العشق السرمدي

الجزء 175

🍒 الفصل الأول: بدونك لا اهوى الوجود

بعد نصف  ساعة دخلو العائلة كلها من باب لوبيطال كيجريو. ذكرى وبلقيس صوفر حالتهم حالة غير دخلو تلقا ليهم الطبيب فالكولوار

مراد: دكتووور بنتيي بنتي سحر فينها

ذكرى: عافاك ادكتور قول ليا راها بيخير

سلمان: البنت لي عاد جابو دابا فينها

دكتور:  غيير بشوية عليكم تهدنو . البنت بيخير الحمد لله

بلقيس عاد رجع فيها النفس: الحمد لله مالها أدكتور شنو طرالها

دكتور: جات فحالة غرق.ومع الأسف كانت حالتها خطيرة

ذكرى بخوف: خطيرة ودابا

دكتور: غير تهدني دابا مزيانة قدرنا نعتقوها
بالأكسيجين فأخر لحضة

يوسف: وفينها دابا

دكتور: راها فالغرفة 104 كترتاح .

مراد : شكرا أدكتور

خلاواه وشاو كيجريو كيقلبو على الغرفة حلو الباب ودخلو كلهم كيتجاراو حتى وقفو فوق راسها

سحر حسات بالحركة حلات عينيها بشوية وهي تلقاهم
كلهم  دايرين  بيها

ذكرى شدات ليها فيديها كتبوسها: بنتي حنييينة كيف بقيتي خلعتيني عليك

سحر إكتفت تبتاسم ليها

مراد: مالك أبنتي كيفاش طرا ليك

سحر: غير فلتت ليا رجلي وطحت أعمي

بلقيس: ودابا باش كتحسي أبنتي

سحر: مزياانة أعمتي

ذكرى: سمحي لينا أبنتي حيت ضغطنا عليك. أنا كنت باغية غير مصلاحتك وقلت غادي تكوني  فرحانة مع أيمن

سحر تنهدات وبقات مدة عاد نطقات: غادي نفكر فالموضوع أماما

ذكرى بتاسمات: بصح ابنتي كتهدري بالمعقول غادي تعطيه فرصة

سحر: ماشي غادي نعطيه فرصة غادي نفكر فالموضوع

بلقيس: أه أه فكري فالموضوع أبنتي . حتى أنا كنتمنى إمتى نشوفك عروسة

سحر كتفت بالإبتسامة وفهاد اللحضة دخل الدكتور

دكتور: سيادنا خليوها ترتاح شوية راه قرب لفجر
خرجو كلهم باش ترتاح منغير سلمان لي قرب ليها
وباسها من جبهتها

سلمان: خلعتيني عليك

سحر بإبتسامة: ماتخافش دايرة بحال المشة بسبعة رواح

سلمان: مشيشتي صافي غاتزوج

سحر: ياك هادشي لي بغيتو

سلمان: أنا تمنيت كون ماكنتيش بنت خالي ونتلاقاك ماكانعرفكش والله لا زكلتك، بيك نعمر دارى

سحر بتاسمات: سحر مرات لاجودان

سلمان: ماشي حشومة رجل مخابرات وصانع أسلحة  تقولي عليه لاجودان

سحر بضحكة: ها ها ها . بقا فيك الحال راه غير كنحيد عليك العين

سلمان تحنا وعنقها عندو حشاها فصدرو: نتي أحلى أخت وأحلى صديقة ديري فبالك معزتك فقلبي كبيييرة وماكاينش لي تعمرها. بغيتك تديها فراسك وفصحتك
سحر شافت فيه بعينين مغرغرين بالدموع بحالا كتشكرو على هاد الكلمات

سلمان شد ليها يديها وباسهم: أنا معاااك فأي قرار خديتيه غير مابغيتكش تاخدي شي قرار مامقتانعاش
بيه . حياتك وفرحتك كتهمني بزاااف

سحر عاودات عنقاتو" نتا أحسن أخ كنبغيييك بزاااااف

سلمان: أنا كنمووووت عليك