🎭الحلقة الواحدة والعشرون : القسـ3ــم 🎭
✳✳🐋✳✳
خزرو لبعضهم بصدمة وبعجز ...من الاكيد انها جايتهم لفم ...واذا دخلت باش تشوف الدم هذاكا الكل ...وهي صغيرة ومريضة ...جرى للباب وسكرو .. جاء بالضبط في وجه سيلين ايلي هبتلت شفتها اللوطانية و عاودت نادت "ماااااااا"
جاوبها من وراء الباب " ماهيش هوني ...امشي لبيتك تو تجيك "
ضربت الباب بكفها الصغير ونغنغت "وينهي مااا "
كز سنونو والغش وصل بيه لدرجات كبار " قتلك ماهيش هوني "
فهمت من نبرة اركان انو مغشش هاكي علاه خطفت الدورة ورجعت تجري للبيت ايلي ترقد فيها مع امها واستنتها بخوف مكتوم ،خزرتلو تولين بعين مليانة كلام اما لسانها مانجمش يقو ولا كلمة ،خذى من يدها المنشفة بنطرة "برا لبنتك"
رمشت شوافرها "وانت كيفاش باش ...."
ماخلاهاش تكمل تحكي " قتلك برا لبنتك..."هزها وحطها " بدل دبشك قبل لا تراك في ها الحالة "
بقات تخزرلو لحظات وهو ماهبطش عينو من عليها ... من تعدتو و خرجت من بحذاه ....هذا بسيكوبات اكثر منها ...ماتنجمش تتوقع تصرفاتو ...ولا تقرى اش ينجم يعمل ...صوت بكاء بنتها خلاها تجري لبيتها واول ماطلت جراتلها سيلين وحملتها ،دفنت وجها بين ركايب امها وكبشت فيها بيديها الصغار ،قعدت على ركايبها و عنقتها قوة "اششش...مافمة شي ...بنوتي المزيانة ماتبكيش ..."
طبطبت عليها شوية لين هدات عندها وسكتت، بعدها شوية عليها باش تنجم تشوف وجها ، مسحتلها خدودها من اثار الدموع ايلي بقات "شبيه ماما ...شنوة فيقك من النوم "
جاوبت بكل براءة "باااا يصيح ...وانت تصيح ...خفت "
خلقت تبسيمة فوق من قلبها " صار قمت خاطر انا وبا نصيحو ..."ضحكت وقرصتلها خدها"موش نصيحو ...نتحدثو بصوت عالي ..."
قعدت تبحلق فيها موش مصدقة الحكاية متاع امها ،تولين فاهمتها وعارفة ايلي بنتها ذكية وموش بالساهل تتعدى عليها الحكاية هاكي علاه حاولت تبدل الحديث " هيا اننو ...غدوة رانا ماشين لامي نزهة ....تتفكرها "
"متاع الڨاطو "
باستها من خدها "اييييه ...باش نمشولها ...نركبو في الطيارة .." حملتها وهزتها لفوق " اوووووف ...باش نطيرو في السماء"
لمعت عينيها بفرحة " بالحق "
"ايييييه ....اما لازم نرقدو قبل ...."
عنقتها من جديد ودخلت بيها للفرش ، حطتها بجنبها ولزتهت ليها ...غطتها وتغطت معاها ...باست راسها وغمضت عينها تكفكف في دموعها ...موش وقت ضعفها ولا وقت بكاها " هياااا ....شنوة تحب نحكي لبنوتي "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Короткий рассказ★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
