العشق السرمدي

الجزء 34

🍒 الفصل الأول: بدونك لا اهوى الوجود

يوسف :ن نتي بيخير

ليليان دموعها نازلين كتحرك راسها لفوق ولتحت

يوسف: مادارلك والو

ليليان شهيقان كيخرجولها وحركتليه راسها بلا
يوسف واقف وكيتمعن تفاصيلها  غير تفكر الموقف لي لقاها فيه وعلى شوية كانت غادي تعرض الإغتصاب
طلعت معاه السخانة والعاصاب وهضر بحدة:
وشنو مطلعك هنا

ليليان بدون شعور باقا غلابة عليها الخلعة ماعارفاش شنو كتقول: اهئ أهى  ب بغيت ندير  بي بي

يوسف خرج  عينيه من كلامها مصدوم من كتلة الكياتة لي حداه (ههه ماعارفهاش كطير مع الطيور) بقا حال فمو مصدوم : و علاش ماجاتش معاك براءة

ليليان واقفة حداه مخربقة وتالفة ماحيلتها بلي هو يووسفف  حب حياتها لي ماكيبغيهاش واقف حداها وكيستاجوبها وخصها تجاوبو ولا من الخوف لي باقي مأتر عليها ماحساتش براسها حتا طلقاتها ب بكية: ااااااععع اهئ أهئ أهئ  

يوسف طلع حاجبو  من طريقة بكاها بحال شي برهوشة ماتعطيهاش عندها 20 عام فسن  ختو ونطق بحدة: دابا مال مك كتبكي

ليليان كتفتف: ب بغيت نمشييي هننن أهئ أهئ

يوسف:اممم  سيري ووقفي حدا براءة مالقاكش كتزريطي لتحت

ليليان سكتت وقلبها ضرب حست من هضرتو كاين نوع من التملك ، ماعرفاتش هادشي لي حساتو حقيقي ولا غير تهيأليها ،خلاتو  واقف كيبحصص فيها ودارت عطات رجليها نريح هربانة منو ومن الموقف لي هي فيه
يوسف غير غابت على عينيه ملي دارت فالكولوار خرجت من فمو ابتسامة حلوة وتمتم بهمس: مروى يا مروى من اليوم نتي ملكي

نزلت ليليان كتجري خايفة ومتوترة حاسة بالدوخة قريبة طيح خرجت نيشان للجردة مابغاتش تدخل لقاعة وقفت كتنفس بصعوبة قلبها كيضرب وحاسة براسها كيضرها بقوة مابكات هاد النهار، تاصلت بذكرى وبراءة خرجو عندها ومشاو لدار غير وصلات دخلت لبيتها بدلات حوايجها ونعسات غطات راسها كلها وتغمغمت حابسة راسها ماباغاش تفكر كتحاول تنعس