العشق السرمدي

الجزء 151

🍒 الفصل الأول:بدونك لا اهوى الوجود

براءة بتردد : و علاش توحشتيني ياك حنا غير صحاب عادي  ، الصحاب كيتوحشو هادشي كامل فبعضهم؟
كمال زاد حاوطليها وجهها بيديه : تو تو إذا نتي كتعتبريني غير صديقك أنا كتعتابرك كلشي نتي صاحبتي و ختي و البنت لي من صغرها و أنا نحماق عليها ، ملي كانت باقا صغيرة و كتلعب كاشكاش و تجي عندي تقوليا خبيني وراك غادي يلقاوني ، نتي البنت لي سكنت روحي و كياني و سجنتي فأسرها ، نتي ملكة روحي و قلبي ، عشقي و حياتي ، نتي كلشي أ براءة كلشي إسم على مسمى نتي هي ديك البريئة لي ساكناني كلشي فيك بريئ ما فيكش التحرايميات ، بسبابك عرفت بلي باقي البنات فهاذ الكون لي يقدرو يحتلو قلبك بدون ما يدقو ، من بنت صغيرة كنلعبها و نقريها لبنتما بقيتش نشوف الحياة بالألوان بلا بيها...
براءة كتسرط ف ريقها حاسة بالدموع غادي يسيلولبيها ، حتى هي من صغرو و هي تبغيه ،طيليفونها عامر ب  تصاورو ، كتغير عليه من كلشي ،و لكن كان كل مرة كيخليها تفقد الامل ب جفائو معاها ، و لكن دابا كتشوفو كيدوي معاها و فعينيه ألف علامة حب و عشق و هوس ،  فداخل عينيه شاب عيا يصبر على فراق حبيبتو باش ما يجبدش مشاكل مع العائلة لي حتاضناتو بحال ولدها و جزء منها ، ولكن دابا مابقاش قاد على الفراق ، حاس براسو مخنوق بلا بيها ، باغي يعمل حد و يكسر هاد الحيوط لي مانعين علاقتهم
براءة بصوت بزز باش كيخرج : كيفاش ؟ ياك من ديما كتقولي نتي غير ختي لا أقل و لا أكثر ، من ديما كتعتابرني وحدة صغيرة ماشي قدك ، شنو تبدل دابا
كمال : تبدل بزاااف 💔 ، دابا تأكدت بلي بلا بيك مابقاش معنى لحياتي ، كنت ديما مخبي مشاعري باش مانخسرش صاحبي لي كنعتابرو كتر من خوياا ، ولكن حتا لإمتى ، مابقيتش قاد نبعد عليك مازاال ، باغي نوضع حد لهادشي ، كنبغيك أ براءتي ♥️♥️♥️
قلبها كيضرب بجهد ما بقاتش قادرة تكبح راسها ، مامصدقاش بلي حب طفولتها واقف كيعتارفليها بحبو ليها لي كانت كتقول مستحيل يكون شي نهار ، تلاحت عليه بجهد و دموعها كيسيلو تكلمت بصوت مخلط بالبكااا : حتا أنا كنبغييك و بزاااف حتا أنا مخنوقة بلا بيك ، عمري بغيت شي حد من غيرك ، نتا هو الشخص لي مستوطن روحي و مربع على عرش قلبي ،نتا ماشي غير عشقي و صافي ، نتا نبضات قلبي الأوكسيجين لي داير بيا ، ماتخايلش ملي مكانشوفكش و ماكاندويش معاك باش كنحس ، المواس كيقطعولي قلبي ، وليت باغا غير نسمع صوتك واخا تقولي نتي ختي ماشي مشكل الأهم تكون حدايا و نشبع عيني من صورتك....
بقاو مدة معانقين و الابتسامة ما مفارقاهومش ؛ حبيبين بل عشيقين سنين و هوما مخبيين حبهم على بعضهم ، و جا الوقت لي يعتارفو بكلشي ، يشدو ف يدين بعضهم و يواجهو أي واحد يوقف ضدهم، و يطفيو ناار العشق لي من زمان و هوما كيتحرقو وسطها  ، بعدليها راسها ب شوية كيشوف فيها بنضرات حب عينيه عامرين دموع ، شاف ف شفايفها بدا كيقرب بشوية جهتهم ، هي غمضات عينيها سامحة لأول قبلة بيناتهم ، يالاه تحطو شفايفو على ديالها سمعو صوت الباب كيدق ، هي تنترات منو مخلوعة ما عارف. ما تدير و الباب كيتدق
ذكرى : براءة حبيبة ، مالكي واش مريضة ما هبطتيش ب مرة
براءة كتشوف فيه و هو كيحاول يكالميها باش ترد عليها و ما يشكو فوالو ، هي سرطات ريقها و تكلمات بصوت مرعود : أنا جاية أ ماما كنت ناعسة ، ندوش و نهبط

ذكرى : واخا أحبيبة يالاه العشا قريب يتحط
براءة عاد تنفست الصعداء ملي مشات ، جلست فوق الفراش كترعد ، هو مكليها كاس د الماء مبتاسم على حالتها

كمال : كنعرفك كتخافي غير من خوك عصام ، قوليلي حتا خالتي ذكرى مركبة فيك الرعب

براءة وقفات هازة ديك الكاس د الما : كتعرف و ما تخرج حتا نهرس عليك هاذ الكاس ، نتا لي جات معاك كتضحك

كمال ابتاسم ضامها عندو حتى تهدنات باسليها راسها : أنا غادي نمشي دابا من بعد وندويو
شافت فيه : واخااا

كمال بابتسامة : كنبغييييك♥️
ابتاسمات و بعد مدة ردات عليه : كنموووت عليك ♥️♥️

ابتاسم و خرج خلاها شادة فقلبها باقا مامتيقاش بلي هادشي وقع

#يتبع