☔الحلقة 23 : القســـ3ـم ☔
💚✳💚
قعد يخزر واكاهاو...حتى بعد مادخلو وسكرو الباب وراهم...بقات عينيه معلقة بالدار...ومخو معلق بفكرة سيلين بنتو ...كل التحاليل ايلي حللها بمخو ...وفات بحقيقة وحدة...كل الحسابات وصلو لحاجة برك...كل شي تقريبا اكدلو انها ثمرة الغلطات ايلي صارو بينها وبينو في غفلة وباسم الحب...هو ايلي حابس على بلاصتو ...اما الوقت تعدى والدنيا ظلامت ...وباقي عينو مابعدتش ع الباب...شاف خيالها وسمع صوتها لاكثر من مرة ...اما عجز يقدم ناحيتها...تقولش عليه فمة سلاسل مكبلة ساقيه ويديه ...كل حد في الحومة طفى ضوو ...ومشاو رقدو...حتى دار نزهة ...ضوها طفى وسكت حسها...اما الجوجمة ايلي في عقلو ما سككتتش ...باقي يرحي دخلاني ومخو يخدم في النواحي الكل...لو فرضنا انها بنتو ...لو تولين كذبت وخبت عليه ها السنين خقيقة انو بو ...كيفاش يتصرف معاها ؟! ...بالاخير هذا امل جديد لحكايتهم ...طريق ماكانش على بالو جملة ...حاجة ممكن تسهلو ياااسر مسامحتها...هبط راسو وتزحلقت لوطة من الكرسي باش الكرهبة ايلي تعدت من بحذاه ما تعرفهوش...عقد حواجبو وركز بكل حواسو معاها ...شافها تاقف ويهبط منها عمو...عمو ايلي حكايتو حكاية...وموش فاضيلو باش يبتبت ويفهم قصتو ...من الاول يلقى حل لقصتو وبعد تو يتلهى بيه...تبعو حركة حركة ...وفهم ايلي اركان سكران خيط...تبسم ...فرحان ...ع الاقل هو خير منو في ها الناحية...ساعات احنا البشر نتشمتو لا اراديا وقت اختيارات غيرنا تطلع غالطة ...نفرحو لخسارتو...نتشمتو بيه كي يوحل و تصعب عليه الدنيا بعد فراقنا ...خاصة كي يكون ها الشخص...حد خير يبيعنا بارخص الاسوام ويشري غيرنا ...ومااحلاها وقت نكونو خير من ها الغير ...
شافها كي حلت الباب ومانجمش يسمع اش صار بينها وبين عمو من حديث اما فهم انها خلتو يدخل لدارها...بلل شفايفو بقلة صبر ...حتى هي تعرف عبد الجليل ؟! ...حك شعرو بتنرفيز ...شنوة ها الخبيلة ...الحكايات الكل داخلة بعضها وموش منجم يفهم شي ...
حتى بعد مارجع الجو هدى وعاود ضو الدار طفى وكل حد رجع لنومتو....هو قعد ساهر...مستحيل عينو تغفى ...قبل مايطلع ضو النهار الجديد لازم يكون خذى قرارو في مايخص تولين والطفلة الشقراء ايلي معاها.
💚✳✳💚
حك شعرو وهو ينفض في البطانية عليه ...الشباك محلول على كبرو والشمس داخلة منو وساطعة فيه بالسيف عليه يقوم ...حرك كرومتو يمين ويسار ...على اول ماخزر قدامو ..ترعب... شاف نزهة واقفة و المصلحة في يدها ...ايلي يراها يقول باش تمهدو بيها "باسم الله ..." وقف من بلاصتو "صباح الخيييير نسيبتي العزيزة..شنوة عرقت عليك شحرورة "
هزتو وحطتو بشطر عين " سي اركان. ......المرة الجاية وقت تخمم تشرب ما ذابيك ما تروحش لداري ....انا بعمري مادخلت حد سكران لهوني ..."ضمت شفايفها لبعضهم بتشنفيخ "واااضح كلاااامي "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
القصة القصيرة★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
