💐الحلقة 33 "القسم 3"💐
✴❤✴
💙فلاش باك 🔽نهاية الثمانينات 🔽
يفرك في صوابعو بعصب ويدادي من تركينة لتركينة ، عينيه الزرقاء الفاتحة كل مرة تتفقد هاك ايلي راقدة و يدها مضمدة ،قعد على هاك الحال حتى لين بدات تفيق وتململت في سريرها ، زرب ناحيتها ومال عليها " جناااة ...تسمع فيا "
من الاول حست بجفونها رزينة وبعدها شوية شوية بداو يخفو وبدات ترجع لوعيها "عبد....الجليل !!! شتعمل هوني ..."دورت عينها في الفروشات ايلي بجنبها " وين هذا ؟! "
قعد على الكرسي ايلي جنبها " وين عقلك وقت عملت في روحك هذا ؟!..ماخممتش في امك ولا بوك ...ماخممتش في ربي نهار اخر ؟! "
قعدت ساكتة لحظات بعد تكلمت " علاش ماخليتنيش نموت ...لا عندي لا ام ولا بو ...ماعنديش حد يسأل عليا ...والنار ايلي تستنى فيا في الاخر ماهيش اقل من النار ايلي تحرق فيت توا "
ضغط بقوة على أجناب السرير الحديد " هذا باش قنعت روحك ؟!...هذا ما عطاك عقلك ؟!."
كانت نبرتو مليانة لوم ومعاها مانجمتش تناقشو ، في لحظة من يأسها جرحت يدها وخلت دمها ينز لين ضبابت الدنيا قدامها وقتها تأكدت انها باش تموت وباش تفارق الدنيا وترتاح من كل شي ...لكن وقت حلت عينها لقات روحها في سبيطار في عوض تلقى روحها في الدنيا الاخرى ...حست بصوابعو تضغط صوابعها ومع لمستو جرى الدم في عروقها" جنااااة ...تعرف اذا جراتلك حاجة شنوة كان ينجم يصير فيا ؟! "
بلعت ريقها "بلي حكيتلك ماكش باش تفهمني وباش نقعد في عينك وحدة بلا عقل حبت تقتل روحها "
هبط راسو " حبيت تقتل روحك ...ونقعد انا بذنبك بقية حياتي "
تنهدت " ايامات وتنسى "
نفخ هواء ثقيل قبل ما يخزرلها " جناة ...اذا طلبت منك تخليني نحبك ...تخرج محبة نزهة من قلبي وتحط روحك في بلاصتها ...شنوة يكون ردك "
توترت رموشها وماعرفتش شنوة تجاوبو ...يمكن مافهمتهوش ويمكن حكى وموش في عقلو " شنوة ...تحب ...تقول بكلامك هذا ؟!"
رعشت شفايفو وهو ينطق " انت ...ماعندك حتى ذنب في حكاياتي ...حبيتني بجوارحك وكنت واقفة بجنبي تواسيني و تصبرني وانا كنت نشوف كان في نزهة ...وقت لقيتك مطيشة وغارقة في دمك ...حسيت انو انا ...ايلي سيحتو وانا ايلي عملت فيك هذاكا الكل ...ممكن مانجمتش نجبر قلبي ...لكن ع الاقل نجبر قلبك انت ...نعطي فرصة لروحي وليك باش نحبو بعضنا "
وساعت عينها بصدمة " عبد الجليل ...واعي فاش تحكي!!"
ربت على كفها " واعي ...ونعرف اش قاعد نقول. ..اذا تحب ...نكتبو الصداق توا ...وبعد نعملو عرس كبير ...كيف ماتحبو انت ...تعرف ايلي عندي خدمة لبرا لازمني نمشي نشوفها ...وكيف نرجع ...الناس الكل تعرف بصداقنا "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
