العشق السرمدي

الجزء 132

🍒 الفصل الأول: بدونك لا اهوى الوجود

اليوم التاني داز هادئ، ليليان نهار كلو وهي ناعسة وذكرى كل مرة تطيب ليها وتوكلها
يوسف ناض بكري دوش وضلم البيت باش ماتفيقش باسها وخرج لشركة حيت مضغوطين فالخدمة وكل شوية كيصوني على ذكرى يطمن عليها ويوصيها ماتخليهاش تخرج من البيت

سحر وعصام نفس الشئ كل وملهي فخدمتو .

مساءا كانت ليليان متكية فبيت يوسف فوق الفراش شادة الريموت بيديها وكتدوز على القنوات جاها الملل . سمعت صوت لباب تحل دارت شافت شكون ملي لقات يوسف قلبات عينيها ماداتهاش فيه وكملات الفراجة
يوسف شافها شنو دارت بتاسم مابغاش يخاصم عليها وهي مازال مريضة. قرب وجلس قدامها شاف فيها ومد يديه قاص جبهتها لقا حرارتها عادية بتاسم عاد رتاح

يوسف: حبيبة شوية دابا

ليليان شافت فيه وقلبات عينيها معفرة: ماحبيبة حد أنا

يوسف بتاسم : نتي حبيبة قلبي وروحي
مد يديه ولعب ليها فشعرها وهي هزات يديها وبعدات يديه

يوسف تنهد وناض ياخد دوش. كيحاول يبقا مكالمي ويديها على حساب عقلها. عاارف راسو جرحها وهان كرامتها بدون قصد. حيت فالأصل حتا ولو كانت وحدة أخرى مراتو ماكانش غادي يهضر بديك الطريقة وهي حاضرة. هو كان كيضن أنها مسافرة لو كان عارفها حاضرة بينهم أكيد كان غادي يراعي لمشاعرها ومايهضرش بنفس الأسلوب  وغادي يحل الموضوع بسلاسة

خرج من الدوش وداز لدريسينج لبس سورفيت وجا قدامها فوق الفراش وجلس .أما هي غير قالبة وجهها عليه و كتأفأف دايرة فحال شي وحدة صغييورة
وهو غير حاضيها وكيضحك عاجباه ومسطياه بهاد التشيطين.  دار يديه على عنقها وقربها ليه وباسها بوسة قوية  من حناكها

يوسف: حلوووووة لمككك حلووووة

ليليان تنترات منو أ وقفات فوق لفراش وهو جالس ومعلي راسو كيشوفها شكاتحاول تصنع دارت صبعها على شكل تهدييد

ليليان:واش مااكاتفهمش العربية ماكاتفهمش عطيني تيسااااع وماتبقاش تقرب لياا واش نقولها بلغة أخرى
( Get away from me)

يوسف غير مبتاسم ومبرد: هاي هاي على غزاالي
والإنكلش كان حسابليا كاسولة صدمتيني هههه

ليليان مازالة واقفة فوق الناموسية ومخنزرة: كيفاش  هاد كاسولة تاني . حتارم راسك وعرف شنو كتقول 

يوسف : علاش ماشي نتي لي جبتي 4  فالماط

ليليان توترات: الماط ماشي أنا أحم لا زعمة ماجبتش  

يوسف : أهاه وشحال جبتي

ليليان دارت شعرها ورا ودنيها بتوتر: جبت أحم جبت  جبت 19

يوسف علا حاجبو : أوااه 

ليليان بتقة فالنفس: باش ماتبقاش حاكرني وتعرف راسك معامن راني كانشارك فالألمبيات د الماط

يوسف مبتاسم: وااااااااو  هاكا نبغيك  يالاه  2 أوس 2 شحال كتساوي

ليليان عضات شنوفتها : سااااهلة  كتساوييي 6

يوسف بدأ كيسفق ليها : براااااافوووووو نتي بطلة

ليليان قلبات عينيها: عارفة راسي مانحتاجش لي يشكرني

يوسف ربع يديه وقرن حجبانو مخنزر: إوا نعلة الله عليك. كتدي يابنتي الطريق على الخاوي نتي ماعندك غراض فالقراية.  شنو كنساين أنا من وحدة منضمة مافيا

ليليان: دابا مالك دابا على هاد الهدرة

يوسف : 2 أوس 2  كتساوي 6 دابا نتي كاتقراي فالباك وعندك الوطني

ليليان : علاااش شحال كتساوي

يوسف بتخنزيرة: كتساوي 4 المكلخة.  نتي ماشي دالقراية نتي لي غادي يصلاح ليك هي تجلسيلي فالدار تولديلي وتربيلي ولادي

ليليان رجعات حمرة وقلبها ضرب من هاد الكلام حسات براسها فحالا هي وياه بصح كيديرو داكشي وغادي تولد ليه