العشق السرمدي

الجزء 140

🍒 الفصل الأول: بدونك لا اهوى الوجود

براءة: سحر هي لي تبرعات ليك بالكلية
كلشي شهق من الصدمة حتا حد مامتيق هادشي لي كيسمع خصوصا عصام لي لي بقا غير واقف عينيه خارجين مافهمش علاش كتهدر كيفاش هي لي تبرعات ليه بالكلية اشمن كلية. مد يديه علا تيشورت على كرشو حتا كيلقا نفس لاطراص فكرشو الدنيا دارت بيه بقا مصعوق عينو ماكيرمشهووومش

تقدمات ذكرى عندها وجهها صفر: هادشي بصح ابنتي واش كلام براءة بصح نتي لي تبرعتي ليه
سحر كتحاول ماتشوفش فيها باش ماتفضحش لكن توثرها فضحها : احم لا هادشي ماكاينش براءة غير كتخربق . هادشي مامنو والو . غير طيحت على زاجا وضطريت نخيطها

بلقيس: علاش كتكذبي اسحر انا عارفة مزيان هاد الفتحة ديالاش . هادي بلاصت الكلية ماعندك ماتخبي مازال

سحر مجننة: عمتيي ماعندي ما نخبي وأصلا ماعندي لاش نخبي حيت ماشي أنا لي تبرعت. أنا من نهار مشيت هادي خمسة سنين مارجعت

سلمان: هادي هي نتا خويا لي ماولداتوش ليا  ميي. جيتي ودرتي عملية صعيبة بحال هادي وأنا مافراصيش

سحر: سلمااااااااان ماتزيدش تمرضني حتى نتا إنا قلت هادشي مامنو والو. .
(شافت فبراءة  مخنزرة) هدري ابراءة قولي هادشي مامنو والو غير كدووب. قوليلهم ماتبقااااايش ساكتة

براءة: سحر انا إدا هدرت ناغاديش نكدب غادي نقول غير الحقيقة

سحر علات يديها وشدات فشعرها ناتفاه . ماكانتش باغية تتحط فهاد الموقف . كانت دايرة جمييع إحتياطاتها باش ماتفضحش. ماعرفاتش هادشي لي خرج ليها من الجنب.

يوسف:براءة عاودي لينا شنو كاين

أماني رجعات صفرة كلها كترعد  ماتوقعاتش غادي ينقالب السحر عليها. هي كانت باغية تفضحها باش يجريو عليها  ويمحيوها من حياتهم ماضناتش بلي فعوض ماتكون فضحاتها بسباب عندها ولد من الحرام. هي غادي تزيد تقربها ليهم حيت هي لي نقدات ولدهم

أماني بتوتر وخوف ضاهر عليها: شنو غادي تعاود ليكم. ياك صاحبة الشي بيديها كتقول ماشي هي لي تبرعات إدن ماشي هي .

مراد :نتي ماشي سوووقك ومادخليش فهادشي

أماني: عمي هادي غير كذابة . أنا لي كنعرفها مزيااان شنو كتسوى أنا مأكدة ماغادي تكون دايرة حتى عملية هادي غير خطة بلعاني فاتحة كرشها من الجنب ومخيطاها. مانعرف شنو نواياها وشنو كتخطط

سحر بتاسمات بإستهزاء على أفكارها

براءة:واش نتي صافا با هي علاش غادي تدير هاكا
أماني :أنا لي عارفة علاش حيت مازالة طامعة فيه. ومن نهار جات وأنا عارفاها كتخطط لشي حاجة. ياك أعصام قلتها ليك .
كلشي شاف فعصام باغين يشوفو ردة فعلو. حتا كيلقاوه شاد فراسو ومزير عليه ملي رجع ليه الحريق. باغي يتذكر هاد العملية علاش كيدويو . مراد ويوسف شافوه بديك الحالة جاو شدو فيه . وهو نتر يديه وطلع كيجري فالدروج خلاهم كلهم مصدومين

عصام طالع كيجري : مايتبعني حد . أنا جاي

طلع لبيتو ودخل نيشان لحمام لدرج فيه الدوايات هز كينات ديال الحريق خرج حل قرعة دلماء وشرب كينة تهدن ليه الحريق . وتوجه جيهة الدرج لي حدا السرير حلو وهز مذكرة بقا كيقلب فالصفحات وكيقلب حتا لقا شنو باغي . بقا مدة كيقرا. سد المذكرة رجعها لبلاصتها وناض خارج شاف فالحيط لي قبالت السرير فالطابلو لي معلق بقا مدة كيتأمل فيه فالنهاية بتاسم وخرج هابط عندهم .
غير وصل قدامهم كلهم كانو واقفين كيساينوه يرجع . وقف قبالت سحر . أماني كانت كلها كتقفقف مخلوعة من هادشي وكتدعي يدوز هادشي بسلام

عصام شاف فسحر لي حتا هي كتشوف فيه بنفس النضرة وتكلم : براءة عاودي شنو عندك

براءة شافت فسحر زعمة واش نعاود . سحر نهاتها براسها . لكن براءة عاودات حركات ليها راسها زعمة غادي نعاود مخلية سحر كتمسح على جبهتها من التوتر

براءة: خوياااا