💐الحلقة 32 "القسم 3 "💐
❤✴❤
مال الطبيب عليه وهو يشوفلو في عينيه ،تفقد حدقاتهم و كيف شافهم طبيعين حب يجرب معاه تاست بسيط للذاكرة " تتفكر اسمك ؟! "
حرك راسو بمعنى ايه وجاوب بصوت مسموع فيه شوية بحة"أركان..."
"عمرك "
"33 عام "
تبسم الطبيب راضي وهو يكمل يكتب في آخر ملاحظاتو دقيقة من زمان وكمل ايلي بين يديه و رجع يحكي معاه " تعرف انك مزهار ماهو ؟!"
تبسم اركان دوبلاش وخير يغمض عينو ايلي مازالو رزان شوية" خاطر ...مازلت مكبش بيدي...." سكت شوية قبل يكمل جملتو ايلي حسها طويلة شوية وصعيبة عليه " ... و ساقي في...ها الدنيا "
مط الطبيب شفايفو بتفكير قصير "ايه انجمو نحسبوها هاذي زادا ...لكن...ايلي قصدتو انا ...انت ..مزهار خاطر عندك عايلة صغيرة تحبك وتخاف عليك ...طول الايامات وانت في غيبوبة مافارقوكش..."
حرك ظهرو دوبلاش وكان في مخو يحرك ساقو لكن لقاها حابسة ماتستجيبش لمخو ،بلع ريقو بخوف "دكتووور !؟"
تفاجأ من نبرتو ايلي ترعش "نعم !! "
حاول مرة اخرى يحركها وشي ...ضرب كفو على فخذو "شبيها ...ساقي ...مانيش حاس بيها..." حس انو جهدو وفى وتعب ...لكن يحب يكمل يحكي " حاب نحركها وماقدرتش ...وشنية ايلي في ظهري ..نحيها مقلقتني بارشا "
هوني تدخلت الطبيبة النفسية ايلي كانت واقفة على جنب تستنى وقتاش يجي دورها " سي اركان فمة مخلفات جانبية للحادث متاعك ..وهي مخلفات مؤقتة ماهيش دايمة ..يعني مسألة وقت ويرجع كل شي لبلاصتو وهاذي ... "
قص عليها وهو يصيح بالقدر ايلي سمحلو صوتو المبحوح والضعيف "اخطاني من ها الهدرة ...شبيها ساااقي ...ساقيا اازوز حجرة مايتحركوش ..." رمشت جفونو و رعشت شفايفو وهو ينطق في الفرضية ايلي خمم فيها "مشلول!؟؟؟ ...وليت مشلول موش هكا؟!!! "
زربت الطبيبة فسرتلو "مؤقتا حتى لين تبرى فقرة ظهرك "
طبيبو بدورو حب يزيد يطمنو "سي اركان مافماش علاش..."
صاح وهو يغطي وجهو بمرفقو "اخرجو ...اخرجو عليا ..."تمتم بنبرة مكسورة " خلوني وحدي ...." وقت ماحسش بحركتهم ونيتهم في الخروج صاااح " اخرجوووو "
جراتلو وحدة من الفرامل وبتعليمات من الطبيب ،خذات ذراعو باش تزرقلو مهدئ لكن هو نطر يدو منها برفض كبير " ماحاجتيش بحتى دواء ...سيبوني واخرجو..."حس بتعب كبير الشي ايلي خلاه ينقص من الصياح ويقعد يتمتم " اخرجوو...اخرجوو "
قدام اصرارو مانجمو يعمل شي ، حاولو يأجلو الحكاية دقايق اخرى لين يهدى شوية ويخلولو مساحة مع روحو يخمم فيها ويستوعب ايلي صارلو... بعدها تو يرجعولو ...اول ماتسكر الباب عليه ..حاول يحرك صوابع ساقيه... ،يقوم ويطوي ساقو ويثني ركبتو ...مانجمش ...حاول لمرات ...وباقي عاجز انو يحس بيهم ...سيب بدنو وخلاه يطيح لتالي ع الفرش بقوة ...كل خيانات العالم توجع وتخلي فراغ اما العبد يكمل حياااتو عادي...لكن الانسان كي تخونو صحتو ...يموت ...موش كخلايا وكبدن ...انما كروح ...وهو روحو من هاك اللحظة خرجت منو ...
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
