العشق السرمدي

الجزء 137

🍒 الفصل الأول: بدونك لا اهوى الوجود

يوم جديد

بعد الفطور جالسين كلهم فالصالون من غير سحر لي الفوق و سلمان لي مشا يجيب براءة من المطار ، ليليان باقا على حالتها د البارح غير مكتئبة واخا عيا يحاول معاها يوسف تنسى ولكن والو

ذكرى شافت فيها بحزن: وا صافي أ بنتي حتى ل إمتى غادي تبقاي مهمومة ، عارفة التعلق صعيب و نتياا شهور و نتي معلقة بيه ولكن راه مكتابالو ما فيدك والو

ليليان علات عينيها لي مغرغرين بالدموع كتشوف فيها وتكلمت بصوت مخنوق : نتي كان فخبارك بلي كنت مربياه

ذكرى : ماكاينش شي حاجة كتدخل نالقصر بلا علمي ، و لكن مادويتش معاك و مامنعتكش حيت شفتك محتارمة رأيي و مادخلتيهش لوسط الدار نشوفوه.

ليليان هبطت راسها كتغزز فشفايفها بحزن تحت أنضار أندريا و يوسف لي قلبو غادي يتحرق عليها ماكرهش يرسمليها البسمة على وجهها و ماعارفش كيفاش

أكرم : ولكن الصراحة حتا نتي مكاتهدايش ،مربياه بعيد واخا و لكن باش تدخليه لجناحي و نتي عارفاني مكانحملوش غير حيت قلتلك سيري هادي لاااا

علات فيه عينيها مغززة ماكرهتش تنوض تخنقو وتكلمت بالغوات: نتاااا سكت ماتدويييش ، كنكرهههك نتا قتاااال قتلتييه و هو غير صغيور ما عندو حتى ذنب و ماكايدير والو ( الدموع هبطوليها)

عصاام : ليليااان نقصي من صوتك راه كبير عليك خسك تحتارميه

ليليان : و هو علاش ما حتارمنيش آااا علاش ما حتارمش ديك الحيوان الصغيور

يوسف عنقها وخشاها فحضنو و هي أصلا فشلانة ماقادراش تمنعو بالعكس كتزيد تمخشش فيه و تبكي

يوسف بهمس خاشي  راسو معاهااا : شوووو صافي أ حبيبة طيبتي عينيك من البارح ونتي تبكي صافي ( ماكاتجاوبوش) تبغي نخرجك أ عمري تبدلي الجو؟ نمشيو لشي بلاصة ؟

ليليان : ماغادي نخرج حتى لبلاصة بعد مني (بدات كتنتر منو و هو زاد خشاها فيه ، العائلة كلها كتشوف فيهم فرحانين حيت يوسف مابقاش كيحاول يكبح مشاعرو قدامهم بالعكس ولا كيبينهم قدام كلشي)

باقين بنفس الحالة حتا كيسمعو شي وحدين داخلين من براا كيدويو ضاحكين ، دارو و هما يلقاو براءة داخلة مبتاسمة و معاها سلماان ، مشات كتجري نقزات على مراد و ذكرى

براءة : توحشتكووووم بزاااااف أناااااا

مراد : بنتي الحبيبة الدار نورات بيك هاذ الصباح

تلاحت عليه براءة عنقاتو بجهد حتى جراتها ذكرى

ذكرى :نتي بعدي ليا من راجلي توحشتيه غا هو طايرة عليه

ضحكات و مشات عنقاتها : نتي هي الحنانة الحبيبة ديالي لي كاتغير على راجلها هههه ( طيراتها ذكرى بقرصة حتى ناضت قافزة و مشات تسلم على لخرين وصلات عند ليليان و هي تخسر ملامحها فيها )

براءة : عاودلي سلمان شنو وقع ، صافي أ حبيبة شوفي كيف رديتي عينيك راه مكتابلو هادشي

ليليان بتاسماتلها و عنقاتها كتسلم عليها

دارت براءة كتقلب بعينيها : فين هي سحر توحشتها

ذكرى : راها فبيتها واقيلة ، ماهبطاتش

براءة : أوكي أنا غادي نطلع نشوفها

خلاتهم و طلعات فالدروج نشطانة ، حلات عليها الباب و دخلت كتسلت حتى طارت عليها بتعنيقة من اللور حتى قفزات سحر و دارت شافتها و هي تضحك

سحر مبتاسمة : الزمر خلعتيني سحابلي شي حد دخل وانا كنلبس

براءة عاد شافت فيها كانت لابسة غير سوتيان من الفوق : هههه وانا أصلا بغيت نخلعك ، توحشتك

سحر : حتانا توحشتك بعدا مبروك نجحتي فالكونكور

براءة : الله يبارك فيك أختي ، إوا كاين شي جديد

سحر : والو هاد الساعة غير الخدمة

بقاو كيدويو حتا صونا التيليفون د سحر غير شافت شكون و هي تبتاسم ، جاوبات عملت هوط باغلوغ و بدات كتقلب على ما تلبس ، أماني كانت دايزة سمعت الهدرة جايا من جهة الجناح مع الباب غير مردود دخلات راسها كاتصتنت

📞📞 سحر : ألو حبيبي

       ديلان: مامي فينك

سحر : هانا غي هنا ألحبيب د ماماه ، كي داير

ديلان: مامزيانش أنا توحشتك من شحال ما جيتي عندي ( كيبكي)

سحر : والله أ مامي غير مشغولة و صافي ، أنا دابا مسافرة غير غادي نجي نجي عندك و نجيبلك بزاااف د لي كادو معايا

ديلان: بصاااح ؟

سحر بابتسامة : آااه أ عمري

ديلان: واخا أ مامي مي ماتعطليش عليا

سحر : تو او بعدا كتهلا فيك خالتو جيسيكا

ديلان: وي   حتا هي كتلعب معايا بزااف

سحر : مزيان أ لغزاال وا صافي يلاه أنا غادي نقطع من بعد نعيطلك و ماتديرش لي بيتيز

ديلان: لا ماكانديرومش ، بسلامة ماما

سحر: بسلامة الحبيب ديالي 📞📞