هذا الرجل ابوك 💙💚
🎆الحلقة الثامنة : القسم 3 🎆
*******
وهو خارج بالو مشغول منين باش يشدها ها سندريلا متاعو ،مايعرف كيفاش تسطع في مرا طويلة "باردون "
عقد حواجبو وقت تفكرها شكون " موش انت وحدة من العارضات متاع ناز "
ايوا ...صار يعرف انو انا عارضة ...موش مشكل " وي ...كنت حاضر للكولكسيون الجديدة متاعنا امس!"
في الحقيقة امس وين شرف في تونس" لا اما ريتك في باريس"
ايوا...حاضر زادا للعرض لبرا" انت مصمم والا عارض !؟ "
ضحك " لا هذا ولا ذاك...كنت مجردضيف "
خزرتلو من فوق للوطة ...مضخم ...كلاس ...صغير ...ياذنوبي مجرد ضيف " اه....بصراحة كي ريتك هوني قلت ربما بينك وبين ناز فمة مصلحة "
هاذي فرصة ...اكيد ايلي واقفة قدامو تعرف مليح تولين بحكم كانت معاها في نفس الديفيلاي " بربي ...حبيت نسأل على تولين ...هي عارضة معاك "
شدت اعصابها ع الاخير" ايه ...انت تعرفها !؟ "
"معرفة لا...اما ماذبيا نعرفها "
صار ....فرصة ليها ...اذا قربتو من تولين ...فباش تلقى حد معاها يحارب باش ما تكونش مع احمد ،هوني لازم تستغل الفرصة وتقربو منها باي طريقة " سامحني في السؤال ....اذا موش عارض وموش مصمم ...في شنوة تحب على تولين ...نسأل فيك هكا لانو ...ممنوع ع العارضات متاعنا يحكاو مع اي حد الا باذن من الادارة "
شنوة باش يكذب اذا قالها خدمة باش تظهر سبة ولغة الممنوع باش تصدو " فمة حديث خاص ...ماعندهوش حتى صلة بالخدمة ..."
"ضروري !؟ "
"ضروري بارشا '"
همك الكل تقرب منها ...ميسالش انا هذا ايلي يساعدني ،خزرت لبيرو دوردر البعيد ،فهم قصدها وحب يفسرلها " قالو ممنوع يعطو اي معلومة على عارضاتها ...اما انت زميلتها اكيد تنجم "
عينيها ....خلاتو يفهم انو ها المرا خبيثة بارشا وتفهم عليه بلڨدا ،ضحكت "تحبني انا نعطيك "
غمزها "بالضبط "
"داااكوغ ....باش نعطيك اما ...خليني نشوف بالاول انا ...لانو احنا بارشا ويا دوبك نعرفو بعضنا ...خليك هوني "
"اوكي "
مشات خطوتين وداارتلو" ماكنتش نعاونك اذا ما حسيتش انها عجبتك ..."
ضحك ، ماكانش غالط ....ها الطفلة شي ما يفوتها ، شافها تحكي مع المرا شوية قبل ماتمدلها ورقة صغيرة ، ظاهر انها نجمت تاخو ايلي حاجتو بيه ...من بعيد بانت مرا جميلة و مواتية انها تكون عارضة ، وقفت قدامو مرة اخرى وهي تمدلو الورقة الصغيرة ،وقت جاء باش ياخوها جبدت بيه ، ڨحرلها بغل ...هاذي اول مرا تتصرف معاه هكا ،اذا عاودتها عادي يدفنها فم ، هزت حاجبها " وانا شنوة مصلحتي من هذا الكل "
زم شفايفو ...ايوا....طبيعي تكون عندها مصلحة ،دخل يدو للفاست متاعو وجبد كارني الشيكات "قداش!؟ "
ضحكت " فلوس !؟ انا عارضة اولى ...والكونترا متاعي ملغم بالفلوس وغير هذا ...شوف " شاورت لروحها " موش باين عليا اني بنت عز ودلال...مانستحقش فلوس "
ضيق عينو " مالا ....شنوة تحب "
مدتلو الورقة " تو يجي الوقت وتعرف شنوة نحب المقابل "
قعد يخزرلها من غير ما يمد يدو ، جبدتلو كفو وحطتو فيها " اسمي ريما ...."
قرا العنوان ايلي في ورقة من غير ما يهز عينو " اركان "
"الرقم الاخراني ...نومرويا انا ....قيدتهولك ...باش نستحقو بعضنا من ليوم "
شاورتلو بصوابعها ودارت ماشية ، الدنيا علمتو انو مافماش قطوس يصطاد لربي ...وهي اكيد عاونتو لغاية في نفس يعقوب والا ماكانتش تتساهل معاه هكا ...اما الفايدة توا عرف وين سندريلا ...
