العشق السرمدي

الجزء 73

🍒 الفصل الأول: بدونك لا اهوى الوجود

علات يديها كتمسح دموع عينيها بالجهالة كأنها كتطردهم من موطنها لي تعبات مدة طويلة باش تنشأه وتبنيه على أسس القوة والصلابة ماباغاش هاد الدموع تكسرها..
رجعات حمرة  وكلها عرقانة عاضة على سنانها  بعصبية كتخرج جنونها فالعضان و كتمسح دموعها  بقوة وبهيسترية  وفنفس اللحضة كتهضر معاهم وكتنتاضر جوابهم....   كأنها  فمشهد خيالي لا واقعي .

سحر: بعدو مني . بعدوووو منيييي  واش مامليتوش علاش ديما مطارديني ..واش مايمكنش نعيش نهار بلا ماترافقوني فيه . كنعرف العين دغيا كتنشف علاش قلبي نشف ونتوما مابغيتوش تجفو . عييت منكم ومن الحياة معاكم .  بعدوووو منييي خليوني نشوف الحياة من جديد... الحياة لي كنسمع عليها وردية .خليوني ننسى طعم القرحة  . خليوني نتذوق و نسمع سنفونيات وانغام الفرحة 

علات راسها لفوق مغمضة عينيها وتنهدات من قلبها
بقات شاردة فخيالها  كتفكر حتى كتسمع صوت الباب من وراها تفتح وترضخ  بجهد ابتاسمات ابتسامة حزينة عرفاتو شكون غير من ريحتو... شكون غادي يكون منغير الإنسان لي ترك نذبة فقلبها

دخل وشعط الباب من وراه راسو غادي يطرطق بالعاصاب حس بيها فحلا شمتاتو متقبلش انها تجي فنص ساعة تفك الموضوع وتزيد عليها تورطو هو وشركة لي كيسيرها . رغم انه مامحتاجش و عندو مشاريعو الخاصة بيه كونهم بنفسو بلا مساعدة باباه لكن كتبقا هاد الشركة عزيزة حيت اول شركة بدأ فيها وعاوناتو بزااف فمسيرتو وفخبرتو

واقف مخنزر نفسو كتطلع وتنزل بصوت عالي ملامحو مقبوضين ومخنزر مع فورمتو بان فحال الوحش كينتاضر غير الفرصة باش يهجم

هدر بعصبية عاض على سنانو: ششنوووو  كاتحاولييي ديريي نتي 

سحر بقات واقفة عاطياه بضهرها بنفس الإبتسامة حطات الكادر دالفوطو فوق البيرو وفلحضة قلبات ملامحها المبتاسمة لملامح جدية وباردة مستاعدة للمواجهة
ضارت وتكات بضهرها على البيرو ودارت رجل على رجل وعلات عينيها فيه
.
سحر: شنو كتقصد

عصام قرب عندها وخا محاملهاش وماحاملش هاد القرب بينهم : عارفة مزيان ششنوو كنقصد  ، شكون عطاك الحق تدخليلي فأمور شركتي

سحر (دارت ابتسامة جنب بإستهزاء وعينيها فعينيه باغيا تستفزو): وشكون قرب لشركتك

عصام بعصبية وصراخ : واش راداني دري صغير كتلعبي معايا نتي عارفاني مزيان شنو كنسوى فبلا ما تستفزيني باش ما تجيبيهاش فضلوعك ونتي عارفاني نقد نديرها

قهقهات بصوت عالي : ياكما سحابلك أنا هي سحر ديال 16 عام ( قلبات ضحكتها لجدية و قربات عندو حتى ولات كتفصل بيناتهم سنتيمترات قليلة ) إذا أنا عارفة شنو قادر تدير نتا باقي معارفينش شنو قادرة ندير ،
سحر ديال شحال هادي صافيي باااااح ماتت لهذا قلب الدورة وحل أمور شركتك بعيد عليا

زير بالقبضة د يدو على وجهها حتا كان عيهرسلها الفك ديالها ؛ سحر بقات جامدة متحركات متململات كأنها محاساش بالتزييرة ديالو على وجهها ؛ صدمو برودها متوقعش بلي سحر لي كان غي كيعلي عليها صوتو و كيقرب خطوة كتبدا تنخصص وتبكي ولات قاصحة و مدارتش حتى ردة فعل رغم أنه إذا زاد ضغط شوية يقدر يهرس ليها الفك  دفمها