما حبتني من طرفها هي اكاهاو ..وانا نتعامل معاها جيست خاطرها قريبة من العايلة وبوها شريك بابا ...يعني على خاطر عايلتي متحملها ...فهمت "
دزتو ووقفت " اممم ...ماكش باش تاكلني بالكلام هذا "
كان يعرف انها لانت ومعادش متغششة ،هاكي علاه خلط عليها وخذاها بين يديه ، صاحت وقت حملها "فاش تعمل ...هبطني "
"راجع لفرشي عزيزتي ومخدتي "
❇✴❇✴❇✴❇
صباح جديد ونهار جديد بالنسبة لريما ...وقيت باش تلعب بخباثة و تخدم مخها ، لازمها تفرق بيناتهم وترجعو ملك ليها هي وحدها ، حطت ماصو قدام السرفور وهي تتبسم بخباثة " هذا مصروفك ...وتنجم تاخو اكثر من هكا...وهذا الكل اذا تبعت كلامي و عملت ايلي نقلك عليه "
بلع ريقو وهو يخزر للماصو " انت ...اطلب ...وانا انفذ "
حطت ساق على ساق خلت المعري اكثر من المغطي، خلاتو يزيد يبلع ريقو " اركان ....تعرفو ماهو اركان "
"الفرنسااااوي ..."
"بون موش فرنساوي اما هاك عرفتو شكون ...نحبك اتبعو كيف خيالو ...وين هو ...وين يمشي وين يجي مع شكون ....رد بالك تغفل على اي ديتاي صغير "
"حاضر مدام "
حستو متردد وصعبت عليه يتكلم " شبيك !...شنوة ايلي مقلقك "
"،مدام ...وخدمتي في لوتيل ...كيفاش ؟...اذا نغيب من غير مبرر ...يطردوني "
ضحكت " يطردوك ...وشكون ...ناسي ايلي انا بنت مولى لوتيل ...."
تبسم وارتاح "مالا كون مهنية ...كل حاجة يعملها اركان توصلك اول باول "
وقفت وقربت منو " نعرف ...وانت من توا يدي ليمين ...وعينيا ...وكيف ماتفاهمنا ...كل ماتكون خدمة باهية انا ندللك "
تعدت من جنبو و هي تضحك ، تنفس بالقوي وحط يدو على صدرو ...شنوة ها الجنة ايلي جاتو ليديه ...جرى للماصو وطول حطو في جيبو ...مايعرفش قداش اما حسب ايلي تحسسو ...سوم باهي بارشا .
❇✴✴❇✴❇✴❇
معادش فمة شي ياقف في حياتها وخدمتها هي من اولوياتها ، كانت كل يوم تظهر خير من اليوم ايلي قبلو ...ديما مزيانة ...مضخمة ...تحفونة ....تعجب القلب والعين ...بعد ماكملت العرض ورجعت لداخل تنحي في مكياجها وتركح في اومورها ،جاتها صفاء " توتو ....صفا "
تبسمتلها " اهلا صفصف ...صفا...اما بارشا تعب "
كملت تنحي فيلي قعد على وجها من فون" شنوة قولك نعملو خرجة ...اه ...بعد ها التعب ...خلينا نحللو فلوسنا ...وانت راك واعدتني بخرجة ...تتفكر ماهو "
ضحكت " اخ ياصفاء...ماتنساش ...خاصة اومور الخرجة ...باهي يا للا نخرجو مالا لا ....اما وقتاش ولوين "
"هوكا بيناتنا تاليفون ...اما العشية راهو الخروج ...يزينا امان من التعب "
"باهي برمج وقلي ..."
"مشات معاك "
رجعت تكمل فيلي كانت فيه ، هي قررت تعيش حياتها على كيفها... ولازم تعيش كيف مايقلها بالها اكاهاو وطز ....اما قبل كل شي لازم تقول لاحمد ...ماتعملش منو واحد غافل "الو ...حمودة "
"روح حمودة "
تبسمت للكلمة ...تموت عليه وتعشقو اكثر كيف تسمعها من فمو " البنات تفاهمو باش يخرجو...عاد قلت انا نخرج معاهم نبدل الجو ...وحبيت نحطلك في بالك ...هوكا كان وخرت من بعد ماتتقلقش"
ضحك " تشاور فيا معناها "
"تنجم تقول "
"ايه وكيفاش انا توا نعمل فيها سبع البورمبة ونقلك لا "
"جرب الا ما نوريك "
"شنوة توريني بالضبط "
"أحمممممد "
"باهي ...سايس روحك... انا العشية عندي رينيون ...وطويلة تفدد ...هوكا تفرهد في بلاصتي "
"باهي من غير ماتوصي "
علق وهو مازال يضحك ، بارشا موجات ايجابية تعطيهالو وكاينو الدنيا تقوم كان عليها هي ، دخل ناظم خلاه يكشبر بالوقت ، رجع لاوراقو " تفضل ...ان شاء الله خير "
قعد خوه وباين عليه القلق اما ماقال حتى كلمة ،عقد احمد حواجبو " شبيك...صارت حاجة في الخدمة "
نفخ " تي اما خدمة "
سكر الدوسي وتلهى بيه " مالا شبي حالتك هكا "
"نورس ...عندها نهارين مسكرة التاليفون عليا ...و مبلوكيتني ع الفايس والانستا ...ماصار شي بيناتنا يستاهل هذا الكل "
"امممم....ظاهرة الحكاية ....ريما خلتها تعمل هكا ..."
"نعرف ...اما نورس فاش جات ...وانا فاش جيت ..."
"شوف ولد امي ...نعرف انو انت تحب ها الطفلة بارشا ...اما ...مانيش متأكد اذا هي تحبك والا لا ...ايلي نحب نقولو ...قبل ما ترمي روحك على خاطرها وتحبها بجوارحك الكل ...شوف قلبها شنية معاك ...تأكد اذا انت ايلي فيه والا مجرد حد عابر ...ومن بعد قرر ...اذا تتأسف هكا عليها والا تفرح لانو جات منها "
"ياخا علاش تكرها الطفلة ..."
"مانيش نكرها ...اما ...مانحبش نراك محطم على جالها وهي موش مضحية بشي ...بصراحة ...اتبع في اختها بارشا ...لو جات تحبك ...تتحدى الناس الكل على خاطرك ..."
تبسم " يعيشو ...طبيب الحب ..هاك تعبر يا باشا ..والله نشهدلها تولين ..ضريبتين جابتك تعرف تعبر وتعمل مقدمة وخاتمة "
ضحك احمد " ايا قوم اخدم ...ناز مةش باش تحبس على للا نورس "
وقف و بدات ترجع فيه روح التفذليك " نمشي نمركي نهاري ...خير ما نتبع الفساد ...هوني "
"هكا !؟ "
ضحك وهو يجبد الباب وراه ،اتكى احمد على الكرسي ، ايلي قالو لكل لخوه نابع من قلبو وكيف كان يحكي معاه ...كان ماخو حكايتو مع تولين مثال .
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Historia Corta★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
