العشق السرمدي

الجزء 136

🍒 الفصل الأول: بدونك لا اهوى الوجود

ليليان بصراخ: سنوووبي لااااااا هئ هئ

يوسف شدها مخلوع : شووووو حبيبة بسم الله عليك

ليليان: بعااااد خليني نشوف سنوبيي . دفعاتو ودخلات كتجري تلاحت عليه فالأرض وهزاتو بشوية ويديها كيترعدو.

ليليان : سنوووبييي حبيييبي  فيق عافاك حل عينيك أهئ أهئ هننننن

قرب يوسف عندها وقفها : نوضي احبيبتي من الأرض
علات عينيها الحومر كيقطرو

ليليان: ق قتلوو أهئ قتلي سنووبي ههننن هو غي صغيور ماكيدير والو

يوسف: صافي احبيبي ماديريش فراسك هاد الحالة

اكرم كان غير واقف مصدوم مافاهم والو. ماعارفش حتى شنو داار

ليليان خلاتو مشات كتضرب فأكرم. واخا ضريباتها غير كيهروه لكن هي كانت كدير مجهود باش تقصحو زعمة.

ليليان: علاااش علااش قتلتيه (كتضرب مجننة ) نتااا قتااال نتاا حكاار . أهئ هنن هو مادارلك والو اصلا هو ماكيأدي حتا حد ( بقات كتضرب فيه مجننة وأكرم مخليها على خاطرها. عرف راسو زبلها واخا ماكانش قاصد الخلعة هي لي خلاتو يضربو. )

بقات كتضرب فيه وتغوت قريبة تسخف حتى شدها يوسف من لور حاضنها هي رجليها فشلو عليها كانت عطيح . تحنى دار يديه على رجليها وهزها بين يديه. وهي غير هزها لوات يديها على راسو معنقاه وخشات راسها فعنقو كتشهق حتى بورشاتو . يوسف عض على فمو وقلب الطريق غادي لبيتو .

مشاو وخلاو أكرم واقف فحالة صدمة لهادشي لي وقع هو ماعارفش حتى واش مربية فار  فالقصر . هبط عينو شافو مليوح فالأرض . خسر سيفتو وقلب الطريق لحمام يدوش حيت كيعيف منو وكيجيب ليه الرضة

عند يوسف لي دخل هاكاك هازها شعل ضو وسد وراهم الباب وجلس فوق الفراش مجلسها فوقو وكيحرك يديه على ضهرها بحنان  . هي لي غير خاشية راسها فعنقو كتبكي

يوسف: شوووو حبيبة باراكا عليك من البكا

ليليان مجاوباتوش غير كتبكي

يوسف خرج ليها رويسها من عنقو وشدلها  حنكها بحنان كيدوز عليه وهي مازال جالسة فوق رجليه

يوسف:واصااافي اغزالي شوفي كيف رضيتي هاد العوينات

ليليان عينيها حومر وكيقطرو ومرة مرة كتطلع ليها شهيقات: أهئ أهئ قتلو هنننن قتلي سنوبي ايوسف

يوسف عض  فمو على سميتو لي خرجات على فمها فحال لعسل. مكرهش يتلاح عليها فهاد اللحضة يبغج ليها فمها. مايطلقهم حتى يخنقها

اما هي فحال لهبيلة غير كتبكي وتشرح ليه ماحاساش بهاداك لي مجلسها على رجليه طلعت معاه السخانة

يوسف: صافي اعمري انا ناخد ليك  واحد أخر

ليليان حركات راسها بلا: اهئ لا  مابغيتوش . بغيت
سنوبيي.  أهئ هننن صافي غادي نمشي ندعيه

يوسف على حاجبو وهو مازال كيدوز ليها على حنكها بيديه. داير معاها الخاطر على حساب عقلها

يوسف : لمن غادي تدعي غزالى

ليليان: داك القتال دأكرم غادي نديكلاري بيه . حتى سنوبي روح خاصو يتعاقب علاش قتلو

يوسف حرك ليها راسو مأيد كلامها. باغيها غير تهدن ليه: أه عندك الحق خاصنا ندعيوه غدا ناخدك لكوميسارية

ليليان عاضة على شنوفتها وبشهيقات:  هء  وااخا

مد يديه كيمسح ليها الدميعات: واصافي الله يرضي عليك باراكة من لبكا راكي غادي تسخفي لي . هو ماشي فأر الدنيا.

ليليان خنزرات فيه:  سنوبي هامستر ماشي فأر

يوسف : أه أه هامستر. هو ماشي هامستر الدنيا

ليليان: هو غادي يسايني فباب الجنة

يوسف : مالو ولدك. ( غير علات فيه عينيها وهو يقلب الهدرة) أيييه غادي تلقايه واقف كيساينك. غير سكتي دابا راكي كتعدبيه فقبرو بهاد البكاء

ليليان: هااء حنا مازال مادفناه

يوسف: هي دابا إكرام الميت دفنه

هزها تاني بين يديه وخرج بيها جيهة جناح أكرم غير وصل حطها فالباب ودخل هو . هز الهامستر خرجو ليها . شداتو بين يديها ويوسف عنقها من كتافها وهبطو لجردة . وصلو تحت واحد الشجرة كبيرة وزوينة والفروع ديالها هابطين

ليليان: صافي ندفنوه غير هنا باش ماتضربوش الشمس بالنهار

يوسف: واخا عمري لي بغيتي .( تحنى كيحفر بيديه ودار حفيرة صغيرة قدو ) . يالاه حطيه الكبيدة

ليليان: وماغاديش نصليو عليه

يوسف : واش نتي حمقة نصليو على فار. احم قصدت زعمة هامستر. راه الحيوانات احبيبي ماكانصليوش عليهم

ليليان تحنات وتحنا وراها يوسف شدها من كرشها  وحطاتو فالحفيرة وبدات كتدوز عليه بيديها: بسلامة احبيبي . نتلاقاو فالجنة . ماغاديش ننساك . اناعارفاك غادي تبقا تشوفني من الفوق . ديمة غادي ندعي معاك بالرحمة

يوسف شادها من كرشها لاسق فيها من لور . كيسمع كلامها وكيضحك بالحس خايفها ترض ليه البال وتتعصب

ليليان ودعاتو وبدات كترد عليه التراب وهي كتدمع ويوسف حتى هو مد يديه كيعاونها حتا غطاوه

دارت شافت فيه وعينيها حومر وكيقطرو بوحدهم.

ليليان: نقدر نبقا معاه شوية

يوسف جلس على الأرض قدام الحفيرة وجرها جلسها فوقو معنقها. بقات كتشهق حتى داها نعاس فحضنو. يوسف هبط عينيه على هاد كمية الكياتة لي بين يديه . حمقة وهبيلة وبكاية وحنينة . جميع الشخصيات مجموعين فشخصية وحدة. بقا مدة حاضنها فالأخير وقف وهو هازها وطلع لبيتو

فهاد اللحضة كانت ذكرى كتطل عليهم وتبتاسم ماعارفاش شنو كيديرو مي فرحانة حيت قربو لبعضياتهم لهاد الدرجة