هذا الرجل.... أبيك💜💙💚
🎆الحلقة الثالثة : القسم 3 🎆
****""**
مازالت كي روحت من المدرسة ،جوجمة الصغار وحسهم تعبو اعصابها ع الاخير ، لازمها دوش باهي هكا يرتحها ويهديها بقية العشية ، سمعت الباب ينوقز ...زعمة شكون ؟! مستحيل تكون تولين لانو في ها الوقت تكون في الشركة اتبع في حلمتها ....زعمة واحد من اولاد الحومة يلعبو وينوقز ع البيبان!؟...لكن الباب قعد ينوقز بارشا مرات هاكي علاه لازم تشوف شكون ...وقت شافت ايلي واقف قدامها شهقت ورعش بدنها الكل ....نحات جناة ليناتها ودخلت حتى قبل ما تعرض عليها نزهة ...دارت بعينيها في الصالة تقول موش عاجبها الوضع ولا الحالة "جنااااة ....فاش تعمل هوني وكيفاش عرفت عنوان داري !؟"
تبسمت بخباثة وهي تقعد وتاخو راحتها " من بطاقة الارشادات ايلي حطتها تولين في الشركة "
بلش شفايفها الشايحين باطرف لسانها "شنوة تحب... علاه جايتني لهوني "
"نزهة عزيزتي ....افرح بيا ...كويس تاي ع الاقل ....قهيوة ....كعيبتين حلو..."
بقلة صبر "جناااااة "
تلمست شعرها لعل يكون موش منظم "انت تعرف انا علاش هوني "
"لا مانعرفش ...نورني "
"تولين...انا هوني على جال تولين "
دق قلبها بخوف " شبيها ...."
هزت حاجب بحاجب " ابون ماتعرفش" تنهدت "ميسالش نقلك...بما انا وحدنا وراس راس ...نحكاو عروبي "
جبدت باكو دخان وخذات منو سيڨارو وشعلتو ،نفخت دخانو في الهواء" اقعد...نحكاو "
نفخت وهي تقعد مقابلتها " لخص حديثك يعيشك "
"بعد ها السنين ...رجعت و جبتها معاك....وحطيتها بين الناس ايلي انا نخدم عندهم ....شنوة تحب تقول ...فاش قاعدة تعمل بالضبط "
غمضت عينها وهي تنزل على سنونها بغل " مانيش انا ايلي حطيتها بينهم....هي مغرومة بارشا بعرض الازياء...والصدفة رماتها في الشركة هاكي ...انا بيدي مانيش راضية ...اما ماانجمش نمنعها ...."
"موش لازم تمنعها ....هي باش توصل للشي ايلي امها ماوصلتهوش ...."
"انا بعمري لا كنت نحب نوصل لهاك البلايص وانت تعرف "
نفخت هواء الدخان " انا قلت امها ...." مالت ناحيتها " امها ابلي ولدتها ....عزيزتي نزهة ....مانحبش نفكرك ....اما ...تولين بنتي انا ....ماهيش بنتك "
وقفت تقول ضربها الضو " ماهيش بنتك....تولين بنتي انا ...من روحي انا ....انت باش امها ؟!...قلي باما خق تقول امها ....انت مارضيتش تخزر لوجها حتى ....نسيت ؟! اه ؟ قلي نسيت ؟! ميسالش ....نفكرك ....انت تخليت عليها ...رميتها لحمة حمراء...باش تعيش حياتك....على جال المال والجاه ....رميت كبدتك....نسيت اش قلت ؟....اءا انت نسيت انا كل شي محفور في بالي ،قتلي هزها...نحبش نرى وجها ....ادفنها ....حبيتها تموت وتتدفن ....ماحبيتهاش ....ماقبلتهاش ...طيشتها على طول يدك....جاية توا وتقلي امها ...انت عار على الامومة ...تولين ماهيش بنت حزامي ...اما قطعة من روحي ...ماعندكش بنية عندي ...كمل عيش حياتك....وابعد عليها ....ها السر المدفون رد بالك تخرجو....هي ماتعرف شي ...تخليهاش تعيش وجيعة كيف هكا ..."
مطت شفايفها وهي تطفيه السيڨارو "شبيك شعلت بكلك ....راهو ...ايلي قلتو الكل ما يبدلش الحقيقة ...تولين بنتي انا ...تطلع تهبط....بنتي انا ....وتشبه ليا انا ....حتى في حلمتها ....قلي ...انت شنوة خذات منك ؟!....حتى شي ...انا ريت في عينها حلمة كبيرة ...شفت قداش مستعدة تحارب على جال عيشة الاكابر ...نجمت نرى فيها جناة صغيرة....وانا هذا اش حاجتي "
"رد بالك تجي على حالها ....هاو انبه عليك....ماتحكيلها شي ....والا انا نفضحك "
ضحكت "فازي ...افضح....اما اش باش تقول ..."
