العشق السرمدي

الجزء 85

🍒 الفصل الأول: بدونك لا اهوى الوجود

ذكرى: سحر

سحر: مالكم شنو واقع

كلشي كان واقف مصدوم بشوفها . كاين لي كيشوف فيها بنضرات فرح لمجيئها وكان لي كيشوف بنضرات حقد وكره، فحال أماني (عصام غير شافها دخلت ،طلع ليه الدم تنهد بسخط وخرج يبدل ساعة بأخرى)
سحر شافت فيه بنص عين بتاسمات جنبب وتقدمات كتسلم عليهم وكلهم كيعنقوها فرحانين بيها، مجيئها خلاهم ينساو المشكل لي وقع . تقدمات وعنقات عمتها بلقيس

بلقيس : توحشتك احبيبة ديالي،حشوما عليك مشيتي وخليتيني ونتي عارفة شحال كنت متعلقة بيك

سحر ببتسامة: ماكانش عندي الوقت لي نجي فيه

بلقيس: نتي عارفاني مريضة ومحتاجاكوم تكونو معايا تونسوني وتنسيوني.  وبالخصوص نتي حيت فيك الريحة لي بقاتليا من خويا

سحر شدت ليها وجهها وباستها من جبهتها
سحر: سمحيليا اعمتي حتا نتوما الحاجة الوحيدة لي بقاتليا فهاد الدنيا ، ونتي دابا تبراي وترجعي حسن من الأول

بلقيس: مانضنش حياتي تضمرات وقلبي مات شحاال هادي

سحر: حتا انا قلبي مات ولكن ضطريت نسطم عليه باش نقدر نعيش من جدييد

(كملت كلامها ودارت تكمل سلام وهي تلقا ذكرى واقفة مصدومة وعينيها عامرين دمووع )

سحر بتاسمات ليها وتقدمات تلاحت ليها فحضنها وعنقلتها

سحر : توحشتك توحشتك توحشتك

ذكرى غير سمعاتها خرجت ليها شهقة وبدات تبكي عنقاتها وزيرات عليها

ذكرى:هئ هئ  ااااااااااه شحال توحشتك ابنتي اااه . حراااااام عليك سخيتي بيا . مشيتي وخليتيني غادي نتصطا

سحر:سمحيليا بزاااااف ولكن الضروف كانت أقوى مني ماكانش عندي حل اخر 

ذكرى:أهئ أهئ  كدبتي عليا قلتي ليا غير تبدلي الجو وترجعي ، مشيتي وماجيتيش،شحال من مرة جيت لأمريكا ماكاتبغيش تطلاقايني

سحر:مكنتش قادرة نشوف وجهك ، وعارفة ادا طلاقيتك غادي تضغطي عليا باش نرجع .

بقاو مدة وهوما كيتكلمو حتا رجع عصام مي ماداهاش فيها كأنها غير موجودة. بقاو جالسين حتا وصل وقت العشاء ،ناضو كلهم لطاولة عصام قدامو مرتو ويوسف حتا هو قدامو مرتو اندريا وتلاتي حدا بعضهم ليليان و براءة وريحان . وفالجهة التانية سحر قدامها سلمان وأكرم .

سلمان قرب لودن سحر وتكلم بهدوء
سلمان:الدار نورات بوجودك . توحشتك الموصيبة

سحر بتاسمات جنب: يتوحشك الخير وخا يالاه كنتي معايا. لو ماكتش كنعرفك مزيان كنت نقول مزعوط فيا

فهاد لحضة كان عصام كياكل بهدوء علا راسو صدفة لقاهوم قراب وكيوشوشو خنزر وتمتم : بيتش

مراد :سحر بنتي فين حوايجك  شفتك جيتي بلا لي فاليز

سحر : لا عمي راه عندي الطوموبيل مي مدخلتهاش حيت غير غادي نتعشى معاكم وغادي نمشي

مراد : دويت معاك فالصباح وقلت لي عندي ، هاد الليلة
غادي تدوزيها هنا و شدينا الموضوع

(عصام زير على يدو بعصبية أما سحر نزلت راسها لطبسسلهاوكملت ماكلتها بهدوء)

فهاذ الأثناء صونا تيليفون ليليان ،اعتاذرات و بعدت شويه على الطابلة و جاوبات ،يوسف كان تابعها عينيه و لكن مقدرش يتبعها باش مايزيدش يعيق ، حيت هادشي لي دار ليوما غادي يخليهم يشكو...

وما هي إلا ثواني حتى جات ليليان كتبكي ، كلشي علا راسو مخلوع؛، و يوسف وقف باش  يشوف مالها حتى سمع الكلام لي قالت و لي خلاه يبتسم جنب ويرجع يجلس بلاصتو

ليليان: أهئ هئ ،بابا بابا طردوني من المسابقة

مراد :بشوية أبنتي بلا بكا خليني نفهم شنو كتقولي

ليليان : ا هئ المسابقة د الرقص كانت عندنا الشهر جاي و دابا صونا عليا المدرب و قالي بلي تطردت معرفتش علاش أهئ أهئ، أنا يالاه كنت معاهم فالتداريب هاذ الصباح

يوسف مقادرش يصبر الضحكة غادي تفلتلوو عاجبو الحال على هادشي لي وقع