العشق السرمدي

الجزء 143

🍒 الفصل الأول: بدونك لا اهوى الوجود

كانت ناعسة لونها اصفر شاحب كتبان هزيلة وضعيفة دخلات براءة ببطئ مامتيقاش عينيها مامتيقاش هادي سحر لي ماشافتهاش تلاتة سنين . غير وقفت قدامها حلت سحر عينيها بشوية

براءة : س سحر

سحر بصوت تعبان : ل للماء

براءة توترات بدات تقلب قدامها: أه أه انا نعطيك لماء
حلات ليها قرعة كانت قدامها وعمرات ليها كاس شدات ليها راسها وبدات كتشربها حتى شبعات عاد حطت الكاس

براءة بخوف: سحر شنو كديري هنا مالك واش مريضة إمتى جيتي

سحر بصوت هادئ ماقادراش تتكلم: ج جيت نشوف عصام وحسيت براسيي مرييضة شوية

براءة ماتيقاتش كلامها: علاش ماعيطتيش على ماما وبابا وباش مريضة

سحر: غير ضربني البرد فالطريق وضرني راسي وأصلا يالاه وصلت هاد الصباح

براءة عاقت بيها: البرد هو لي مامخليكش قادرة تتحركي

سحر: امممم

براءة دارتها ليها قد وجهها وهزات لغطا وتيشرط لقات عندها فاصمة فكرشها تنهدات وغطاتها. وسحر لي فيها كافيها ماقادراش تتنتر معاها

براءة: هادا هو البرد اسحر تبرعتي ليه
( عينيها عمارو بالدموع) تبرعتي لعصام . واخا أداك . واخا جرحك. سمح فيك وخلاك

سحر حتى هي عينيها عمارو بالدموع : شنو غندير بكليتي إدا ماكانش عصام موجود. شنو غندير بروحي وهو ماكاينش فهاد الوجود

براءة بدات كتبكي متأثرة: أهئ أهئ هداا كل حب اسحر

سحر بإبتسامة حزينة : تو تو  هدا عشق هدا هوس

براءة: حبك ليه تعدى مرحلة الهوس باش تضحي بحياتك من أجل واحد أداك خاصك تكوني فتي مرحلة الهوس بل الجنون

سحر: تقدرى تعتابريني حمقة

براءة تحنات باست ليها يديها: نتي اعقل وحدة فهاد الدنيا . خليك انا نمشي نقولها لماما. مشات كتجري جيهة الباب حتى كتوقفها سحر

سحر : براءة

براءة دارت كتشوف فيها : نعام

سحر : أجي عفاك

براءة رجعات عندها مستغربة: مالك بغيتي شي حاجة

سحر: مابغيت حتى حد يعرفني هنا.

براءة: كيفاش وعلاش

سحر: برااءة . بدون نقاش عفاك مابغيت حتى حد يعرفني تبرعت ليه بالخصوص عصام

براءة لكن فهميني علاش

سحر: مابغيتوش يحس براسو مدين ليا . بغيتو يرجع لحياتو طبيعي كيف كان. مابغيتش نجبد ليه الصداع مع مرتو.

براءة: علاش شفتي مرتو حايرة فيه هو كيموت وهي راها فاليونان عندها ديفيلي تما كتشوفو غير فتيليفون

سحر: ماكيهمنيش هادشي ابراءة. داكشي حياتهم . لمهم عندي تاحد مايعرفني هنا حتى نبرا ونرجع بحالا ماجيتش

براءة بدات تبكي تاني : ونتي تبقاي بوحدك . هو كلهم دايرين بيه ونتي هنا بوحدك.

سحر بإبتسامة: انا ديمة بوحدي ابراءة .

براءة: على هاكا خليني نمشي نقولها ليهم

سحر: نتي دابا معايا ماغاديش نكون بوحدي نتي ماغاداش تخليني اولا

براءة: اكيد ماغانخليكش ديمة غادي تلقايني معاك

سحر: لكن بغيتك تواعديني هاد السر يبقا بيناتنا

براءة: كنواعدك غادي يبقا بيناتنا

هاكا دازو أيام براءة كل نهار كانت كتجي تشوفها حتى تعافات سحر وتشافات ورجعات فحالها كأنها عمرها ماجات .

{باااااااك}