العشق السرمدي

الجزء 114

🍒 الفصل الأول: بدونك لا اهوى الوجود

ليليان  نهار كلو كتلعب مع النعيجات فواحد المساحة خضرة وسط الفيرمة
يوسف  جالس بعيد عليها فواحد الكرسي شاد سيجارة فيديه وخدام  بتيليفونو كيشوف أمور شريكتو ومرة مرة يعلي راسو يشوفها ويبتاسم  ويرجع ينزلها
داز  النهار وجاء وقت العودة نلقصر
خرجو كلهم لساحة فين الطموبيلات مرسوسين
ركب ياسين وبلقيس وعصام وأماني

ويوسف وأندريا مراد وذكرى  وليليان بقاو واقفين 
وقفات ذكرى كتوصي فليليان
ذكرى: شوفي ديري عقلك وبلا بسالة راه كلشي غادي يوصلني

ليليان عوجات سيفتها كتغبن:عااافاك ديني معاكم حتا انا بغيت نسافر

مراد:أفين غاتسافري اشريفة غادي أنا ومرتي ندوزو  شهر العسل فين غانعسوك

ذكرى حشمات من يوسف وضربت كتاف مراد : كون تحشم ولدك واقف

يوسف غير كيضحك على واليديه مهما كبرو حبهم عمرو كيكبر ديما كيبينو حبهم واخا قدام الناس ماكيخجلوش منهم
ليليان: وانتوما تمشيو ترومانساو وتخليوني بوحدي

ذكرى : سكتي يلعن مك تاحد فيكم مابقا كيحشم

يوسف قرب لودن ليليان وتكلم بهمس : بوحدك وفين مشيت انا

ليليان شافت فيه وقلبت سيفتها
ذكرى: ماتنسايش تراااجعي دروسك راه مابقاش بزاف وتبدأ الدورة التانية ونتي عندك الباك وماشفتكش هزيتي كتاب

ليليان:واخا ماما

مراد:يالاه سيرو أوليداتي دابا يطيح عليكم الضلام فالخلا
ركبو مراد وذكرى فطموبيلتهم وزادو خرجو من الفيرمة وليليان تقدمات باش تركب مع ياسين وبلقيس حتا شدها يوسف من دراعها
يوسف:أفين غادا امدام

ليليان: نترات يديها : غادا نركب مع خالتو بلقيس
يوسف:تحركي قدامي قالا خالتك بلقيس
ليليان:بعد مني مابغيتش نمشي معاك

يوسف جرها وهي كتنتر حتا لطموبيل لقا أندريا راكبة لقدام حل الباب لور وركبها.  عطا إشارة نياسين بلي غادي تمشي معايا وركب فطوموبيلتو خرج من الفيرمة
طريق كلها وهو حاضيها من المراية وهي غير مخنزرة وكتأفأف وملي كيتلاقاو عينيهم تخنز فيه وتقلب عينيها جابتليه الضحك .
بقات هاكاك كتلولب عينيها حتا داها النعاس ومال راسها  لجنب ،دارت أندريا شافتها

أندريا:اوووه  حبيبة نعسات
يوسف علا عينو فالمراية شافها ونزلهم

أندريا: وقف الطموبيل خليني نرجع لور نعسها على رجلي

يوسف ماداهاش فكلامها
أندريا: شوف مسيكنة راسها معذب

يوسف شاف فيها مخنزر وتكلم بحدة : زمييييييييه
وقف الطمموبيل جنب ونزل كيقاد فسروالو داز لباب لكوفر جبد مخدة ومانطة صغيرة أصلا دارب الحساب لأي حاجة قرب لجيهتها حل الباب ووقف كيشوفها كيفاش ناعسة كتبان صغيرة وبريئة تنهد صيب ليها المخدة نعسها وغطاها، باسها بالخف ففمها وبعد راجع لبلاصتو . وصلو لباب القصر رجع هزها حتا لبيتها نعسها و خرج ياخد دوش ويبدل عليه

دازت العطلة على أبطالنا ماكاين حتا جديد
سحر عاطية وقتها غير لخدمة وكتجي لقصر حتا نصاصات ليل ماباغا تلاقا حد
يوسف كذالك كيخلي حتا تنعس ليليان وأندريا ويجي ينعس ليليان فحضنو شابع فيها بوسان ولمسات وهي ناعسة تقول مغيبة
ذكرى ومراد رجعو من شهر العسل .
وليليان غدا غادي تبدا مدراستها