العشق السرمدي

الجزء 193

🍒 الفصل الأول: بدونك لا اهوى الوجود

سحر بدات كتضحك من قلبها فهد هو الوحيد لي قادر يهدر معاها بهاد الطريقة وماتتعصبش عليه حيت عارفاه كيبغيها بصدق: دابا خلينا من الهدرة عليا شنو عنديرو
فهد كان كيلعب بالمسدس فيديه حطو وجبد سجارة كيشعلها

سحر: وا هانتا كتكمي

فهد: كتعاندي معايا لأصل مك أنا راجل ونتي بنت

سحر: بدينا فالعنصرية

فهد: شنو غادي تبداي عليا بحقوق المرأة . نتي عارفاني راجل قدييم فعقلي كنبغي البنت تكون أنثى وتحتارم الأنوثة لي فيها راقية ومأدبة تكون كتحشم هادو المعايير لي يخليوني نسميها أنثى

سحر:  هههههه الله يجيبلك شي أنثى

فهد: باش ننحر مها بلاااش

سحر : ماعرفت منين نشدك

فهد كينفخ الدخان: من الأحسن ماتشدينيش ماعندك ماديري بيا

سحر تنهدات على شخصيتو: شنو عنديرو دابا غادي تبقا مربوطة حتى تموت وماغاديش تعتارف

فهد: هاهو جاي لي يخليها تعتارف

بقاو 5 دقائق حتى كيتسمع صوت السياراة وقفو فباب ديبو

سحر: شكون جاي لهاد البلاصة

فهد لاح الكارو ووقف: رجالي

دخلو ربعة دالكارد لابسين الكحل كلهم قلدة طوال وعراض شادين واحد جارينو كلو دمايات حالتو حالة وقفوه قدام فهد . وسحر غير كتشوف

الكارد :سيدي هاهو شديناه كان باغي يخرج على البلاد

فهد: اممم مزيان .. تيليفون

مد ليه الكرد التاني التيليفون

فهد: كيقلب فتيليفون:ربطوه قدام ختو

سحر وأماني غير سمعو شنو قال علاو راسهم

سحر: هو هادا خوها لي كيعاونها

فهد مازال كيقلب فتيليفون : أممممم

أماني : أهئ أهئ خووويا ثنوو بغيثوو منووووو
الكارد علقوه قدامها فاشل كلا قتلا من عندهوم حتى مابقاش قاد يحل عينيه . فهد قرب ليه شاد فيديه تيليفون وقف حداه شد فشعرو علا ليه راسو دارليه التيليفون قدام وجهو .

فهد: شكووون سيفط ليك هاد المساج

ماجاوبوش

سحر: شمن مساج شدت التيلي من يدو وقرات مساج لي مكتوب فيه

(تمت المهمة بنجاح الخدمة تعاودات مت جديد  )

فهد ضربو بلكمة لكرشو حتى بدا كيرد الدم

أماني كتغوت : خوووووووووياااااا لا ماذربوووووش

سحر تغلغلات مشات ليها وبدات كتضربهاا غير نالوجه ولراس كتهدر وعاضة على سنانها  : شمن مهممممممة شنوووووو لي تعااااود أبنت القح*بة دوييييييي بقات كتضرب فيها حتى وجهها كلو زراق وتنفخ

فهاد الأثناء فالمشفى كان عصام ناعس على حالتو هادي أيام مكايتحركش غير السيرو معلق و هو مخدر، جالسة حداه ذكرى شادة على يديه و قلبها محروق على حالتو لي باقي ما قدروش الأطباء يشخصوها،، باقا هاكاك حتا كتشوف حل عينيه فدقة وحدة كيشوف فمنحى واحد مكيرمش ما والو عينيه محلولين على مصرعيهم

ذكرى كتحركو : ولدي عصام فقتي، آااا، جاوبني مالك
ساكت شنو واقعليك، عصاااام؟؟ مالك ساكت؟؟

شوية و هو يقلب نضرو بالزربة شاف. فيها بحدة حواجبو معليين، و بدااا كلو كيتزير حتى ولا بحال شي خشبة ما كاتقدرش تحركو و ذكرى غير كتبكي، وجهو ولاا زرق مزير على سنانو بقوة غادي يطرطق

ذكرى بدات كتغوت : ولديييي ماااالك ، عتقووونيييي ولديي كيمووووت ( مشات صونات على الأطباء) سربييييو

دخلو الأطباء كيتجاراااو لقاوااه بدااا كيفركل جاو باش يشدوه و هو وقف نقز و بدااا كيغوت بحال شي وحش لي قرب ليه كيجمع معاه ما كيعقل على حد. حتى ماماه قربات عندو مخلوعة و هو يدفعها من عليه شدوها غي الممرضات، هو في كيغوت من قلبووو بحال شي حمق حتا صوتو تبحبح ما مخلي حد يشد فيه كيشد راسو و كينتف فيه كلو كيترعد حالتو حالة فين هو داك عصام لي كنعرفو هذا واحد آخر بحال شي واحد هارب من شي مصحة د الأمراض النفسية ولا كتر ،،. زادو دخلو رجال الأمن و الأطباء تجامعو عليه شادينو و هو غي كيفركل و يغوت حكموه لي سيكيريطي مع كان عددهم كبير واخا حتا هوما كلاوها من عندو، حتا دقولو واحد لبرة د مهدئ فعنقو باش يترخاو جميع أعضاء جسمو، طاح على وقفتو فالأرض كامل كيترعد و ذكرى حانية على راسو كتبكي و تقفقف بالخوف على حالتو

فديبو

فهد : ماغاديش تدوي . ماغاتقوليش بشنو  كنتو كتسمموه وشنو المهمة لي نجحات مد يديه لكارد عطاه واحد الخنجر  ماضي  قرب ليه تحت أنضار أماني لي ملامحها كلهم تمحاو ولا وجهها كيشي كورة
وغرس راس  الخنجر  فصدرو حتي غوت بألم ونزل كيجرد ويخطط  ليه فلحمو وهو كيغوت بألم وأماني غادي تتصطا قدامو

أماني: لا لا خليييه هو مادار والوووو خليييه

سحر: شنو المادة لي كنتي كتوكليه وشنوووو المهمة
أماني سكتات .. وفهد هز يدييه بقوة باش يخشي فيه الخنجر حتى وقف فأخر لحضة بسباب أماني لي غوتات

أماني: صافيي صافي غادي نقول كلشي غادي نعتارف بكلشي من أول ما شفتو غير ماتقتلوليش خويا