بلعت ريقها "جناة ....ماتعملش هكا " ظهرت تستعطف فيها اكثر من انو تهدد فيها ،قامت جناة وهزت صاكها وحضرت ليناتها " انا جيت باش نقلك....ماتاقفش في طريق بنتي ...وخلي الوقت يجمعنا ....ماتبعدهاش عليا ....انت ماتنجمش تبعد ام على بنتها ...مهما عملت "
خلاتها واقفة مصدومة ومشات ناحية الباب تقول الدار دارها ،حلتو وقبل ماتخرج خزرتلها بشطر عين " ولد العايلة ايلي نخدم عندهم....هو ايلي اختار تولين ....والا ماكنتش تربح ....كنز كيف احمد مايتفلتش ....انا باش نعمل المستحيل باش نخليه يحبها "
جراتلها بلهفة " ماتعملش هكا ...تولين مازالت صغيرة ...ماهيش متاع ها الحكايات ...خلي الطفلة تعيش وقتها وحياتها ...."
لكن جناة خرجت تقول ماسمعتهاش ،مشات براس مرفوع للسماء ،جاها صوت نزهة وراها "جناااة ....جناااااااة ....رد بالك تفسدلها حياتها ....والله لا نرحمك ....تسمع فيا ...والله لا نرحمك "
تمتمت بينها وبين روحها وهي تحاول تسند بدنها بالباب " تولين بنتي انا ....ماهيش بنتك...بنتي ...."
💚💙💜
وقف بثقة وبان ستيلو المزيان وهو حاط يديه في جيوب سروالو ، صفن شوميزتو البيضاء لحد الذراع بانت معاه منڨالتو مايكل كورس ، و تسنترت على اكتافو الفرملة النوار ، تبعها بعين غامضة وهي تدور بروب قصيرة كشفت ساقيها الرقيقة ...مشات خطوات وهي تحرك في كرومتها البيضاء ...حطت يدها على وسطها بحركة فيها بارشا انوثة وكملت تبسيمتها المشهد ....بلع ريقو وهو يحس بڨراجمو بدات تشيح ...مايعرفش علاش جاء لفم ...في العادة مايتدخلش ...لكن ربما حب يشوف المرا ايلي حط فيها ثيقتو وراهن عليها شنوة عملت ....هزت عينها شافتو من بعيد ...شاورتلو بيدها باش يراها على اساس ماهوش يخزرلها ،تبسملها ردا عليها ...شافها تحكي كلمتين مع ايلي شعرها قصير ومن بعد تاخو طريقها ليه ...مع كل خطوة تمشيها ناحيتو ..يحس بفوارة تمكن بدنو "شنوة ؟! ...جيت باش تتفرج فينا "
"كنت متعدي ...قلت نعمل طلة "
ضحكت خلاتو يعقد حواحبو موش فاهم سر الضحكة هاكي "شفمة !؟ "
"شي....اما ....كيف نتفكر حالتي معاك اول مرة . .نشيخ ضحك "
ضحك بدورو، بدا يقلد عليها " يا سي الباشا ...موش كان تلهيت بولدك خير "
حمارو خدودها من الحشمة "لازمك تنسى ...."
"بصراحة موش منجم ننسى ...الله غالب "
"توا احنا محسوب ولينا نتفاهمو . ....اما انا ولدك مستحيل ....ماانجمش ننسى بلادتو وهو يضرب فيا بالكورة "
"ولدي !؟ "
"ايه ولدك "
اطرشق بالضحك ...لين الموجودين الكل تلفتولو ، شاورلهم بيدو بمعنى ديزولاي ...نقص شوي في صوتو " اما انا ماعنديش صغار "
وساعت عينها موش مصدقة...هذا باش ينكر في ولدو والا شنوة حكايتو ،شافتو يهز يديه الزوز ويوريلها صوابعها "مافماش خاتم....يعني ...انا مازلت عازب "
زمت شفايفها " فمة بارشا رجال معرسين ما يحطوش خاتم ...باش يبزنسو البنات "
"يبزنسو!؟" قالها بتقزز،هز حاجبو "انا مانيش متاع الريق هاكي "
حمارو خدودها لين قريب يتطرشقو...ها البوڨوص هذا ...سيليباتار ...لا مرا. ..لا صغااار ...وااااااععع....ضرب قلبها بقوة لين خافت يسمعو " اما انت ظهرت ماتحبش الصغار "
عوجت فمها " بصراحة لا "
ضحك "وعلاه موش يقولو ملايكة "
"اواه ملايكة....تي بالله شواطن وشوية فيهم...الطفل هاكي مثلا ...ابلد منو ماريتش ...يدور ع العباد الغافلين ويضربهم بالكورة ويهرب ....ايه ...وانت منين تعرفو "
"مانعرفوش ....تسطع فيا وقلي يا عمي هاك المرا فكتلي كورتي "
"وانت وليت حمية ليه "
"بصراحة انا ....مانجمش نكسر خاطر وليد صغير ...انا نحبهم موش كيفك "
تبسمت وقعدت تخزر لعينيه ...يخليهملو مااحلاهم وملا لون عليهم ...بين الاخضر والازرق ...ماتعرفش شنوة بالضبط
"مدموازال تولين....المودال الرابع باش نبداو فيه " فكرها واحد من الايكيب
اسكت يا هم موش وقتك...تبسم برقة " فازي ...كمل خدمتك عطلتك "
قلعت ساقيها تقليع ودارت راجعة ...اووه....قلبي باش يطير من بلاصتو.... اخ احمد ...شنوة ايلي قاعد تعملو فيا .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
