هذا الرجل.... ابوك💙💚
🎆⭐الحلقة الثانية عشر : القسم 2 ⭐🎆
💚💙
وهو ينشف في شعرو بعد ما عمل غطسة في البيسين كيف ما اشتهى وحب ،هز راسو شاف ريما جاية ناحيتو ...طبيعي يتفكرها ،قربت منو وهي تضحك " صدفة هايلة هاذي "
زم شفايفو " امممم ...صدفة ..حلوة "
"علاش ماقلتش بايلي انت في لوتيل هذا ...كنت نخليهم يفرحو بيك "
كمل تنشيف شعرو وحط المنشفة على اكتافو " والفرحة هاذي كيفاش ....وريقة صغيرة فيها اسمك واسم ناز .."
قربت اكثر " لا ....اما لوتيل هذا ...متاع بااا "
الحق بهت ...لكن وقت تفكر كلامها وهي تقلو ماتستحقش فلوس ...نجم يرجع لشاهد العقل متاعو " امممم هاكي علاه مالا .....انت هوني "
"بالضبط ....اه ...قلي وين وصلت مع حبيبة القلب ..." غمزتو " الاومور صفا "
"شكون ...حبيبة القلب ...ايلي تحكي عليها "
"وه ...تولين ...ياخا موش عندك نومروها والادراس متاعها ...ماتقليش ما حكيتش معاها "
"بان وي ...."
"وعلاه...."
"لانو ماهزتش كي طلبتها وموش موجودة في الدار وقت مشيتلها "
"وانت ...طلبتها مرة وحدة ؟!...وتحبها تهز ..." اطرشقت بالضحك " ملا انت يا اركان ...ياخا تستخايل مرا كيف اولين باش تجيك تجري على اول ما تشاورلها ....لازمك تسعى "
ضيق عينو " ريما ...موش هكا اسمك ...شنوة مصلحتك من هذا الكل... علاش عاملة ايفور كبير باش تقربني منها "
ذكي وفهم اللعبة " ماني قتلك....وقت يجي الوقت المناسب تو نقلك ....المهم انت جاوبني ...مازلت عينك فيها والا ...الايامات الجاية باش ترجع من الكونجي متاعها ....كلمني واعطيني نومروك ع الاقل باش كي تجي نوصلك الخبر "
جات وفاء وهي تركح في مظلتها " اركاااااان "
عقدت ريما حواجبها وهي تخزرلو ،وهو بدورو قعد يثبت فيها وعينيه تقرا في وجها ...ظاهر فيك خبيثة....اما بزهرك جيت معايا "
حطت وفاء يدها على كتفو مستغربة من وجود ريما ...تتفكر روحها راتها وموش غريبة عليها ...لكن وين وشكون هي ماتعرفش ، وقت شافها معادش فاهمة شي ومركزة في اختو ...وشاكة في العلاقة ايلي تجمعو بيها وهكاكا ايلي خططتلو يمشي مع الريح ،حاول يوضحلها " اختي ....الصغيرة ...وفاء"
ارتاحت عاد وتنفست مليح " نتشرفو...سامحني شردت فيها شوية ...عينيها الزرق فكروني في حد نعرفو "
هز حواجبو " ابون ....شكون "
"حكاية طويلة ...اه....تنساش تكلمني باش نحفظ نومروك ...و ....تو نوصي عليكم ...تكون عندكم معاملة خاصة وضيوفي "
*******
نوقز ع الباب و خزر ليلي في يدو ، ان شاء الله يكون ما نسى شي ،فيسع ماتحل الباب خلاه يبهت فيها " ياخا ...فيسع ما تحل الباب !؟ بالكي حد ناوي يخطفك ...والا حد من ايلي تخاف يعرفو حكاياتها "
اتكت ع الباب "مااتعبش روحك...ريتك كي هبطت من الكرهبة و عرفت انك انت ايلي تنوقز "
فاق ع الوضع ايلي قدامو ،خزر للدبش ايلي لابستو ،صفر وهو شاد روحو ع الضحك " ياسر اناقة "
مطت شفايفها " ..شعندي نعمل انت طويل بارشا ، حاولت نلقى اقصر حاجة في دبشك وهذا اش لقيت "
