العشق السرمدي

الجزء 62

🍒 الفصل الأول: بدونك لا اهوى الوجود

فصالات الإجتماعات،قاعة لي من احدث وففخم القاعات لي عرفاتا شي شركة، كيف لا و هي تابعة لمجموعة شركات مرتضى الغنية عن التعريف سواء داخل الوطن او خارجه، مكاينش شي واحد خدام فمجال البسنيس لي مكايخافش هاد المجموعة تاخذلو بلاصتو ...وبالضبط شركة سحر للإسمنت لي الأسهم ديالها طالعين فالبورصة و دايرا بصمة كبيرة فالسوق و هي من بين أفضل الشركات لي مخليين مجموعة مرتضى تكون الوجهة لأغلب الشركات لي كتستورد السلعة  .يعني هي بمثابة الشركة الأم لي إذا طرات ليها شي مشكل غادي يأتر على مجموعة من الشركات من بينهم شركة عصام للنقل البحري و فهد ديال النقل الجوي 

         الصالة كيغلب عليها الطابع الأسود  كيتخللو البراون لي كيضيف ليها لمسة راقية لديكور، القاعة متكونة من طاولة كبيرة د الإجتماعات بالبراون مع كراسي بلاك  قدام كل كرسي كاين الإسم د الشخص و الدور ديالو فالمجموعة  مع ميكرو صغير  على الجانب الأيمن وقرعة دلماء وفناجين الكافي علي الجانب الأيسر  د لا طابل ، .وأونفاص معاها كاين شاشة كبيرة مخصصة للشرح و لي واقف حداها هو سي مايكل رجل خمسيني ملامحو أجنبية شعرو زعر خفيف كيتخللو بعض خصلات الشيب زادتو رونق  للمضهر ديالو الشبابي وهو  واحد من أبرز لي كليون د هاد الشركة كان كيشرح أمور متعلقة بالشراكة  لي بيناتهم  وكيوجه الخطاب ن رجال الأعمال لي جالسين و لي مترأسهم مراد على جانبه الأيمن كاين عصام و غي من الجلسة ديالو و حركاتو باين بلي محاملش راسو علاش جاي.و بالإضافة ل بعض الأشخاص بحال المسؤول على الدخل المادي و مسؤولة العلاقات الخارجية ...

مايكل سالا الشرح ديالو و اتجه لبلاصتو تحت أنضار عصام  لي كلها غضب مكايحملش الواحد لي كيتراجع على كلمتو بمجرد ماتجيه شي فرصة جديدة

مايكل(بالإنجليزي) : سي  مراد شنو رأيك كنضن بلي عندي كامل الحق أنني نلغي الشراكة معاكم حيت هاد الفرصة لي جات لشركتي مكتعوضش

مراد حك على لحليتو وتنحنح وهضر بجدية :سي مايكل نتا واحد من أقدم الشركاء لي معانا ،معروف بالوفاء و مافيكش الدغل و هذا السبب الوحيد لي مخلينا نديرو  معاك هاد الإجتماع حيت كون كان واحد أخر مغاديش نعطيه هاد الفرصة و الوقت كلو، و غادي نتاخد  معاه ديريكت الإجراءات القانونية .إنيواي  أنا غادي نهضر معاك بالمنطق لي كنتمنى أنك تستوعبو   سي فغي كو هاد الصفقة لي تعرضت عليك مغرية ومكنضنش كاين البيسنيس مان لي غادي يرفضها و منهم حتى أنا لو تحطيت فبلاصتك كون نقبلها ولكن الفرق ما بيني و بينك هو أنني مكنعمل حتى خطوة قبل منخدم اللوجيك واللوجيك فهاد الحالة كيقول أنه مستحيل يكون هادشي عندو معنى، نتا واحد عندك خبرة كبيرة فمجال الإسمنت وكنضن ميحتاجش نشرحلك ولكن واخا هاكاك عندكرك بلي الثمن المتفق به عالميا هو ما بين 140 و 200 دولار للطن الواحد وحيت نتا شريك قديم و عارفين بلي الإسمنت لي كتستوردو معانا كتعاود تصدرو ف روسيا فحنا اتفقنا معاك على أدنى ثمن و لي هو 140 دولار و حتى شركة معاندا الحق تنقص ولو دولار على هاذ المبلغ حيت ديجا عندنا الحدود لي مخسنا لا نطلعو لا نهبطو عليهم؛ أما ما بين 140 و 200 كل شركة من حقها تطلب المبلغ لي بغات لهذا كنضن بلي را عملنا معاك كثر من الجهد و هاد المصدر الإسباني لي مابغيتيش تعطينا حتى معلوماتو محرم عليه دوليا يطلب 100 دولار للطن أنا قلت لي عندي ولك واسع النضر ...