العشق السرمدي

الجزء 104

🍒 الفصل الأول: بدونك لا اهوى الوجود

ليليان بقات مدة جالسة كتفكر حتا جاها البرد ناضت طلعات لبيتها حيدت صندالتها وتكات فوق الفراش كتحاول تنعس عيات كتقلب وتشقلب باغية تنعس ولكن والو  جلسات دارت يديها على راسها عاصراه حيت بدأ كيضرها حتا قفزات ملي سمعت صوت تخرشيش وقفات كترعد كتشوف فالبيت مافيه والو ماعرفتش مين جاي هاد الصوت قربات نالبالكون كتشوف الخامية كتمشي وتجي بالريح لي تحرك شدت فيها وهي خايفة وطلات برويسها لقات غير الضلام الدامس بيتها جا قبالتو غير الغابة الجو كان مرعب اصوات الكلاب والحيوانات مع صوت الشرقي جاب ليها الخوف رجعات كترعد

ليليان:تفووو اشداني نجي لهاد القرينة الكحلة. نتوما باغين تحتافلو بزواجكم وانا مااالي حتى نطلق ونحتافل بطلاقي ... بقات واقفة كتقفقف ماقادراش ترجع بلاصتها تنعس

  تنهدات وقالت اعود بالله من الشيطان الرجيم صافي ماكاين والو ماخصكش تبقاي تخافي تنعسي بوحدك اليليان نتي كبرتي دابا ها شوفي ماكاين والو تقدمات جيهت الفراش وهزات الكوفرلي باش تنعس وهي تسمع شي حاجة تشعطات غوتات ولاحت الكوفرلي وخرجات كتجريي فالكولوار ماعرفات فين تمشي جاها خوف رهيب بقات مدة كتفكر وهي تمشي جيهة جناح ذكرى وصلات لقات باب الجناح مسدود دقات جوج مرات ماجاوبوهاش حشمات تعاود تدق تبرزطهم رجعات ادراجها كتدمع ماعارفة شنو تدير مع هاد ليلة لي ماغاديش تسالي . وصلات حتا لبيتها كانت غادي تدخل حتى وقفات كتفكر وهي مترددة ورجعات لبلاصة لي فكرات فيها كتمشى بشوية خايفة ومتوترة وقفات حدا الباب ومدات يديها كتدق بشوية بحال غير كتهر الباب الصوت ماكيتسمعش زادت واحد الدقة ماجاوبها حد ضارت باش ترجع بحالها حتا سمعات الباب تحل قلبات راسها مخلوعة تشوف شكون غير شافتها وهي تنهد براحة

ليليان: الحمد لله ملي حليتي نتي

اندريا غير شافتها بتاسمات: حبيبة شنو كاديري هنا

ليليان:سمحيلي ادا صدعتكم

اندريا:لا ماكاين صداع . نتي مزيانة محتاجة شي حاجة

ليليان حركت راسها :مزيانة غير هي ماقدرتش ننعس

اندريا: علاش كتدرك شي حاجة

ليليان:لا احم الصراحة جاني الخوف

اندريا ضحكات :وينووو  الفلوسة خافت

ليليان علات حاجبها من هاد النعت ديال فلوسة
ليليان:نتي قلتيليا نوليو اصدقاء

اندريا: اه وانا مازالة عند كلمتي

ليليان: ادن يالاهي بقاي معايا حتى ننعس

اندريا: ماكرهتش ولكن يوسف ينوض ومايلقانيش غادي يتقلق

ليليان:اممم صافي سمحيليا دارت راجعة لبيتها حتا وقفااها

اندريا: دخلي نتي نعسي حدانا

ليليان شافت فيها جابت ليها الضحكة: واش نتي حمقة نتي وراجلك وانا نجي ننعس حداكم 

اندريا علات كتفها: عاديي وهو راجلك حتى نتي اولا كيفما كاتعتابريه خوك إذن عادي فين كاين المشكل

ليليان: واش نتي حمقة ماشي عادي

اندريا:حنا عندنا عادي مالو غادي ياكلك وزايدون  هو ناعس ونتي نوضي على الصباح وسيري

ليليان وقفات مترددة ماعارفة شنو تدير واش تدخل تنعس حداهم ولا ترجع لبيتها المرعب كيفما كتسميه
بقات مدة كتفكر متوترة فالأخير تنهدات بقلة حيلة وتقدمات عندها
اندريا شافتها بتاسمات وحلت ليها الباب
دخلات بشوية على صبعان رجليها باش ماديرش الحس واندريا وراها البيت كان كبير والفراش كبير وسط البيت قربات حتى لعندو وشافت بنص عين لقات يوسف ناعس مكسل بهيأتو الضخمة لابس غير سروال ومن لفوق عريان يد مجبدها حداه ويد حاطها على عينيه
اندريا قربات لجيهة التانية وحيدات الكوفرلي ودارت ليها اشارة زعمة دخلي

ليليان حركت ليها راسها بلا وهدرت بهمس
ليليان:لا غير دخلي نتي خليني انا فطرف

اندريا: لا مانقدرش مايجينيش النعاس مولفة ننعس فالطرف

ليليان تأفأفات على هاد النهار المعكس وطلعات تنعس مخليا مسافة بينها وبين يوسف اندريا تكات حداها وهدرت بشوية

اندريا: حاولي تنعسي دابا ماعندك منين تخافي
ليليان تنهدات وغمضات عينيها ومع كانت عيانة دغيا غفات وتقلبات جيهت يوسف عاطية اندريا بطرمتها
اندريا شافتها شنو دارت بتاسمات وتقربات منها لسقت مع جسمها وحطات يديها على دراوعها كتدوز عليهم بحنان فالأخر قربات باستها من كتفها وتمتمات

اندريا: حبيبتي الحلوة . غمضات عينيها ونعسات