العشق السرمدي

الجزء الخامس

                       
🍒 الفصل الأول: بدونك لا أهوى الوجود                    

☆سحر الدنيا قصات عليها وباقا كتقصي عليها نهار ورا نهار داقت من الالم  والفقدان وحتى الخذلان ما يكفي و يوفي ؛ هادشي لي  عاشتو لو كان شي حد بلاصتها  ومعندوش ولو ربع من   قوتها كان وضع حد لحياتو شحال هدا ونتاحر  ؛ ولكن   هيا لا ماشي من النوع الضعيف شخصيتها حربية ومكتستسلمش وهاد الشخصية ماشي غير جات  وكتاسباتها  ؛الصدمات لي عاشتهوم فحياتها كانو من الاسباب وحتا الفترة لي دوزاتها فالمصحة النفسية بعد الحادتة قصحاتها ؛ دوزت فيها سنة من عمرها سادة علي
نفسها ماكتهضر ما كتكلم غير ساهية  وكتحسر علاش      مامشاتش معاهم قلبها تطفئ بعد رحيلهم القلب لي كان  كيرفرف بسعادة بعد غيابهم  مبقاش  داق  طعمها ؛ فراقهم كان مؤلم، كل نهار كانت كتنتاضر تشوفهم داخلين من الباب وف ليل كتنتاضر تشوفهم فأحلامها ،   (ماما بابا ) ماكانوش كيفارقو فمها وف غيابهم قصة وجع لا تنتهي ولن تنتهي ، الحب والحنان والأمان وكل العبارات والكلمات والاحاسيس تدفنو معاهم ، فراق  الوالدين درس كنتعلمو منو ان الحياة حجمها ضئيل ومعندها معنى بلا بيهم،الغصة والوجع لي حسات بيهم   كانو كافيين يحرقوها ويشتتو روحها ويكسرو قلبها مئة ألف قطعة خصوصا كانت مازالة طفلة ومعندهاش القوة
باش تتحمل الم الفراق، الحياة ولات كحلة فعينيها         وذكرى الحادتة كانت كتجدد باستمرار ف داكرتها          الحاجة الوحيدة لي ريحتها هي  عائلتها كلها   كانو       
دايرين بيها ومساندينها و وقفو جنبها ماخلاوهاش         بوحدها فاصعب فترات حياتها اصلا كيفاش غدي          يخليوها وهي الريحة لي بقات من خوهم، عمها وعمتها  بجوج  عطاوها الحنان وقفو معاها  حسسوها بلي      باقي عندها علاش تعيش . من بعد سنة من الحادتة      قدرات ترجع لحياتها وتأقلمات مع عائلتها واخا جاتها     صعيبة تخلي امريكا البلاد لي عاشت فيها تخلي            مدراستها صحاباتها واهم شيئ ذكراياتها مع واليديها      راجعة المغرب خالية الوفاض تاركة وراها كل ماهو جميل  وبعد مدة من الزمن بدات تنسا وتتناسا والضحكة لي كانت هاجراها بدات كتزورها من جديد عائلتها عوضو ولو شوية من الفراغ لي خلاوه والديها فقلبها . خصوصا(هو)  كان ديما واقف جنبها ومساندها   يخرجها ويشري ليها مهتم بيها وبكل تفاصيلها اذا بكات  مايرتاح حتا يضحكها وادا مرضات يبات سهران عليها     كان فحال الطيف ديما داير بيها وبسبابو العتمة لي        كانت عايشة فيها بدا النور يضويها  والألوان بدات         كتطرد السواد لي غلف قلبها. الحياة بدات كتبدل طعمها بوجودو  والوحدة مبقاش عندها معنى وهو كاين .كانت كتحس بيه ملاك رسلو ليها ربي باش ينير دربها وبعد      مدة من الضلام الدامس لي كانت عايشة فيه بدات        الشمس تطلع من جديد وضحكتها ترسم على وجهها من جديد كانت كتحس بلي تعاملو وقربو ليها ماكانش غير   حيت هي بنت عمو بل شي حاجة اكتر واعمق من دالك. وفعلا صدق احساسها واتضح انه كيبغيها بعد ما عتارف ليها بمشاعيرو وخطبها من عند باباه  ،وحتا هيا كان الحب تزرع فقلبها من جيهتو حباتو حب جنوني      ورجع هو محور حياتها هو الآمر والناهي هو لي عارف كل خباياها واسرارها هو اول واحد تجي تجري تتلاح   فحضنو تشكيليه ادا شيحد قلقها هو ولي امرها        فالمدراسة هو صاحبها وباباها وقدر ياخد حتا مكان       ماماها بعطفو و حنانو عليها كانو فحال عصافير الحب   فداك القصر والكل عارف وفرحان ليهم كانو كيخططو     لعرسهم الاسطوري لي غادي يحضر ليه جل رجال       الأعمال والوزراء والاعلاميين حيت العائلة من اغني   العائلات وأرقاهم اكيد عرسهم غيدير ضجة وغادي        يكون الحدث الأول والرئيسي لي متصدر تريند فمواقع   التواصل كان كلشي واجد ومدققين ف اصغر التفاصيل  الضيوف الاكل ومشاهير الموسيقى لي غدي يحييو الفرح وهي كانت طايرة من الفرحة وكتحلم امتى يدوز هاد     الشهر لي باقي باش تلبس فستانها الأبيض لي كان  من  ارقى فساتين الأمراء تصمم على يد أشهر مصمم عالمي ومنبت بأغلى الجواهر الكريستالية لكن فجأة وبدون  مقدمات او اسباب منطقية الحلم رجع كابوس والبسمة  رجعت دموع ورجع الألم؛ نهار وقف قدامها وقال  كلشي غادي يتلغى مبقيتش مرتاح لهادشي وفنفس الشهر قرر يتزوج بأماني بنت صديقة العائلة لي كان تاحد ماحاملها وقابلين تدخل القصر  علي وجه ماماها    لي كانت انسانة ضريفة ماكانوش كيضنو يجي النهار لي   غدي تكون فرد من هاد العائلة  كلهم تصدمو نهار دخل  شاد يديها وقال العرس مغديش يتأجل  ادن العروسة  ليغادي تبدل؛ فهاد اللحضة سحر لمت شتات كرامتها  ورجعت ادراجها محطمة ومكسورة من جديد... 
هنا  نتافضت سحر ورجعت للواقع ملي حلت عينيها ولقات راسها باقا جالسة فالمكتب ديالها عرقانة وكلها كترجف   وجها حمر  ودموعها كيسيلو هادي حالتها ملي كتخلي عقلها يتغلب  عليها ويرجع بذاكرتها نالماضي هزت قرعة دالماء من  فوق البيرو وحلتها وهي كلها كتقفقف  ،طاحت عليها   شرباتها كلها كأنها كانت عايشة   فأيام القحط ولقات لما  يرويها مسحت وجهها وجبتها    من العرق علات راسها ل سرجم وهي تصدم ملي لقات   الضلام وليل طاح . ياااه   هاد المدة كلها وهي عايشة  ف لاوعي ديالها، وقفت  وهزت ساكها مغادرة المكتب وراجعا لواقعها  المحتوم .

#يتبع