هذا الرجل... أبوك 💚💜💙
🎆الحلقة الرابعة : القسم 4 🎆
*****************
اول ما حلت الكوناكسيون ،جرات تلوج عليه ، لازم تبربش الكونت فايس متاعو والا الانستا ...اكيد عندو واحد منهم ع الاقل ، بالنسبة للفايس ريحتو مافماش ..قد مالوجت شي ، اما الانستا كان بريفاي ماتنجم توصل لشي ...جاتها صعيبة تعملو ابوناي ...ماعندهاش حل اخر ...اصلا ماعندهاش نومرو تاليفون باش تكلمو وتكنتكتيه ...ويقلها نولو اصحاب ،بربي كيفاش هاذي ...اخ تولين حتى انت قداش تحلم ...راهو أحمد ولد زينب ...موش اي حد....طقطقت صوابعها وهي تنفخ بقوة..زعمة تقدم والا لا ...اخيرا نزلت على ابوناي ....ايلي يصير يصير توا ...جرات سكرت الكوناكسيون من غير ماتتلفت وراها وتشوف ايلي عملتو ...سويعة اخرى وعاودت حلتها ...باقي ماقبلهاش ...ساعتين...تلاثة...نهار ...نهارين ....الحاصل ...وقت نسات الحكاية من بالها و معادش تلوج عليه ...لقات مساج من عندو بعد جمعة "عسلامة تولين ..."
نڨزت من الفرش وعملت شطحة ع الطاير ، من بعد رجعت باش تجاوبو ،اما ماعرفتش اش تقول اصلا ...شنوة تجاوب "اهلا احمد ...صفا..." كملت كلمة اخرى "صديقي "
ضحك عليها "انجم نطلبك كام "
وساعت عينها وخزرت لروحها في المرايا وحالة بيتها ..لا مستحيل " مع ماجدة توا ...ان شاء من بعد "
اخ ..اخ تقول مراهقة ...عض شفايفو ...شنوة هاذي نطلبك كام ..متاع ناس بزناسة موش متاعو "باهي نخليك مع صديقتك ..."
لا لا لا ...موش معناها امشي ...نفخت بقلق ...شنوة ها العملة هاذي ...لازم تريڨل حالتها ...وتختار بلاصة باهية في الشومبر ...ووقت باهي ع الحس في الحومة ...
استنات لين عاود حل الانستا ...اصلا هو ماصبرش ...كان مرة في الفال يحلو ...وتوا تقريبا باش يولي كل يوم اذا موش كل ساعة ...عدى تصاورها وفيديواتها وشافهم وحدة وحدة...حالة قلبو ولت صعيبة معاها ...يشعل بدنو نار وقت يشوفها ..
تجرأ وكتبلها "تولين ...صفا "
طول جاوبت فضحت روحها "أحمد ...الحمد الله وانت "
"لاباس...اه...نحكاو توا "
"بالطبيعة ..."
مسد شعر لحيتو واستوى شعرو مليح قبل مايطلبها ، تفقدت شعرها قبل تهز ، وقت ظهر وجهو ع الايكرون حمار وجها من غير ماتشعر ،بلعت ريقها وزاد علي بيها ،شافتو يهز حاجبو ويشاورلها بيدو " تولين "
"نعم ....اه ..ديزولاي من بكري راو مع ماجدة ...مانيش متفاضية ...ماتقولش ماحبتش تهز عليا "
شافتو يعقد حواجبو "توليين "
"وي نسمع فيك ..." شاورلها لوذنو بمعنى مانيش نسمع فيك ...خزرت للميكرو لقاتو مسكر "اخ ..ملا تهنتيل "
وبزهرها وقت حلتو تكلمت ،ضحك على جملتها "موش تهنتيل اما تصير الميكرو يكون مسكر واحنا نحكاو "
زاد حمار وجها ،يمشيش يقول عليها وحدة ڨعر ماتعرفش تستعمل الكام ...قعدو يحكاو من بعد على تصاورها ،فين ووقتاش وشنوة سبتهم ...سألتو هي بدورها لقات اغلبيتهم لبرا ..فرانسا اسبانيا ،تركيا ،ايطاليا ...وكانو لكلهم فواياجات خدمة ...عبرلها قداش متمني يخرج فواياج لترتيح المخ ...وهي زادا تمنت توصل للعالمية وتكون من العارضات الاولانين في العالم ...كيف كيف الوقت كان قصير ...وكان لازم عليه يسكر لانو باش يرقد ...تمنتلو ليلة زينة وسكرت ...حست روحها راجعة من مدينة في الخيال ...وفارسها كان هو ...اخ...عمال تغرق معاه ...وعلته تولي بلاش دواء.
✴نهاية الحلقة الرابعة ✴
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
