العشق السرمدي

الجزء 38

🍒 الفصل الأول: بدونك لا اهوى الوجود 

فساحة كبييرة وسطها حلبة مصارعة داير بيها الكرياج والدنيا عامرة بالشباب كلشي كيستنا يبدأ النزال هادي ماشي رياضة مشروعة انما مصارعة الشوارع كاين رابح واحد والتاني اكيد غادي يطيح كاو مغمى عليه هادشي ادا ماماتش دخل المصارع الأول كيتمختر وهاز راسو لفوق علاش لا وهو مانستر (الوحش) من أهم المصارعين ومعروف بشراستو فالقتال ماكاينش لي كيغلبو،حجمو ضخم يقدر غير يزير عليك يفلعصك اما ادا وجه لكمة لشي حد يودع دخل تحت تصفيقات وتهليلات وقف وسط الحلبة كينتاضر المنازل لي غادي يقتل اليوم وعلى وجهو ضحكة عارف هاد ليلة هو الرابح حيت ماكاينش لي يزعم ويضحي بروحو ويتصارع معاه  شوية وهو يضهر الخيال دشيحد  داخل فضلام وسط الحشود وكلشي كيبعد ليه من الطريق ويخوي ليه منين يدوز لابس سرفيت فالأسود وداير قبية فوق راسو مغطي وجهو طلع ووقف وسط الحلبة لي تما كلهم سكتو متحمسين يعرفو شكون الضحية دهاد ليلة وكيستناو يحيد الغطاء على راسو ماهي إلا تواني وعلات راسها وحيدات الغطاء باش يضهر وجهها وعليه تخنزيرة  وشعرها الأسود لي ضافراه الصمت لي كان فالقاعة مادامش بزاف حتا بدا يتسمع صوت الضحك بشكل هيستيري فالقاعة كأنهم فسيرك ماشي فحلبة المصارعة ، مانستر من قوت الضحك تحنا ودار يديه على ركابيه غادي يتصطا بالضحك ، دانييل واقف قدام الحلبة داير ضحكة الإستهزاء عارف القضية وما فيها
سحر واقفة دايرة يد على يد كتشوف الغول لي قدامها كيموت بالضحك وهي باقة راسمة تخنزيرة علي وجها وحجبانها مقرونين قلعات القبية وبقات غير بيل اكس فوق الكرش فالأسود وسروال مزير على طايتها

سحر بصوت تقيل: شبعتي ضحك وقف ورينا قوتك

مانستر كان كيضحك غير سمعها ودار عندها كيطلعها ويهبطها وقلب وجهو عند لي كيسيرو النزال: واش مراااض على اخر ايامي نقاتل بنت

سحر:  احم ياكما خفتي

مانستر بإستهزاء: البنات كنقاتلهم غير بالح*وى فالفراش ماشي فالحلبة

سحر كاتلوي واحد التوب على يديها سمعاتو طلعاتو وهبطاتو بنص عين : هاد الساعة ماضهرليش عندك باش تقاتل لا فالحلبة ولا فالفراش

غير سمعوها الحضور وطلقوها بضحكة عاجبهم الحال لاقيين فاش يتمتعو  ،مانستر ولا حمر مارضاش بهاد الهضرة
مانستر: إذن جنيتي على راسك الكتكوتة

سحر: بينليا

مانستر تقدم عندها نفسو كاتطلع وتنزل وهي باقية واقفة كتلوي  فيديها ماتحركاتش وماعلاتش عينيها وصل قدامها وعلا يدو بقوة باش يضربها هي بسرعة خواتليه وبحركة معاكسة هزت رجليها وجمعت رجليه حتا طاح وهي مازال كاتلوي ف يديها ،مانستر وقف بسرعة ماراضيش تطيحو وهي سالات من يديها وعلات راسها فيه ودارت ليه حركة بصباعها زعمة اجي

سحر : وريني قوتك

مانستر تقدم كيجري باش يضربها شداتلو سحر يديه ولواتها وراه وهزت رجليها وضرباتو لضهرو جا طايح كلما كيبغي يوقف كترجع تطيحو جامعة بين القوة والسرعة والذكاء عيا يحاول باش يغلبها لكن كانت سرع منو  فأخر لحضة بغا يضربها خوات ليه وتهزات كلها على الكرياج دالحلبة وتلاحت عليه بضربة برجليها لعنقو حتا طاح مغمى عليه الله اعلم واش حي ولا ميت