العشق السرمدي

الجزء 157

🍒 الفصل الأول: بدونك لا اهوى الوجود

يوسف لي كان وصل وخلا الطموبيل لتحت شوية فين حاطين الطموبيلات وطلع على رجليه . وصل عندهم مع الكلام لي موجه نليليان ماشعرش براسو حتى تلاح عليه شانقو  بعد راسو حتى بعدو وضربو بقوة لنيفو حتى طاح دايخ ونيفو كيشرشر بالدمايات

دار كيقلب عليها كيلقاها جالسة مصدومة كتشوف فيه يد شادة بيها العود واليد التانية شادة بيها قطعة المارشميلو غادا بيها لفمها لي أصلا كان عامر بالمرشميلو
خنزر فيها وتقدم عندها معصب غادي ينفاجر
غير شافو أكرم وقف بسرعة قدامو

أكرم : تهدن أصحابي

يوسف مغزف عاض على سنانو مدليه صبعو على شكل تهديد : ماتدخلش ا أكرم  وا إيااااك

تخطاه ومشا لهاديك لي مازالة جالسة مصدومة فمها عامر وصل حتى لعندها وهزها من دراعها بقوة جارها وراه وهي مازال العود فيديها.

بقا غادي بيها كيجرجر فيها حتى بعدو على المخيم وسط الغابة دا ير بيهم غير الشجر ومضوي عليهم القمر
دفعها قبالتو هي لي كانت بدات تقفقف بالخلعة دارت كتشوف وراها غير الضلام الجو كان مرعب بقات غادة  بلوري وهو تابعها حتى كالاتها شجرة

يوسف بحدة:  دابا شنو نديير فدين مك

ليليان بغات تهدر لقات فمها عامر هزات ديك قطعة المارشميلو لي مازالة فيديها خشاتها ففمها. لمهم ماضيعهاش. مضغاتهم وسرطاتهم ويوسف غير كيشوف فيها شكادير هاز حاجبو مخنزر 

ليليان: ما ماتديرلي والووو ههههه

يوسف بعصبية: واااااش كنباااان ليييك كنضحك

ليليان كتحاول تلطف الجو مدات ليه العود لي فيه المارشميلو: تاكل خوود وحدة

يوسف هدر بصرااخ: ليلياااااااااان

ليليان بدا يدخل معاها الخوف :  أنا  كنضحك و صافي

يوسف بحدة : وااش شي حد محرضك عليااا باش تصطيييني واااش شي حد محرضك ديري  عكس لي كنقول ولا ( ماجاوباتوش ) جااااوبيييي رااااا داااوي معاااك

ليليان تخلعات من نبرة صوتو: م ما فهمتش شنو درت دابااا ؟؟

يوسف : لااااا ما درتي والوووو غير جاية لهناااا و ما قايلاهااا لحد مخلية عائلتك كلها كتحمااق عليييك

ليليان : واراا جاية مع أكرم من ديما كانجي معاااه

يوسف : و شكون عطاك الإذن أ لالة ، ياك أكرم هو لخر معارفكش جيتي معااه

ليليان قلبات عينيها : و شكون خاصو يعطيني الإذن بالسلامة ياك حتا بابا عمرو منعني

يوسف بالغوااات : مابقاااش بااباااك هو لي كيحكم داباااا ، أنا لي كنحكم أنا ولي أمرك و أنااا لي المفروض تطلبيهاااا مني وعندي لحق نرفض ولا نوافق ونتي من الواجب علييييك تسمعي كلاااامي

ليليااان تأفأفااات: ميات مرة كنقوولك نتااا ما عندكش الحق تحكم فيااا ، لي كيقولولي عقلي رااااا غااانديييرووووو

غير سمعها شنو قااالت  مع الخلعة لي دوزات عليه والعصبية لي فيه ماحسش براسو حتى شدهاا  قجها  مع الشجرة ؛ وجهو ولا حمر حتى عرووق وجهو بانوو ، هي بدات كتقفقف حاسة بالهوى تقطعليها كتجيييف

يوسف بالغوااات : نتي يصلح لمك غااا لي يقتلك و يدفنك هنااا ما يسوقلك حد الخبااار ، دابااا نتي شنو كتعتبري رااسك .زعماا راكي واعرا كديري لي قالك راسك و حنا ندربو راسنا مع الحيط  ، فنضرك هاد الشخصية  عاجبااااك تفتاخري بيهاا آااا؟ هاد التصرفات  كيبينوووك برهوشة ماعاندها عقل الهوى لي جا يديها
،