ضحك وهو يخزر للشىط النوار متاعو ايلي لابستو وجاي تحت ركبتها " بون عندي مااقصر من هكا "
"باهي ادخل ويزي بلا ضمار "
دخل وهو يمدلها في الدبش" هوكا كان نسيت حاجة تنجم انت غدوة تشريها "
"يعطيك الصحة "
شمشم بخشمو " كيلي ريحة حاجة قاعدة تطيب "
"ديجا طايبة ، نسخن فيها ...امشي اغسل حالتك وايجا نتعشو "
حل فمو " ما تقليش انت طيبت "
م"احم احم ...وي "
"ومن وقتاش انت تعرف تطيب "
"تفكرت شنوة تحط ....أمـ....." بلعت ريقها و توترت وقت شلقت على روحها تجبد في نزهة ، ماحبش يخليها اكاكا فبدل الموضوع "يلا ....مانبطاش ...حضر الطاولة برك "
وهي راجعة للكوجينة وقفها " تووولين "
"شنوة "
"هو....في العادة يعني ...اذا حد مشى للخدمة وخذى بوسة ....لازم كي يروح ياخو بوسة زادا ...انا هكا نعرف "
تبسمت " اممممم بمعنى تحبني نعطيك بوسة "
شاور براسو ايه "باهي ....اقرب "
غمض عينو باش يستحلى بوستها لكن هي عضتو من خدو وهربت تجري ، حط يدو ع البلاصة وهو يسمع في صوت ضحكها " باهههي ...اعمل بعمايلك ...تو نتفاهمو فيها هاذي "
مركز في شوية اوراق وقت دخلت زينب وفي يدها الطبق ،هز عينو وضحك " اوووهووو...مرتي بكلها جايبتلي قهوتي "
قعدت مقابلتو بعد ما حطتلو الفنجان " اه مالا.... باش ماتقولش نسات تدلليني "
اطعم القهوة وهز حاجبو " وزيد ماهيش قهوة جنات ...هاذي من صنع يدياتك....امممم ....عزيزتي "
"ياروح عزيزتك "
غمزها " هات من الاخير ....شعندك تحكيلي "
ضحكت " يا ...حرام عليك راو ....ياخا ما نطيبلك قهوة كان ما نبدا حاجتي بحاجة "
"ع الاغلب "
"خساااارتك "
ترشف رشفة اخرى " هي ...للا زينب نسمع فيك "
لعبت بصوابعها " الحكاية بخصوص ....احمد وريما ...ماذبيا ...نعملولهم خطبة قبل ما يوفى الصيف "
"اه ...احمد !؟...ياخا من وقتاش هو وريما مع بعضهم ،على حد علمي ما يحبهاش و موش عامل من راس مال "
"ايه ...مالا اش يحب ...يجيبلنا وحدة من وراء البلايك ويقول نحب هاذي واحنا ناقفولو ونصفقولو ونقولولو ع الضالين امين "
"موش على اساس ماكش باش تكون الحماة التقليدية ...وباش تخلي اولادك يختارو ايلي يحبو ...وين هذا الكل "
"اسمعني فاضل ...اذا احنا ما ربطناهوش بها الطفلة ...هو باش يجبلنا وحدة ...مايتخيلهاش عقلك "
"زينب ...عندك حاجة تحت لسانك وموش حابة تحكيها !؟ "
زمت شفايفها " ايه....شو ...انت اقنع ولدك واحكي معاه وكان لزم اكبسو ...والا مانعرفش ....و خليه يفيق على روحو ...هذا ايلي انجم نقولهولك "
قامت " نخليك تكمل خدمتك "
قعد ساكت لحظات " وانا نقول القهوة علاش حلوة بارشا ...اي فوالا ...باش تنحيلنا مطعم المرارة ملي سمعناه توا ..."
كزت سنونها وخرجت خلاتو يتنهد ومسلم امرو لربي ...هات توا يكمل ايلي في يدو وبعد يعمل الله مع ولدو .
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Truyện Ngắn★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
