💐الحلقة 32 : القسم 2 💐
❤✴❤
تحضر في روحها باش تخلط على تولين في السبيطار وتفهم منها حكاية ناز شنية ...المفاهمة كانت بينها وبين عبد الجليل ومادخلوهاش فيها ...قعدت تنسنس وراهم ومانجمت تعرف كان انها باش تحضر اجتماع مجلس الادارة ...كيفاش ؟! وعلاش؟! هذا ايلي لازم تفهمو منها ...حكاية البو وبنتو ومفاهمتهم ورواياتهم وخططهم ايلي ماتوفاش حيروها وفرد الوقت خوفوها ...خافت لا يعرفو الحقيقة وتخرج هي الخايبة وايلي فرقتهم ورغم تعرف انهم من دم بعضهم سكتت وزادت في عذابهم ...ضغطت على عينيها تحاول تنحي من بالها ها الافكار ،حلتهم على صوت الخديمة وهي تاقف في فم الباب " مدام نزهة...عندك ضيفة تستنى فيك في الصالة "
" ضيفة ؟!...شكون ؟!! ..."
" ماحبتش تقول شكون ...قالت انت اول ماتراها تعرفها "
نفخت بعصب " باهي ..." هزت اكتافها مسلمة " خلينا نشوفو ها الحكاية شنية "
مشات معاها للصالة وين كانت هاك المرا واقفة مكتفة يدها وتخزر من الشباك ...كانت شاردة و ساقيها يتحركو بعصبية وتوتر مانجمتش تخبيهم ...صوت طقطيق طالون نزهة خلاها تفيق من سرحتها وتدورلها بكلها .
ضيقت نزهة عينها وبانت تلاثة خطوط على جبينها وهي تعقد حواجبها "جنااااة !؟؟؟...شتعمل هوني !؟ كيفاش طلعت الدار ؟!" وساعت عينها على كبرها " يكونش الفاضل بعثك "
تنهدت وهي تقعد على اقرب فوتاي"ايلي يسأل ينعتوه...مشيت لدارك القديمة قالولي نلقاك هوني ...تبعت الجرة وهاني طلعتك.. "
قعدت نزهة بدورها وحطت ساق على ساق "تفضل ...باش انجم نعاونك...ولخص يعيشك حكايتك قد ماتنجم ...ماشية نطل على راجل بنتي كان وصلك الخبر هو في غيبوبة بعيد الشر عليك ...يعني ماعنديش بارشا وقت"
هبطت جناة راسها وفركت اعصابها لين حمارو وقريب ينطقو من الضغط ايلي عليهم "موش عارفة يا نزهة ...اذا انت بها الكلام تعاقب فيا والا انا ربي طاح فيا ..." ضحكت بمرارة " ليوم وين عرفت انو بنتي ولت ام...واني عندي حفيدة ..." حركت رموشها باش تمنع دموعها من انها تهبط " وليوم وين عرفت انو عبد الجليل رجع لتونس ...شي يقهر ....الام ...والبو ...والبنية ...لا حد يعرف صاحبو ..."
" سامحني جناة ...اما انت ايلي عملت هذا الكل ...انت فرقت عايلتك ...كنت تنجم تحارب وتستحفظ عليهم "
كملت جناة حديثها عبارة ماسمعتهاش " و...ليوم زادا ...قطعت الحبل ايلي كتف يدي ...ليوم وين فقت بايلي الفاضل معادش يخوفني ..." هبطت دمعتها حارة فيسع ما مسحتها " مانيش باش نقلك رجعلي بنتي ونفكها منك...وقت خرجت من فيلا بن رجب عزمت نحكي كل شي ونرمي خوفي...لكن كي سمعت المصايب ايلي على راسها سكتت وجيتك ليك انت ...مانيش طالبة شي ...طالبة نقعد معاك ...كيف ماكنا نعملو قبل ...طالبة نحكي وانت تسمعني..."ضمت شفايفها لبعضهم " كيف ماقلت انت ...انا ايلي فرقت عايلتي ...نستاهل هذا الكل "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