*******
ضرب الفولون بصوابعو بقلق ، عندو ساعة يستنى و هي مافماش ،كان باش يطلبها يسألها وينهي ...اما ماعادش اسمها سربريز ، ع الاقل تحل الشباك ...تبان امها ...فد ولازمو يحرق ها المفاجأة ...ظاهر فيها راقدة وهو يستنى فيها فم ...خزر لتروفيزور شاف خيالها ، معقول هي ؟! ،حل الباب وهبط وخزر وراه موش مصدق " تولين "
تمسمرت في بلاصتها كي راتو ، هذا هبل ، زربت روحها وهي تحاول تعفس مليح على ساقها ، خزرت على اجنابها يراهاش حد ، دزتو بييدها باش يدخل للكرهبة " شتعمل هوني !؟ "
" انت اش مخرجك وعلاش بلاش عكاز "
" لاباس عليا هاكي علاه نحيت العكاز ...امشي امان لا يراك حد هوني طول يوصلها لماما "
" ماما !؟ " ضحك " ومازلت تخاف من ماما "
كزت سنونها " احممممد "
" باهي ادخل نحكاو "
كانت متوحشتو ، وفرحت بارش كيف راتو ...اما ...في حومتها وقدام دارها ...فم وين كملت مصيبتها ، دخلو الزوز وسكر بلار الكرهبة " ايه للا ...نرمال تحوس لا على بالك نسيت اش قالك الطبيب ،علاه ها الاستهتار "
نفخت " قتلك لاباس ...امان ماتزيدش تخنقني اكثر ملي نزهة خانقتني ...ديجا سرقت روحي باش خرجت شميت طرف هواء ...نكره الحصرة "
"باهي ...خلينا نمشاو ...منها تبدل الجو ومنها تنحي خنقة الدار "
"عادك بيها جات ماما ...ماانجمش"
ضيق عينو " ابون ..."
عينيه ...اخ من عينيه ...سبب داها " نصيف ساعة "
ضحك " داكوغ "
عمرها الكل متمردة وتعمل ايلي يقلها عليه مخها ...جات في الحب وخافت ...يلا تكمل للاخير .
دور اركان كرهبتو وخذى طريقو في النهج متاع دارها ...ماكانش متوقع انها من حومة شعبية ، ايلي يراها واقفة بهاك الروب يجي لبالو اميرة ما يليق بيها كان التاج والقصر ...تعدت بجنبو كرهبة احمد ومعاه تولين بلا ما تجلب انتباهاو ...وين يعرف ايلي هي ؟! ...كمل يسوق لين وصل قدام دارها ...خزر للورقة ايلي فيها الادراس ...بالضبط....كيف ما مكتوب ، خذى البوكاي ايلي جابو سبسيالمون ليها هي ....فاش يعمل !؟ سأل روحو ها للسؤال ،فاش قام ها الورد !... وعلاش جاي لباب دارها ....يعني ...جاي يتبع فيها لهوني ....ايه ونفرضو حلتلو الباب ،شنوة باش يقول !؟...ريتك عجبتني وجبتلك ورد ....تمتم "ورد !؟ وفي حومة كيف هكا....الاحسن جبتلها قفة خضرة والا سطل دهن للحيوط "
وقف قدام الباب ولوج على الناقوز ،تبسم للفكرة ...هذا يدقوه موش يضربو الناقوز ...ضرب الباب بكف يدو وخزر وراه لقى زوز نساء لابسين جبايب ومشبشبين يخزرولو موش فاهمين ويوتوتو فيما بينهم ،شكون ها الراجل المضخم !؟ زعمة خطيب لتولين ...اه مالا الطفلة ولت تسافر لبرا وتظهر في اامجلات. ..وقت ماجاوبو حد عاود دق الباب هوني تدخلت وحدة من هاك الزوز "يا ولدي "
خزرلها بشطر عين " تحكي معايا "
قربت منو المرا " ايه ...كانت تلوج في تولين ...خرجت من بكري ولتوا لا رجعت ....وكان على نزهة ...تقري في ها الوقت ..."
نزهة !؟ شكون نزهة ...وعلاش المرا ذكرت كان ها الزوز اكاهاو ...معقول هي ونزهة اكاهاو يسكنو مع بعضهم !؟ "
حط البوكاي قدام الباب بون رماه ورجع لكرهبتو ، ماناقصو كان يستنى وحدة في حومة كيف اكاكا ، قعدت المرا باهتة فيه " يكب كبوبو حتى كلمة بارك الله فيك ماقالهاش ..بابابابا..كيف بنت نزهة كان النفخة "
شافتو يبعد بالكرهبة ويخلي وراه كان الغبرة ، ضرب الفولون بيدو "ولا ....للا موش في الدار ...ونستناها من فوق ...تمشي *****"
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Truyện Ngắn★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
